Mwamulizo 22:5 - Luganuzi Luswanu Kuli Wanhu Wose 2002

⁵ Yakawalonjela wawalya i wazelelo wakwe yakatya, “Ale, anye, mwikalaje bahano, hamonga ne ndogowe yiyino. Ane na ayu Isaka, cobita akulya ku nhumbi ayilya, ko cikahembe, hanyuma ho comuwuyilenyi kanyhi.”

Mwamulizo 22:5 ပူးပေါင်းရင်းမြစ်များ

Mwamulizo 22:19

Ale, Abulahamu yakawa kuwabitila wawalya wazelelo wakwe, yakawa kutulukana hamonga nawo, wakawa kuwuya ku kaya ku Belisheba. Nayo Abulahamu, hodu yakekala kuko.

Mwamulizo 22:4

Na mwi'zuwa lye kadatu, Abulahamu yakenula meso gakwe, yakalanga, yakahawonela cidaha i hanhu baho.

Mwamulizo 22:6

Nayo Abulahamu yakazisola zingwagu yakamutwika mwanagwe Isaka yazidinghule. Mwene nayo yakadinghula moto no mumaje mu muwoko. Ale, wakawa kutuluka.

Wutuluce 24:14

Musa yakawalonjela Wanyamhala yakawatya, “Ale, anye mucilindilaje bahano sunga kono cowuyila. Haluni na Huli wowa wali hamonga nanye. Na muli wose mono kowa yena nghani yono yikumugaza, ale, yawawonaje wene.”

Wahebelaniya 11:19

Abulahamu yehuwila vyono u Mulungu kosuma kuwazukula i wafu: na ku lubavu lunji, mbeka Abulahamu yamutuga kanyhi u mwanagwe kulawa kuli wafu.

Wahebelaniya 12:1

Ase cina yipuga yiwaha lye wahomelezi wono wali ha mwande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli ha mwande yetu.