Mwamulizo 24:3 - Luganuzi Luswanu Kuli Wanhu Wose 2002

³ ane nghukusaka agwe wilahizize mwi'tagwa lyo Muwaha Mulungu wo wulanga ne yinze, nha vyono sikosuma kumuhagulila no kumutoza mwanangu Isaka, muhinza wo wose wa muli wana we cicekulu we Wakanani, wono nikaye mu yisi yawo.

Mwamulizo 24:3 ပူးပေါင်းရင်းမြစ်များ

Mwamulizo 14:19

yakamulugutiza Abulamu yakutya, “U Muwaha Mulungu, mono yawunoza wulanga ne yinze, yamulugutize Abulamu!

Mwamulizo 14:22

Nayo Abulamu yakamupitula yuyo mutemi wa Sodoma yakamutya, “Ane no muyago nghondya kwilahiza hali Muwaha Mulungu mono yawumba u wulanga ne yinze,

Mwamulizo 21:23

Ale, nghukunena wunyilahizizaje hali Mulungu, lulu baha, nha vyono sikonhendela vibi, nene no mweneco, ne wanangu, hamba no lulelo lwangu. Na munghango vyono ane nali nili mwihuwilwa kuli'gwe, ale na gwegwe nha vivyo, weze wuli mwihuwilwa kuli 'ne na kuli yisi yiyi yono wikaye.”

Mwamulizo 24:7

Hambi u Muwaha Mulungu wo wulanga, mono yambusa mu nyumba ya baba ku yisi yono nalelelwa, nha yanonjela no kunyihuwiza vyono, kowapela ululelo lwangu yisi yiyino. Ale, mwene komutuma malayika wakwe kuli'gwe, yakulongolele, ho wusume kumutujila mwanangu mugolece ku wulawa kuko.

Mwamulizo 27:46

Nayo Labeka yakamulonjela Isaka yakamutya, “Gwe Isaka, ane no muyago, sina hamba nyemo mu mikalile yangu, ku soko ya wa wano Wahiti, i wagolece wa Esawu. Wukwihwesa hono Yakobo yatole yumonga wa muli wawano wacekulu Wahiti, i mikalile yangu yowa yina cambuzici?”

Mwamulizo 28:1

Ale, Isaka yakamucema Yakobo, yakamulugutiza, yakamulajiliza, yakamutya, “Mwanangu Yakobo, wulecele lukulu kutola mucekulu wo wose Mukanani.

Mwamulizo 28:8

Holeka Esawu yakamanya nha vyono kumbe u sogwe, siyakwendezwa ne wacekulu we Cikanani.

Mwamulizo 34:9

Nye wayangu, citolanilaje wahinza wetu.

Mwamulizo 38:2

Nayo Yuda lono yali yali kuko, viketang'anila na mwana we cicekulu wa Shuwa, Mukanani, hodu vikawa kwitola nayo.

Mwamulizo 47:31

Nayo Yakobo yakatya, “Ale nyilahilaje!” Nayo Yusufu yakelaha. Hodu Isilayeli yakawa kwinamizya mutwe wakwe ku lubavu lwa ku mutwe ye citanda cakwe.

Mwamulizo 50:25

Hanyuma Yusufu yakawa kuwelahiza wana wa Isilayeli yakutya, “Ale, Mulungu yalawa yeza kumukumbucilenyi no kumukombozenyi, nhondo muze muwusoleleze no muwili wangu, mulece kuwuleka ku kuno.”

Mwamulizo 6:2

viwumbwa vya kucanyha, vikawawona wawo wana we cicekulu we wanhu vyono waswanu, navyo vikawatola wose wono viwendile.

Mwamulizo 6:4

Mu vilo vivilya, sunga na hanyuma yayo, kwali kogali manhu mono'nze, gono galelwa ne viwumbwa vya kucanyha ku wana we cicekulu we wanhu. Wawo wo wali wanhu we vilungo muno, kanyhi wakawa ne lilumbo yiwaha muno mu vilo vivyo. Ne wanhu wawo wacemwaga “Wanefili.”

