Mwamulizo 26:3 - Luganuzi Luswanu Kuli Wanhu Wose 2002

³ Nagwe wuwe mujenzi mu yisi yiyo, nane nokulugutiza, kanyhi nowa nili hamonga nagwe. Nowufisiliza u wihuwizo wangu wono namwihuwiza u sogo Abulahamu, hambi nha nokupela gwegwe hamonga no lulelo lwako zisi zizino zose.

Mwamulizo 26:3 ပူးပေါင်းရင်းမြစ်များ

Mwamulizo 12:7

Ale, u Muwaha Mulungu yakamulawila Abulamu yakamutya, “Nolupela lulelo lwako yisi yiyino.” Co caleka Abulamu yakumuzenjela cikumbicilo u Muwaha Mulungu mono yamulawila.

Mwamulizo 13:15

Yisi yiyino yose yono wukuyiwona, ane nokupela gwegwe hamonga no lulelo lwako, yiwe yisi yenyu ko ku cibitilila.

Mwamulizo 13:17

Holeka alu winuce wuyipilime pilime yisi yiyi yose, wuyilanje mu wima wayo no wugazi wayo, hambi nha nokupela gwegwe.”

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

Mwamulizo 17:19

Mulungu nayo yakamutya, “Aa, ng'o Abulahamu! Langa Sala u mugolece wako yo kokulelela mwana we cilume, nagwe komucemela litagwa lya Isaka. Nane, muli mwene Isaka, mo nocikangaziza i cilagane cangu hamonga no lulelo lwakwe, ho ciwe cilagane ca cibitilila.

Mwamulizo 17:8

Nane nokupela gwegwe, hamonga no lulelo lwako, yisi yiyi yono wikaye nha wuli mujenzi, nha cinji yisi yose ya Kanani, yiwe yisi yenyu cibitilila, nane nowa Mulungu wawo.”

Mwamulizo 20:1

Abulahamu yakatuluka yakulawa ku Mamule, yakawa kubita ku yisi ya Negebu, nayo yakekala haciligati ya Kadeshi na Shuli, kanyhi yakekala hadodo na ku Gelali.

Mwamulizo 25:11

Kukawa lono Abulahamu yakondya kufwa, u Muwaha Mulungu yakamulugutiza Isaka muno muno. Nayo Isaka yekalaga ku Beli-lahayi-loyi.

Mwamulizo 26:12

Nayo Isaka yakazihadika zimbeyu mu yisi yiyo, na mu mwaka wuwo yadudula ko winji muno muno. Nayo u Muwaha Mulungu yakamulugutiza,

Mwamulizo 26:14

Yali yena ng'ombe hamonga ne zingholo, matewa mawaha, yakawa yena ne wetumami wenji muno, sunga ne Wafilisiti wakamuwonela wivu.

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 28:13

No Muwaha Mulungu nayo, yali yemile mu ngazi yiyo. Nayo Muwaha Mulungu, yakamulonjela Yakobo yakatya, “Ane yo nene u Muwaha Mulungu, u Mulungu wo sogo Abulahamu, u Mulungu wa Isaka. Ne yisi yiyino yono wugonile, ane nokupela gwegwe hamonga no lulelo lwako.

Mwamulizo 28:15

Ane nowa nili hamonga nagwe, nokukamisa ko kose kono wukubita, nokugomola kanyhi mono yisi yiyi. Nane sinokulecela lukulu, sunga kolo nakondya kufisiliza u wihuwizo wono nghwihuwizize.”

Mwamulizo 31:3

U Muwaha Mulungu yakamutya Yakobo, “Alu, wuwuye kanyhi ku yisi ye wasogo kuli wanduguzo, nane nowa nili hamonga nagwe.”

Mwamulizo 35:12

Ne yisi yono nawapela wa Abulahamu na Isaka, ale, nokupela gwegwe yiwe yako hamonga no lulelo lwako.”

Mwamulizo 39:2

Nayo Muwaha Mulungu yakawa yali hamonga na Yusufu, yakamumotya muno muno. Nayo Yusufu yekalaga mu nyumba yo muwaha wakwe Mumisili.

Mwamulizo 39:21

Ninga Muwaha Mulungu yakawa yali hamonga na Yusufu, Mulungu yakamunoza Yusufu mu nghango yo kumupela wendezwe ha mwande yo mulanjilizi we jela.

