Mwamulizo 23:2 - Luganuzi Luswanu Kuli Wanhu Wose 2002

² Yakafwila ku Kiliyati-aleba, (wo wutya, Hebuloni,) mu yisi ya Kanani. Nayo Abulahamu yakalila muno muno ku soko ye lifwa lya Sala u mugolece wakwe.

Mwamulizo 23:2 ပူးပေါင်းရင်းမြစ်များ

Mwamulizo 13:18

Hodu Abulamu yakawa kulikula lihema lyakwe, yakawa kubita kwikala behi ne miyaloni, i mibici ye minghola ya Mamule, yono yili mu Hebuloni, nako kuko, yakamuzenjela Muwaha Mulungu cikumbicilo.

Mwamulizo 23:1

Sala yakafwa yaficile myaka yigana limonga, makumi mejete na mupunghati, yo wikale wakwe.

Mwamulizo 23:19

Zali zeza kukondya zizo, nhondo ho Abulahamu, yakawa kumuzika malehemu Sala u mugolece wakwe, mu mhango yiyo yono yali yili mu mugunda wono wuli Makipela, kucilima ya Mamule (wo wutya Hebuloni) mu yisi ya Kanani.

Mwamulizo 24:67

Hodu nayo Isaka yakawa kumubocela Labeka, yakawa kumwinjiza mwi'hema lyakwe, yakamutola, yakawa mugolece wakwe. Nayo Isaka yakamwenda muno muno Labeka. Na mu nzila yiyo, Isaka yakatuga wusindamikwe wuwaha muno, ku soko yo kufwilwa no nyina.

Mwamulizo 27:41

Hodu ku wulawilila baho, Esawu yakawa kumusula muno muno Yakobo u mwanakwawe, ku soko yo wulugutwe wono Yakobo yali yakondya kupegwa no sogo yawo. Nayo Esawu yakehwesa yakatya, “Ninga mwene i vilo vyo kumulilila sogo yetu nha vyasejelela muno. Ale, nane baho ho nomuwulajila u mwanakwetu Yakobo.”

Mwamulizo 35:27

Yakobo yakabita kuli sogwe Isaka, ku yisi ya Mamule, likaya lya Alaba, nha cinji Hebuloni, hanhu hono Abulahamu na Isaka wekala kotya wajenzi.

Mwamulizo 37:14

Nayo sogwe yakawa kumutya, “Ale, wubite wukawalanje wawahazo hamonga ne zimitugo, hono wawe wapolile, ale, wuze wunonjele nane manye.” Hodu Yakobo yakawa kumutuma Yusufu ku wulawa mwi'lolo lya Hebuloni, nayo yakawa kubita ku Shekemu.

Mwamulizo 50:1

Hobaho Yusufu, yakawa kwigumila mucanyha yo sogwe, akuno yakulila no kumunonela.

Mwamulizo 50:10

Nawo wali weza kufika mu cuga co wuhemba ca Atadi, ku nhumbi ye likolongo lya Yoludani, wakalila muno ko wukalale wuwaha, nayo Yusufu yakamulilila sogwe vilo mupunghati.

2 Samwili 1:12

wakawa no wukalale wuwaha muno, wakamulilila Sawuli. Na mwi'zuwa lilyo, hamba si walya cinji yaye ku soko ya Sawuli, hamonga no mwanagwe we Yonazani, na ku soko ye wa Isilayeli, i wanhu wo Muwaha Mulungu. Hambi nha wanhu wenji wono wali wakondya kuwulagwa ku wulugu.

2 Samwili 1:17

Dawudi yakawalilila Sawuli no mwanagwe Yonazani.

2 Samwili 2:11

Nayo Dawudi yakatema ku Hebuloni mu nyumba ya Yuda, myaka mupunghati na myezi mutandatu.

2 Samwili 5:3

Holeka i walongola wose we Waisilayeli, wakamuziza mutemi Dawudi kuko ku Hebuloni. Nayo yakanoza cilagane nawo hali Muwaha Mulungu, nawo wakamwitila mafuta, yakawa mutemi wa Isilayeli.

2 Samwili 5:5

Hebuloni ku Yuda yakatema myaka mupunghati na myezi mutandatu. Namo mu Yelusalemi, yakatema wanhu wa Isilayeli hamonga na Yuda myaka makumi madatu na midatu.

1 Zinghomo 6:57

Ne makaya gaga gono getyatizye go wapegwa i wana wa

2 Zinghomo 35:25

Nayo muwizi Yelemiya, yakatula lwimbo lo kumulilila mutemi Yosiya. Nawo wukawa wo moto we wembi wose mu yisi yose ya Isilayeli, we cilume na we cicekulu kulwimba lwimbo lulo, lono wakumulilila Yosiya. No lwimbo lulu, luli mu citabu ce Cililo.

Nehemiya 11:25

Wenji wa muli wanhu, wekalaga mu matumbi ge behi ne migunda yawo. Na wono wali wo mulango wa Yuda, wekalaga ku Kiliyati-aleba, na Diboni, na Yekabuzeli, na mu vitumbi vye behi ne makaya gago.