2 Watemi 19:15

yakalomba yakutya, “Gwe go Muwaha Mulungu, go Mulungu we Waisilayeli, mono wikaye mu makelubi, nha yo gwegwe Mulungu mono wutemile mu watemi wose wa mono'nze. Yo gwegwe mono wawumba wulanga ne yinze.

2 Zinghomo 2:12

Holeka, yalumbwe Muwaha Mulungu, u Mulungu we wa Isilayeli, mono yawumba wulanga ne yinze! Hambi nha yamupela Dawudi mwana we mahala, mono yena wizuce wuwaha, kanyhi munghula, mono yakondya kudumula nghani yamuzenjele Muwaha Mulungu Nyumba yakwe.

Ezila 5:11

“Nawo wakacipitula wakatya, ‘Ase yo sese mono cili wetumami wo Mulungu wa ku wulanga ne yinze. Sunga nalulu kanyhi, cikuyizenga Nyumba yo Mulungu yono yali nzengwe ku wulawa mwamulizo no mutemi we Waisilayeli, mono yali yali vilungo mu myaka minji yono yapuluta, nayo yakayizenjela sunga ne majinji gayo.

Nehemiya 13:25

Nghawakalipilanga wanhu no kuwalijita, nghawa kuwatowanga, kanyhi nghawakulanga ne zimvwili zawo. Nghawatya welahize hali Mulungu vyono, weneco hamba i wana wawo, si wolokwitolanila kanyhi na wono si Wayahudi.

Nehemiya 9:6

Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Zabuli 115:15

Ale, Muwaha Mulungu yamulugutizenyi, mono yawumba wulanga ne yinze.

Zabuli 136:26

Mumulumbe Mulungu wa ku wulanga, hambi lusungu lwakwe, nha lwikalaga cibitilila.

Wutuluce 20:7

“Wulece kulitumamila litagwa lyo Muwaha Mulungu wako mu zinzila zimbi. Hambi Muwaha Mulungu nha komulipiciza munhu wowose mono yakulitumamila litagwa lyakwe mu zinzila zimbi.

Wutuluce 22:11

Ale, wilahize wa hali Muwaha Mulungu wuwo du wo wolamula hali wene, no kulajila vyono yuyo mukozwa si yayihizize yiyo sawo yo muyagwe. Nayo munya sawo yimunojeye yawubocele wilahize wuwo. No mukozwa nayo, hodu si kolipa cinji yaye.

Wutuluce 23:13

Ale, wuzibataje no kuzikamisa zose zono ane no Mulungu nimulonjelenyi. Kanyhi mulecele lukulu kuyihemba milungu yinji yose yo wulambi, hamba kuyitambula kose mu milomo yenyu.”

Wutuluce 34:16

no kuwatoza wana wenyu we cilume kuli wana wawo we cicekulu. Hambi nha wowajiliza no kuwanoza wawe si wehuwilwa kanyhi kuli'ne, wawe kuhemba ne milungu yawo yo wulambi.

Isaya 45:23

No wihuwizo wangu wa mbeka, hamba si wopituka yaye. Kanyhi nelahiza, nghehuwiza ko mulomo wangu nha vyono wanhu wose wolokuza wafugamile nene, wehuwize nha vyono wowa wali cihuliko kuli'ne.

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Isaya 65:16

No munhu wo wose wa mu'si, mono kosaka wumoteswe, kololomba yapegwe wumoteswe no Mulungu Mwihuwilwa. No munhu wo wose, mono kokwilahiza, kolokwilahiziza mwi'tagwa lyo Mulungu Mwihuwilwa. Ne magazo ga mu vilo vye katali, gose golomalika no kugasemwa.”

