Mwamulizo 28:3 - Luganuzi Luswanu Kuli Wanhu Wose 2002

³ Nayo u Muwaha Mulungu, Mudaha vyose, yakulugutize, ho lulelo lwako lwinjipe muno, no konjelezeka, ho wuwe mhuga mbaha ye wanhu.

Mwamulizo 28:3 ပူးပေါင်းရင်းမြစ်များ

Mwamulizo 1:28

U Mulungu yakawalugutiza, yakutya, “Mwilele mwinjipe muno muno, no kuyimemya yinze, no kuyinoza yinze yimuhulicenyi nyenye. Kanyhi muteme mu zisomba ne zindeje zose, na muli viwumbwa vyose vyumi vyono vili mono yinze.

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Mwamulizo 17:20

“Na kuli za Ishumayeli, nakondya kuwuhulika u wulombe wako. Holeka nayo nomulugutiza, nane nomupela wana wenji, no kuwenjifya muno muno. Nayo Ishumayeli kowa sogo we watemi yikumi na wejete, nane nomunoza yawe yikungugo yiwaha.

Mwamulizo 24:60

Nawo wakamulugutiza Labeka wakatya, “Gwe Labeka go lumbu lyetu, Ale wukawezaje nyina we maelufu na maelufu, No lulelo lwako, wateme mu makaya ge walugu wawo.”

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 27:33

Oo! Nayo Isaka yali yeza ku zihulika zizo, yakacicima wucicime wuwaha muno, yakatya, “Alu yo nani yuyulya, mono yapelembile no kundetela mapelembo gakwe, alu nane nghondya kulya lono agwe wali wukali sinaza? Nane namulugutiza nakondya, nayo heya mbeka yakondya kulugutizwa!”

Mwamulizo 35:11

Mulungu yakamulonjela Yakobo kanyhi, yakatya, “Ane yo nene Mulungu u Mudaha Vyose, holeka wulele wonjelezece. Na muli gwegwe, mono nozeza likungugo, sunga ne makungugo, sunga ne watemi wose wolawilila muli gwegwe.

Mwamulizo 41:52

No mwanagwe we kejete nayo, yakamucemela litagwa lya Efulayimu, yakutuniliza yakutya, “Mulungu kamhelela wana mu yisi ye magaziko gangu.”

Mwamulizo 43:14

Muwaha Mulungu komuwonelenyi lusungu hali munhu yuyo, ho yamuwopolelenyi no kumulecelenyi muyenyu Simiyoni hamonga na Benyamini. Ane lu ku lubavu lwangu, hono yinojeye wanangu wajilile, ale hodu du lece wajilile!”

Mwamulizo 48:3

Yakobo yakawa kumutya Yusufu, “Gwe mwanangu, Mulungu Mudaha Vyose, yejela kuli'ne, lono nali nili ku Luzu, mu yisi ya Kanani, yakandugutiza,

Mwamulizo 48:4

yakatya, ‘Lanje ta, ane nokunoza wuwe na ndelo nyinji, kanyhi wonjelezece, na muli gwegwe kanyhi, nonoza mhuga mbaha ze wanhu, nane nowapela yisi yiyi wanago, wayiteme cibitilila.’

Mwamulizo 49:25

Ale, U Mulungu wo sogo mono kakutazaga, U Muwaha Mulungu mono kakulugutizaga, wutuje wumoti wa ku wulanga, ko wumoti wa mu visolo vyono vili hasi ye'si, na ko wumoti we zimitugo ne wana.

Mwamulizo 9:1

U Mulungu yakawalugutiza Noha ne wanagwe, yakawatya, “Ale, mwilele mwinjipe muno muno, no kuyimemya yinze.

Zabuli 127:1

Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

Zabuli 127:3

I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

Wutuluce 1:7

Ne wana wa Isilayeli wali welelile muno, wakacila konjelezeka, wakawa ne vilungo, kanyhi wakawa wenji muno muno, sunga ne yisi yiyilya ye Misili, yikamema weneco wose.

Wutuluce 6:3

Mono nawalawila Abulahamu, na Isaka, na Yakobo nha Mulungu Mudaha Vyose, ninga hamba sinemanyiza kuli wene kwe litagwa lyangu lyono lyelile, lyo Muwaha Mulungu.

2 Wakolinto 6:18

Ane nowa Sogo yenyu, nanye mowa wanangu, we cilume na we cicekulu u Muwaha Mono u Mudaha Vyose, vyo yakutya.”

Wugubule 21:22

Hamba si nawona wuhembelo mwikaya lilyo, hambi u Muwaha Mulungu, u Mudaha vyose, hamonga na yuyulya u Mwana we ngholo, nha wo wuhembelo walyo.

Lutu 2:4

Hanyuma yayo Bowazi mweneco yakaza ku mugunda ku wulawa ku Betelehemu yakawalamusa i waduduzi. Yakatya, “Muwaha Mulungu yeze muli nyenye.” Nawo wakamutya, “Muwaha Mulungu nagwe yakulugute.”