Mwamulizo 24:7 - Luganuzi Luswanu Kuli Wanhu Wose 2002

⁷ Hambi u Muwaha Mulungu wo wulanga, mono yambusa mu nyumba ya baba ku yisi yono nalelelwa, nha yanonjela no kunyihuwiza vyono, kowapela ululelo lwangu yisi yiyino. Ale, mwene komutuma malayika wakwe kuli'gwe, yakulongolele, ho wusume kumutujila mwanangu mugolece ku wulawa kuko.

Mwamulizo 24:7 ပူးပေါင်းရင်းမြစ်များ

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Zabuli 34:7

Nayo malayika wo Muwaha Mulungu, kawadimaga wose wono wamogopile, kanyhi kawaponyaga mu zimbali.

Wutuluce 33:2

Nane notuma malayika yamulongolelenyi. Nowawinga Wakanani, ne Waamoli, ne Wahiti, ne Wapelizi, ne Wahivi, sunga ne Wayebusi.

Mwamulizo 13:15

Yisi yiyino yose yono wukuyiwona, ane nokupela gwegwe hamonga no lulelo lwako, yiwe yisi yenyu ko ku cibitilila.

Zabuli 73:24

Agwe yo gwegwe du. Mono wukunhonga ko wulanjizi wako, na ku mudumo, kombocela mu lukumyo lwako.

Zabuli 32:8

Mulungu yakutya, “Nokulajila nzila yono kokola, na kanyhi, nokwijiza no kukutonga.

Wutuluce 32:13

Gwe Muwaha Mulungu, wukumbucile za Abulahamu na Isaka na Yakobo i wetumami wako, wono gwegwe go mweneco wawelahiza wukutya, ‘Nokwinjifya zindelo zenyu nhe zinyelezi za ku wulanga cibitilila.’ ”

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

Wugubule 11:13

Na mwi'daha lilyo, likaza yitulo yiwaha lye'si, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala, wakawa kogopa muno, wakamukumyo Mulungu wa ku wulanga.

Wahebelaniya 11:9

So wihuwilo, yakekala nha mujenzi mu yisi yono u Mulungu yamwihuwiziza. Yakekala kuko mwihema nha vyono wekalaga wa Isaka na Yakobo, wono nawo wahanga u wihuwizo wuwo.

Metumo ge Watumwa 7:5

Hamba u Mulungu si yamupela hanhu hanji ho hose mu yisi yiyi, hawe sawo yakwe ng'o. Ninga hamba nhavivyo, yamwihuwiza vyono komupela yisi yiyi yiwe yakwe, na yo lulelo lwakwe hanyuma yo mwene, hamba yiwe mu cipango cico, yali yakali yasina mwana.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Yoshuwa 1:6

Holeka weze ne vilungo ne nhumbula yo wutung'ati, hambi nha yo gwegwe mono kowalongoza wanhu wawa, sunga wakayiteme yisi yiyo yono nelahiza vyono nowapela i walezi wawo.

Wukumbucize wo Wulajilize 34:4

Hanyuma Muwaha Mulungu yakawa kumulonjela Musa yakatya, “Ayi yo yisi yono namwihuwiza Abulahamu, na Isaka, na Yakobo, vyono yo nowapela i wana wawo. Alu nghulajila, ho wuyilanjile meso du, ninga agwe si nokukombola winjile mu yisi yiyo.”

Wukumbucize wo Wulajilize 1:8

Na mumo mose, yo yisi yono nehuwiza ane no Muwaha Mulungu, vyono nowapela walezi wenyu, Abulahamu na Isaka, na Yakobo, sunga ne zindelo zawo. Holeka mubite mukayihale yiwe yenyu.’ ”

Wuwale 32:11

‘Alu i wanhu wawa vyono si wamhelile cogopo, holeka nane nghwilahiza vyono, hasina hamba monga we cilume wa muli wene, mono yaficile myaka makumi mejete hamba kuciza, muli wono walawile ku Misili, mono kusuma kwinjila mu yisi yono namwihuziza Abulahamu na Isaka na Yakobo.’