Yelemiya 10:11

(Holeka anye nyo wanhu, munojeye muwalonjele we makungugo, vyono i milungu yiyo yono yeneco si yayiwumba yinze, hamba wulanga, yokongomezwa yose. Hamba si yolokwijela kanyhi hanhu ho hose mono yinze.)

Yelemiya 12:16

Nawo hono wawuvumile mu zinhumbula zawo u wuhembi we wanhu wangu, kanyhi welahize wawe kutya, ‘Nha vyono Muwaha Mulungu kekalaga mumi,’ nha vyono nawo wali wawafunda i wanhu wangu, kwilahiza kuli Baali, ale, nawo baho, nhondo ho wowalilizwa hamonga ne wanhu wangu, no kumoteswa.

Yelemiya 29:6

Mutole wacekulu, mulele wana we cilume na we cicekulu. Muwatoze ne wana wenyu we cilume na we cicekulu, nawo walele wana we cilume na we cicekulu nhavivyo, ho musume konjelezeka kuko, hamba mulece kucepuka yaye.

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Walawi 19:12

Kanyhi wulecele lukulu kwilahiziza mwi'tagwa lyangu, hono wuwe wumanyile vyono si kosuma kuwufisiliza wihuwizo wako. Hambi wunoza nhavivyo, nha wukuliletela cevu litagwa lyangu. Ane yo nene Muwaha Mulungu wenyu.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Wuwale 5:21

ale, Muwaha Mulungu yakunoze wuwe mulijitwe muli wanhu wako. Kanyhi Muwaha Mulungu yakunoze cipwi cako ciwombe, ne 'nda yako yitumbe.

1 Wakolinto 7:39

U mugolece yakuwa muwopwe no mulume wakwe i vilo vyose lono u mulume wakwe yakali mumi. Ninga u mulume lono yafwe, ale u mugolece yuyo yawopolwa, na hono yende mweneco, kosuma kutolwa no munhu wo wose, soko du yiwe mu nzila ye Cikilisito.

Wukumbucize wo Wulajilize 10:20

Holeka munojeye mweze ne cihuliko kuli Muwaha Mulungu, u Mulungu wenyu, muwe kumuhemba mweneco yali wene du. Kanyhi mweze muli wehuwilwa kuli mwene, kanyhi mweze kwilahiziza mwitagwa lyakwe mweneco du.

Wukumbucize wo Wulajilize 6:13

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

Wahebelaniya 6:16

I wanhu lono wakwilahiza, welahizizaga kuli muwaha mono yawacizize, no wilahize wuwo wumalaga u wuwanji wose.

Yoshuwa 2:12

Holeka nghumunenenyi munyilahize kuli yuyo Mulungu wenyu, nha vyono moyitendela ziswanu mhuga yangu, nha vyono nane nimutendelenyi nyenye. Kanyhi mumhelaje ne citanjilo, cono conoza nane ho nimwitumbilenyi.

Walamuzi 14:3

Ninga u nyina no sogwe wakamuwuza wakamutya, “Nhawule wukusaka kubita kutola mucekulu kuko kuli Wafilisiti wono si walame? Alo siwudahile kulondola muhinza yunji wa mu mulango wetu, mu wanhu wetu?” Ninga Samusoni yakamutya sogwe, “Nane yuyo, yo nhumbula yangu yamwenda, holeka nghusaka mubite mukamusole yuyo.”

1 Samwili 20:17

Hanyuma kanyhi Yonazani yakamwihuwiziza Dawudi nha vyono kojendelela kumwenda. Hambi Yonazani nha yali yamwendile Dawudi muno muno nha vyono yali yeyendile mweneco.

1 Samwili 30:15

Dawudi yakamutya, “Alu, wule, kosuma kunhonga ku wanhu wawo?” Nayo muzelelo yakamupitula yakatya, “Heya nosuma kukutonga hono wunyihuwize du mwi'tagwa lyo Mulungu, vyono agwe sikombulaga, hamba kunghombola mu miwoko yo muwaha wangu.”