Mwamulizo 26:4 - Luganuzi Luswanu Kuli Wanhu Wose 2002

⁴ Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 26:4 ပူးပေါင်းရင်းမြစ်များ

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

Mwamulizo 15:5

Baho u Muwaha Mulungu yakawa kumulavyaniza Abulamu hanze ye lihema, yakawa kumutya, “Abulamu, wugalamile ta, wulanje ku wulanga! Ale ta, wuziwalaje zinyelezi hono kosuma kuziwala! Ale no lulelo lwako vyo lowa lwinji nhavivyo!”

Mwamulizo 18:18

Nomunoza mwene Abulahamu yawe yikungugo yiwaha lye vilungo, na muli mwene, i makungugo gose ga mononze golugutizwa.

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Mwamulizo 28:3

Nayo u Muwaha Mulungu, Mudaha vyose, yakulugutize, ho lulelo lwako lwinjipe muno, no konjelezeka, ho wuwe mhuga mbaha ye wanhu.

Mwamulizo 35:12

Ne yisi yono nawapela wa Abulahamu na Isaka, ale, nokupela gwegwe yiwe yako hamonga no lulelo lwako.”

Mwamulizo 47:27

Ale, wanhu wa Isilayeli, wakekala mu'si ya Gosheni mu yisi ya Misili. Na lono wali wali kuko, wakasawa sawo nyinji muno muno, nazo zikelela no konjelezeka muno muno.

1 Zinghomo 27:23

Ninga mutemi Dawudi si yawawala i wanhu wono wali si waficile myaka makumi mejete yaye, hambi Muwaha Mulungu nha yehuwiza nha vyono kowanoza Waisilayeli, wonjelezece wawe wenji muno nhe zinyelezi za ku wulanga.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Wutuluce 32:13

Gwe Muwaha Mulungu, wukumbucile za Abulahamu na Isaka na Yakobo i wetumami wako, wono gwegwe go mweneco wawelahiza wukutya, ‘Nokwinjifya zindelo zenyu nhe zinyelezi za ku wulanga cibitilila.’ ”

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Metumo ge Watumwa 3:25

Wihuwizo wo Mulungu wono yehuwiziza mu wawizi, wali wihuwizo wenyu, kanyhi anye muli we cilagane cono Mulungu yalaganila ne wakuku zenyu, nha vyono yamulonjela Abulahamu, ‘Mu lulelo lwako izinghungugo zose za kono'nze mo zolomotela.’

Wagalatiya 3:16

Ale Abulahamu nayo yapegwa cilagane mweneco hamonga no lulelo lwakwe. Ne Mandiko si gakutya, “Ne zindelo zakwe.” Nha kotya wenji, langa gakutya “No lulelo lwakwe” nha kotya yumonga du nayo yo Kilisito.

Wagalatiya 3:8

I Mandiko Gono Gelile gakulajila vyono, u Mulungu kowanoza i wanhu wono si Wayahudi ho wavumilwe hali mwene mu nzila yo wihuwilo. Holeka i Mandiko Gono Gelile galongola kumulonjela Abulahamu u Luganuzi Luswanu gakutya, “I wanhu wose wono si Wayahudi wolomotesezwa muli gwegwe.”

Wukumbucize wo Wulajilize 13:17

Nanye mulece kusola cinhu co cose ca muli vinhu vivyo vyono vili mwiko kusola, holeka nayo Muwaha Mulungu si komukolelwenyi likuwo yaye, langa komuwonelenyi lusungu, no kumwinjifyenyi muwe wenji, nha vyono yawehuwiza walezi wenyu,

Wukumbucize wo Wulajilize 9:5

Kanyhi si vyono anye muli we ling'ani, mukwituma ze ling'ani, holeka yiwe Muwaha Mulungu yakumupelenyi yisi yawo. Langa mwene kowawinga ku soko yo wubi wawo. Yakuhila yajendelele kukamisa cilagane cakwe cono yacinoza kuli walezi wenyu, Abulahamu, Isaka na Yakobo.

Wahebelaniya 11:2

Hambi i wanhu we katali, nha watujila u wuvumilwe no Mulungu ku soko yo wihuwilo wawo.