Yelemiya 22:10

Nye nyo wanhu wa Yuda, mulece kumulilila u mutemi Yosiya ye, hamba mulece kulila ku soko yo wufwe wakwe. Langa mumulililaje ko wusungu wuwaha muno, Yowahazi u mwanagwe, hambi nha womusola, wamutegule kutali, nayo si kolowuyila lukulu hamba si koloyiwonela lukulu kanyhi ne yisi yono yalelelwa.

Yelemiya 22:18

Holeka u Muwaha Mulungu yakulonga za kuli Yehoyakimu u mwana wa Yosiya u mutemi wa Yuda, yakutya nhavi, “Hasina hamba munhu monga mono kolocililila cifo cakwe, hamba kucilonga-longa kose yawe kutya, ‘Ka, nye! Mhola ndugu yangu si!’ Hamba hasina munhu mono kolomulilila hamba kwikunguza yawe kutya, ‘Mhola mulongola wangu! Mutemi wangu!’

Wuwale 13:22

Ninga kanyhi, wakamula kubita ku lubavu lwe takama lwe yisi, wakakolela ku Hebuloni, mu yisi ya we mhuga ya Ahimoni na Sheshayi, na Talamayi, we ndelwa ye mbeyu ye manhu gono gali gali vilungo, gono gacemwaga Waanaki, wo wekalaga kuko. (Nayo Hebuloni, yo yalongola kuzengwa. Yali yeza kupuluta myaka mupunghati, ho yikazengwa nayo Zowani yono yili mu Misili.)

Wuwale 20:29

Ne mhuga yose ya Isilayeli, wakamanya vyono Haluni yakondya kufwa. Holeka wose wakamulilila vilo makumi madatu.

Yohana 11:31

Iwayahudi wono wali wali hamonga nayo mu nyumba, wono wamutuzaga, waza kuwona vyono Malyamu yakwinuka musunho, no kulawila kunze, wakamutyatya, watezaga 'mba lunji, yakubita ku citenjelo yakalilile kuko.

Yohana 11:35

Yesu yakalila mahozi gakalawa.

Metumo ge Watumwa 8:2

Wanhu wehuwilwa kuli Mulungu, wakamuzika Sitefano, wakamulilila cililo ciwaha.

Wukumbucize wo Wulajilize 34:8

Nawo wanhu Waisilayeli wakamulilila Musa vilo makumi madatu, baho mu yisi ya Mowabu.

Yoshuwa 10:39

Yakayiteka hamonga no mutemi wayo, ne matumbi ge behi behi. Wakawawulaga wanhu wose. Yoshuwa yakayitendela Debili no mutemi wayo nha vyono yayitendela Libina na Hebuloni ne watemi wayo.

Yoshuwa 15:13

Lubavu lunji lwe yisi ya we mhuga ya Yuda, yakapegwa Kalebi u mwana wa Yefune, nha vyono Muwaha Mulungu yamulajiliza Yoshuwa. Yakapegwa likaya lya Hebuloni, likaya lyono lyali lya Aluba u sogwe wa Anaki.

Yoshuwa 15:54

na Mumeta, na Hebuloni, na Ziyoli. Makaya yicenda, hamonga ne matumbi gono gali gagapilime.

Yoshuwa 20:7

Hobaho wakagawagula makaya go lubavu lwa kumwezi ya Yoludani. Wakagawagula makaya ga, Kedeshi ya ku Galilaya, mu yisi ye matunda ya Nafutali, na Shekemu mu yisi ye matunda ya Efulayimu, na Hebuloni mu yisi ye matunda ya Yuda.

Yoshuwa 21:11

Wakapegwa likaya lya Aleba (Aleba yali yo sogwe wa Anaki), ninga alu likucemwa Hebuloni, mu yisi ye matunda ya Yuda, hamonga ne mawimbi gono gayipilime go wudimilo we mitugo zawo.

Walamuzi 1:10

Hanyuma, wakatuluka kanyhi wakawabitila Wakanani wono wekalaga mwi 'kaya lya Hebuloni lyono katali lyacemwaga Kiliyati-aleba. Wakazihoma zimhuga zose za Sheshayi na Ahimani na Talimayi.

1 Samwili 20:31

Alu mwene si wumanyile vyono munghango yo wikale wa Dawudi, agwe hamba si kosuma kuwa mutemi mono yisi yiyi? Alu, wubite mbela wukamulete, hambi mwene nha yanojeye du yawulagwe!”

1 Samwili 25:1

Samwili yakafwa, nawo wa Isilayeli wose wakekonghola, wakamulilila, wakamuzika mu kaya yakwe ku Lama. Hanyuma ya zizo, Dawudi yakawa kubita ku nyika ya Palani.

1 Samwili 28:3

Ale, Samwili yali yakondya kufwa ne Waisilayeli wose wali wamulilila, wakondya no kumuzika ku Lama mu kaya yakwe mweneco. Nayo Sawuli yali yakondya kuwawusiza lukulu we macisi ne wahawi wose mu Isilayeli.