Mwamulizo 28:2 - Luganuzi Luswanu Kuli Wanhu Wose 2002

² Langa nhondo wubite ku Padani-alamu, ku kaya yo kukuyo Betuyeli, kuko ko wukamutole mucekulu, muli wana wa Labani u lumbulye wo nyina yako.

Mwamulizo 28:2 ပူးပေါင်းရင်းမြစ်များ

Mwamulizo 24:10

Hanyuma ya zizo, yuyo u mwitumami wa Abulahamu, yakasola ngamiya yikumi, yakawa kutuluka, akuno yadinghulize ne vipegwa viswanu vye hayo hayo, vyono vyalawa kuli Abulahamu. Yakawa kutuluka muhinzo wakwe, yakabita sunga ko kwi 'kaya lyono yekalaga Naholi, mu yisi ya Mesopotamiya.

Mwamulizo 24:29

Nayo Labeka yali yena lumbulye litagwa lyakwe Labani. Nayo Labani yakamumanyhilila u munhu yuyo kwi'sima.

Mwamulizo 24:4

Langa nghukunena, wubite sunga ku yisi yangu, ku wandugu zangu, wukamulondolele Isaka mugolece kuko.”

Mwamulizo 24:50

Nawo wa Labani na Betuyeli wali weza kuzihulika zizo, wakamupitula wakatya, “Mbeka nghani ayi, yilawa kuli Muwaha Mulungu, holeka nase cisina yinji yo kulonga.

Mwamulizo 25:20

Isaka yali yaficila myaka makumi mane lono yamutolaga Labeka mwana wa Betuyeli, u Muwalami, mulawa ku Mesopotamiya. Nayo Labeka yali yo lumbulye wa Labani.

Mwamulizo 28:5

Isaka yakawa kumutuma Yakobo yabite ku Padani-alamu. Nayo Yakobo yakawa kutuluka, yakawa kubita kuko kuli Labani u mwana wa Betuyeli Muwalami u lumbulye lya Labeka, u nyina ya Yakobo na Esawu.

Mwamulizo 29:1

Hodu, Yakobo yakawa kujendelela no muhinzo wakwe, sunga yakawa kufika mu yisi ye wanhu wa kucilima.

Mwamulizo 31:18

Yakawa kuzisola ne zimitugo zakwe zose, hamonga ne sawo yakwe yose yono yayisawila mu yisi ya Padani-alamu, yakawa kutuluka yakuwuya ku Kanani kuli sogwe Isaka.

Mwamulizo 32:10

Ane hamba sinojeye kuli wihuwilwa wako, hamonga no lusungu lwako, vyono wanhendela ane no mwitumami wako. Lono nalowocela likolongo lya Yoludani, nali sina cinhu cinji co cose, langa nali nina yo nghome du, ninga 'lanje, alu ceza cili mapuga mejete.

Mwamulizo 33:18

Nayo Yakobo lono yawuyaga yakulawa ku Padani-alamu, yafika yapolile mwi'kaya lya Shekemu, mu yisi ya Kanani. Yakasimya nghambi yakwe mu mawimbi behi ne likaya lilyo.

Mwamulizo 35:9

Na lono Yakobo yali yakondya kuwuya ku wulawa ku Padani-alamu, Mulungu kanyhi yakamulawila, yakamulugutiza.

Mwamulizo 46:15

Wawa wo wana wa Leya wono yamulelela Yakobo ku Padani-alani, hamonga na Dina u mwanagwe we cicekulu. Na mu wutowelele, wanagwe we cicekulu, hamonga ne wezukuluwe wose, wali waficile wanhu makumi madatu na wadatu liwalo lyawo.

Hoseya 12:12

No mulezi wetu Yakobo, yatiziza ku Mesopotamiya, ho yatuje mugolece kuko. Yaketuma mulimo wo kudima zingholo kuli munhu yunji.

Hoseya 12:13

Nayo Muwaha Mulungu yakatuma muwizi yawaponye wanhu wa Isilayeli ku wulawa mu wuwanda ku Misili, ho yawadime.