Mwamulizo 26:1 - Luganuzi Luswanu Kuli Wanhu Wose 2002

¹ Kukawa na nzala yinji kanyhi mu yisi, lono yali yakondya kupuluta nzala yono yali mu vilo vya Abulahamu lono yali yakali mumi. Nayo Isaka yakabita kuli Abimeleki umutemi we Wafilisiti ku Gelali.

Mwamulizo 26:1 ပူးပေါင်းရင်းမြစ်များ

Mwamulizo 12:10

Na mu vilo vivyo, yikagwa nzala mbaha mu yisi ya Kanani. Ne nzala yiyo yikawa mbaha muno muno. Holeka yikawa yimunojeye Abulamu yabite ku Misili, yakekale kuko nha muhamizi.

Mwamulizo 25:11

Kukawa lono Abulahamu yakondya kufwa, u Muwaha Mulungu yakamulugutiza Isaka muno muno. Nayo Isaka yekalaga ku Beli-lahayi-loyi.

Mwamulizo 25:34

Hodu, Yakobo yakawa kumupela Esawu mukate, hamonga no muhuzi we nandala, nayo Esawu yakawa kulya, yakang'wa, hodu yakawa kutuluka. Na vyo yinha, vyo Esawu yanoza, yakabedegala zo wulongola wakwe wo kulelwa.

Mwamulizo 42:5

Ale, wana wa Isilayeli wakawa kufika ku Misili, wakawa nhe wahemezi wanji wose. Hambi na mu yisi ya Kanani, nha namo mwali moyili nzala nhavivyo.

Mwamulizo 43:1

Ne nzala nayo yikacila muno kuwa mbaha mu yisi ya Kanani.

2 Samwili 21:1

Mu vilo vyo wutemi wa Dawudi, yikagwa nzala mbaha muno, yikasola myaka midatu. Nayo mutemi Dawudi, mwaka na mwaka, yamuwuzaga Muwaha Mulungu so nghani yiyo. Nayo Muwaha Mulungu yakamupitula yakatya, “Sawuli hamonga ne mhuga yakwe, wena wubi wo wuwulaji, hambi nha yawawulanga wanhu wa ku Gibeyoni.”

Wutuluce 33:1

Muwaha Mulungu yakamulonjela Musa yakatya, “Wuwuce baha, mujendelele ku mwande, gwegwe hamonga ne wanhu wono wawawusa mu yisi ya Misili. Sunga mufice ku yisi yono namwilahila Abulahamu, na Isaka na Yakobo, yono natya vyono, ‘Nolowapela zindelo zako yisi yiyi.’

Lutu 1:1

Baho katali, mu vilo vyono Waisilayeli wali wakali siwanawa na mutemi, kwali koyili nzala mu'si. No munhu mono yacemagwa Elimeleki, mono yali we mhuga ya Efulata, mono yekalaga Betelehemu mu Yuda,