Wuwale 14:30

Nali nihuwize vyono, anye wose mokwikala mu yisi yiyo, ninga luno, hasina hamba monga wa muli nyenye mono kosuma kwinjila mu yisi yiyo, langa Kalebi du na Yoshuwa, wo wosuma kwinjila.

Wuwale 14:16

kuwawulajila wanhu wako mu nyika, vyono kulemegwa kuwafisa sunga ko ku yisi yono wawehuwiza vyono kowapela.

Wutuluce 13:5

Muwaha Mulungu yelahiza kuli walezi wenyu, vyono komupelenyi yisi ye Wakanani, na ye Wahiti, na ye Waamoli, na ye Wahivi, na ye Wayebusi. Nayo kolo yakumwinjizenyi mu yisi yiyo yono yina moso muwaha muno muno, ale, monoza sikukuu yiyi mu mwezi mulongozi wa mu mwaka.

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 17:8

Nane nokupela gwegwe, hamonga no lulelo lwako, yisi yiyi yono wikaye nha wuli mujenzi, nha cinji yisi yose ya Kanani, yiwe yisi yenyu cibitilila, nane nowa Mulungu wawo.”

Yona 1:9

Nayo Yona yakawatya, “Ane nili Muhebelaniya. Ane nimuhembaga Muwaha Mulungu, u Mulungu wa ku wulanga, mono yanoza yisi nghavu ne lilenga.”

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Walamuzi 2:1

Lulo Malayika wo Muwaha Mulungu, yakalawilila ku Giligali yakabita ku Bocimu, yakawalonjela Waisilayeli yakawatya, “Lono namuwusenyi ku yisi ya Misili no kumuletenyi sunga ku yisi yono nawelahila i walezi wenyu. Natya, sinolobena cilagane cangu na nyenye.

Mwamulizo 16:7

Malayika wo Muwaha Mulungu yakamwagana Hagali mu nyika, hono howuli muvwilo we malenga, u muvwilo wono wuli mu nzila yono yibitile ku Shuli.

Mwamulizo 21:17

Nayo Mulungu yakamuhulika mwana yuyo vyono yalilaga. Malayika wo Mulungu yakamucema Hagali ku wulawa ku wulanga yakamulonjela yakatya, “Alu Hagali, cono cikukugaza cicici? Wulece kogopa, u Mulungu kamuhulika mwana vyono yakulila.

Mwamulizo 22:11

Ninga malayika wo Mulungu yakamucema ku wulawa ku wulanga, yakutya, “Abulahamu! Abulahamu!” Nayo yakedika yakatya, “Ane baha.”

Mwamulizo 24:3

ane nghukusaka agwe wilahizize mwi'tagwa lyo Muwaha Mulungu wo wulanga ne yinze, nha vyono sikosuma kumuhagulila no kumutoza mwanangu Isaka, muhinza wo wose wa muli wana we cicekulu we Wakanani, wono nikaye mu yisi yawo.

Mwamulizo 24:40

Ninga mwene u muwaha wangu yakanyitya, ‘U Muwaha Mulungu mono nimuhulikaga nhondo zose mu mikalile yangu, ale, yuyo komutuma malayika wakwe, ho yawezane nagwe no kukupela nzila swanu, nagwe komusolela mwanangu mugolece ku wulawa mu wandugu zangu, mu nyumba ya baba.

Wuwale 11:12

Alu ane, nha si nawawumba nene, hamba kuwanoza kose du ho walelwe! Alu nhawule wumheye nitume mulimo wuwu nha nili mukoci wa wana, ho niwadinghule nha wagalika mu mawoko gangu mu nzila yose, sunga niwafise ko ku yisi yono wawehuwiziza walezi wawo?

Yoshuwa 24:3

Baho, nghamusola Abulahamu, u mulezi wenyu, ku wulawilila ku yisi ya ku nhumbi ya Efulata, nghamujendya mu yisi yose ya Kanani. Nghamupela wana wenji. Nghamupela Isaka,

Zabuli 136:26

Mumulumbe Mulungu wa ku wulanga, hambi lusungu lwakwe, nha lwikalaga cibitilila.