Mwamulizo 26:2 - Luganuzi Luswanu Kuli Wanhu Wose 2002

² U Muwaha Mulungu yakamulawila Isaka, yakamutya, “Agwe Isaka, wulecele lukulu kubita ku Misili, langa wikalaje du muyisi yono nokulonjela nene.

Mwamulizo 26:2 ပူးပေါင်းရင်းမြစ်များ

Mwamulizo 12:1

Ale, u Muwaha Mulungu yakamulonjela Abulamu yakatya, “Ale wuwuce mu yisi yako, wuyilece ne mhuga yako wose sunga ne kaya yo sogo, wubite sunga ku yisi yono nene nokulajila.”

Mwamulizo 12:7

Ale, u Muwaha Mulungu yakamulawila Abulamu yakamutya, “Nolupela lulelo lwako yisi yiyino.” Co caleka Abulamu yakumuzenjela cikumbicilo u Muwaha Mulungu mono yamulawila.

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 17:19

Mulungu nayo yakamutya, “Aa, ng'o Abulahamu! Langa Sala u mugolece wako yo kokulelela mwana we cilume, nagwe komucemela litagwa lya Isaka. Nane, muli mwene Isaka, mo nocikangaziza i cilagane cangu hamonga no lulelo lwakwe, ho ciwe cilagane ca cibitilila.

Mwamulizo 18:1

U Muwaha Mulungu, yakamulawila Abulahamu lono yali yali ha mibici ye minghola, ya Mamule. Mwene lulo Abulahamu yali yekaye ha mulango we lihema lyakwe mwi'pango lye livuce mu misi mugati.

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Zabuli 25:12

Munhu wo wose mono kamogopago Muwaha Mulungu, yuyo kokwijizwa no Mulungu inzila yo kutyatya.

Zabuli 37:3

Wumwitumbilaje Muwaha Mulungu, witume ziswanu, holeka kokwikala wupolile mononze.

Wutuluce 2:24

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo.

Walawi 26:42

nane ho nolocikumbucilila cilagane cangu kuli Yakobo na Isaka, hamonga na Abulahamu. Nane nolowusipula wihuwizo wangu wo kuwapela yisi wanhu wangu.