Mwamulizo 22:2 - Luganuzi Luswanu Kuli Wanhu Wose 2002

² Mulungu yakamutya, “Ale, wumusolaje mwanago Isaka, u mwanago we ciwene, mono wumwendile, wubite nayo sunga ku yisi ya Moliya, wukamulavye kuko, likumbiko linyanywe, mucanyha ye litunda lyono nokulajila nene.”

Mwamulizo 22:2 ပူးပေါင်းရင်းမြစ်များ

Mwamulizo 17:19

Mulungu nayo yakamutya, “Aa, ng'o Abulahamu! Langa Sala u mugolece wako yo kokulelela mwana we cilume, nagwe komucemela litagwa lya Isaka. Nane, muli mwene Isaka, mo nocikangaziza i cilagane cangu hamonga no lulelo lwakwe, ho ciwe cilagane ca cibitilila.

Mwamulizo 21:12

Ninga Mulungu yakamutya Abulahamu, “Wulece kukalala ku soko yo mwana yuyu, hamba muwanda wako. Yoyose du yono kokulonjela Sala, agwe wuyitumaje, vyono ululelo lwako lolawilila muli Isaka.

Mwamulizo 21:3

Nayo Abulahamu yakamucemela litagwa lyakwe Isaka.

Mwamulizo 22:12

Malayika yakamutya, “Wulece kumutamisa yuyo mwana, hamba wulece kumutendela nghani yo yose! Alu namanya vyono agwe mbeka wumogopile Mulungu, vyono si wumulemeze mwanago we ciwene Isaka.”

Mwamulizo 22:16

yakatya, “U Muwaha Mulungu yakutya nhavi, Nilahiza nene no mweneco vyono, ku soko vyono witumile nhavivi, hamba siwunemeze u mwanago we ciwene,

Mwamulizo 22:3

Ale, imitondo yaco, Abulahamu yakelawa kwinuka hakali mitondo muno muno. Yakayiwikaniza ndogowe yakwe, yakawasoleleza ne wazelelo wakwe wejete, hamonga no mwanagwe Isaka. Ale du, yakawikaniza ne zingwagu so lilyo likumbiko, hodu wakawa kutuluka ku wubita i hanhu hono Mulungu yamulonjela.

Mwamulizo 22:9

Nawo waza kufika i hanhu hono Mulungu yamulajiliza. Abulahamu yakazenga cikumbicilo. Yakapanga zingwagu mucanyha ye cikumbicilo, yakawa kumuwopa mwanagwe Isaka, yakawa kumujeleka mu zingwagu, mucanyha ye cikumbicilo.

Mwamulizo 8:20

Nayo Noha yakamuzenjela u Muwaha Mulungu cikumbicilo, yakawa kusola i vilimu vyose vyono vyelile vye mawala gose, ne zindeje, yakawa kuvilavya vilavywa vinyanywe mu wukumbicilo.

2 Watemi 3:27

Hobaho yakamusola u mwanagwe, u mulongozi kulelwa, mono yali yo munya kuhala wutemi wakwe, yakawa kumulavya yikumbiko mucanyha ye lijinji lye likaya, kuli mulungu we Wamowabi. Nawo Waisilayeli wali weza kuziwona zizo, wakogofywa muno, hodu wakalileka likaya, wakawuya ku yisi yawo.

2 Zinghomo 3:1

Ninga mutemi Dawudi, u sogwe wa Solomona, yali yakondya kuhawikaniza i hanhu hono yozengwa yiyo Nyumba yo Mulungu. Ne hanhu heneco, hali ha Yelusalemi, he 'tunda lya Moliya, hono Muwaha Mulungu yelajilila kuli Dawudi, i hanhu hono Olinani u Muyebusi, yahetumamilaga nha cuga cakwe.

Mika 6:7

Muwaha Mulungu kokwendezwa hono nimutegulile matewa na matewa ge zingholo, hamba makolongo elufu na elufu ge mafuta ge mizeyituni, yono si yidumaga? Hamba nimulavizye mwanangu mulongozi kulelwa, ho ndipile wubi wangu?

Yohana 3:16

Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nhavivyo, wule, si kocipela ne ziswanu zose?

Wahebelaniya 11:17

So wihuwilo, Abulahamu yamulavya u mwanagwe Isaka ho yawe likumbiko, lono u Mulungu yamujelaga. Na yuyo Abulahamu yali yabocela u wihuwizo wo Mulungu, ninga, hamba nhavivyo, yavumila kumulavya yikumbiko u mwanagwe we ciwene,

Walamuzi 11:31

nane nokulavizya cilavywa cinyanywe co munhu mono kolongola wulawa mu kaya yangu, kuza kuhinjiliza, lono nghuwuya ku kaya no wusume kuli Waamoni.”

Walamuzi 11:39

Mbeka yaza kupuluta myezi myejete yakawuya hali sogwe nha vyono yali yehuwiza, nayo sogwe yaketuma nha vyono yehuwiza hali Muwaha Mulungu. U muhinza yuyo yakafwa yali yakali namanya walume yaye. Na ku wulawa baho, hodu wukawa wo moto we Waisilayeli.