Mwamulizo 48:21

Isilayeli yakawa kumulonjela Yusufu yakutya, “Alu nha vyono wukuwona, ane neza nili behi no kufwa. Ninga hamba nhavivyo, u Mulungu kowa hamonga nanye. Nayo komugomolenyi du ku yisi ye wakuku zenyu.

Mwamulizo 50:24

Yusufu yakawalonjela wanduguze yakawatya, “Nye wandugu zangu, ane lu, neza nili behi no kufwa. Ninga Mulungu komuzizenyi no kumuwusenyi mu yisi yiyi ya Misili, yamutegulenyi ku yisi yono yawehuwiza Abulahamu na Isaka na Yakobo.”

1 Zinghomo 16:16

I cilagane cono yacinoza na Abulahamu no wihuwizo wono yamwihuwiza Isaka.

Zabuli 105:8

Nayo kacikamisaga cilagane cakwe cibitilila, kanyhi kawufisilizaga wihuwizo wakwe, kuli zindelo zose.

Zabuli 105:9

Mwene kacikamisaga cilagane, cono yalagana na Abulahamu, sunga no wihuwizo wono yamwihuwiziza Isaka.

Zabuli 32:8

Mulungu yakutya, “Nokulajila nzila yono kokola, na kanyhi, nokwijiza no kukutonga.

Zabuli 39:12

Gwe go Muwaha Mulungu, wuhulicize wulombe wangu, hamonga ne cililo cangu, wulece kunyamalila lono nghukulilila. Hambi ane nha ninha mujenzi du mono yakupuluta, nane nili mujenda nzila, nha vyono wali wenha walezi wangu wose.

Wutuluce 2:24

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo.

Wutuluce 3:12

Ninga Mulungu yakamutya Musa, “Ane nowa nili hamonga nagwe, na kolo wakondya kuwawusa wanhu ku wulawa ku Misili, waze wahembe nene mwi'tunda alino, cico cowa co citanjilo cono colajila vyono, ane yo nene mono nghutumile.”

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Wutuluce 6:7

Nane nomunozenyi muwe wanhu wangu, nane nowa Mulungu wenyu. Nanye ho momanya vyono yo nene Muwaha Mulungu, u Mulungu wenyu, kolo nakondya kumuwusenyi mu wuwanda mu yisi ya Misili.

Wutuluce 6:8

Nane nomutegulenyi sunga ko ku yisi yono nakondya kuyiwagula, ku so wihuwizo wono namwihuwiziza Abulahamu, na Isaka, na Yakobo, vyono nowapela. Holeka nane nomupelenyi nyenye yiwe sawo yenyu, ane yo nene Muwaha Mulungu.’ ”

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Isaya 43:5

Holeka mulece kogopa, hambi ane nha nili hamonga nanye! ‘Nane nowakonghola no kuwagomola wo lulelo lwenyu ku wulawa kutali ku lubavu lwa kucilima, sunga ko ku lubavu lwa kumwezi.

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

Wukumbucize wo Wulajilize 1:8

Na mumo mose, yo yisi yono nehuwiza ane no Muwaha Mulungu, vyono nowapela walezi wenyu, Abulahamu na Isaka, na Yakobo, sunga ne zindelo zawo. Holeka mubite mukayihale yiwe yenyu.’ ”

Wukumbucize wo Wulajilize 34:4

Hanyuma Muwaha Mulungu yakawa kumulonjela Musa yakatya, “Ayi yo yisi yono namwihuwiza Abulahamu, na Isaka, na Yakobo, vyono yo nowapela i wana wawo. Alu nghulajila, ho wuyilanjile meso du, ninga agwe si nokukombola winjile mu yisi yiyo.”

Wafilipi 4:9

Mwitumaje zono mweyijiza, na zono mwabocela kulawa kwangu, i zinghani zangu, ne metumo gangu. Nayo u Mulungu wo mulamu, kowezana nanye.

Wahebelaniya 11:9

So wihuwilo, yakekala nha mujenzi mu yisi yono u Mulungu yamwihuwiziza. Yakekala kuko mwihema nha vyono wekalaga wa Isaka na Yakobo, wono nawo wahanga u wihuwizo wuwo.

Wahebelaniya 6:17

Nayo u Mulungu, yawukangaziza u wihuwizo wakwe mu wilahize, na muli zizo, yakawalajila calinze, wawo wono yawehuwiziza, vyono si kowupitula kanyhi u wuhile wakwe wuwo.