Mwamulizo 27:8 - Luganuzi Luswanu Kuli Wanhu Wose 2002

⁸ Alu mwanangu Yakobo, nghukunena, wuhulikaje zono nghukulonjela.

Mwamulizo 27:8 ပူးပေါင်းရင်းမြစ်များ

Mwamulizo 25:23

Nayo u Muwaha Mulungu yakamutya, “Munda yako, mogali makungugo mejete, Nazo zizo zimbeyu zi nyejete zono zolelwa nagwe, zokwitemanuka. Likungugo linji lyowa na vilungo kuciza liyagwe, u Muwaha komwitumamila u mudodo.”

Mwamulizo 27:13

Ninga unyina yakamutya, “Heya, si nghani yaye, u wulijitwe wako wuwe muli nene mwanangu, agwe wuhulikaje du zono nghukulonjela, wubite du'gwe wukandetele zizo zinyana ze zimhene.”

Mwamulizo 27:43

Holeka mwanangu Yakobo, wuhulice zono nghulonga, alu nghukunena, wumuwucilaje bahano muwahawo, wutizize ko lumbu lyangu Labani ku Halani.

Mwamulizo 27:7

Esawu yabite yakamupelembele mapelembo, yamunozeze ndigwa swanu, yalye, yamulugutize hali Mulungu, lono u mwene sogo yakali cawumi.

Mwamulizo 27:9

Alu, wubite mbela mbela kwi'tewa lye zimhene, wundetele nyhinda nyejete, ninga wuhagule ziswanu muno muno, ho nimunozeze sogo ndigwa swanu muno muno yono mwene yayendile.

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Metumo ge Watumwa 5:29

Ninga Petelo lono yali hamonga ne watumwa wayagwe, yakapitula, yakatya, “Cinojele cimuhulice Mulungu, si nhe wanhu.

Waefeso 6:1

Mo wana, muwahulice walezi wenyu mu Cikilisito, hambi yiyi nha yo nghani swanu.