Mwamulizo 22:1 - Luganuzi Luswanu Kuli Wanhu Wose 2002

¹ Zali zeza kukondya zizo, hanyuma u Mulungu yakamujela Abulahamu, yakamucema yakutya, “Gwe Abulahamu!” Nayo yakedika yakatya, “Ane, baha Muwaha.”

Mwamulizo 22:1 ပူးပေါင်းရင်းမြစ်များ

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

Mwamulizo 21:11

Ne nghani yiyi yikamukalaza muno muno Abulahamu, vyono na Ishumayeli nayo yali mwanagwe.

Mwamulizo 22:11

Ninga malayika wo Mulungu yakamucema ku wulawa ku wulanga, yakutya, “Abulahamu! Abulahamu!” Nayo yakedika yakatya, “Ane baha.”

Mwamulizo 22:7

Nayo Isaka yakamuwuza sogwe, yakutya, “Gwe baba!” Nayo Abulahamu yakedika yakatya, “Ane mwanangu?” Isaka yakatya, “Baba, u moto ne zingwagu, avyo cina navyo, alu ma inyana ye ngholo ye likumbiko yili hayi?”

Mwamulizo 37:13

Isilayeli yakamulonjela Yusufu yakamutya, “Gwe Yusufu, si kotya wumanyile vyono wawahazo wali ku wudimizi ku Shekemu. Holeka ane nghusaka nghutume kuko kuli wene.” Nayo Yusufu yakatya, “Ane nili baha baba wunhumaje.”

Mwamulizo 46:2

Nayo Mulungu yakalongana na Isilayeli ne cilo mu wugubulilwe, yakamucema yakutya, “Yakobo gwe! Yakobo!” Nayo Yakobo yakedika yakatya, “Ane hano.”

2 Samwili 24:1

Muwaha Mulungu, yakawakolelwa likuwo kanyhi Waisilayeli, yakawa kumunoza Dawudi yawagaze. Muwaha Mulungu yakamulonjela Dawudi yakatya, “Alu wubite wukawawale wanhu wa Isilayeli na wa Yuda.”

2 Zinghomo 32:31

Ninga lono watemi wa Babiloni, watumila wanhu waze kuli Hezekiya, wamuwuze ze vitanjilo vyo wizine, vyono vyejela mu'si, baho langa Mulungu yakamuleka Hezekiya yetume nha vyono kowona mweneco, ho yamumanye zono zili mu nhumbula yakwe.

Zabuli 11:5

Muwaha Mulungu kawapimaga we ling'ani ne wabi, nayo kawasulaga muno muno i wanhu wakali.

Wutuluce 16:4

Muwaha Mulungu yakamulonjela Musa yakatya, “Alu, ane nomulagazizenyi mikate kulawa ku wulanga. Nawo wanhu wolawila no kutondola nhondo zose ndigwa yono yikwiliye lizuwa lilyo limonga du. Na mu nzila yiyi, nane ho nosuma kuwona hono wowutyatya wulajilize wangu.

Wutuluce 3:4

Muwaha Mulungu yali yeza kumuwona Musa yakusejelela, baho baho yakawa kumucema ku wulawilila mugati ye cititika, yakutya, “Musa gwe! Musa!” Nayo Musa yakapitula yakatya, “Ane nili baha.”

Zimbazi 17:3

Zahabu na fweza, vikuwa kujelwa no moto. Nayo nhumbula yo munhu yijelwaga no Muwaha Mulungu.

Isaya 6:8

Hanyuma ya zizo, nghahulika Muwaha Mulungu yakutya, “Alu, nomutuma nani? Hamba nani mono kobita ku soko yetu?” Nane nghamupitula nghatya, “Nili baha! Wunhumaje nene.”

1 Wakolinto 10:13

I majelo gono gakondya kumuzizenyi, go majelo ge nhondo zose du kuli munhu. Ninga umwene Mulungu, yo mwihuwilwa, nayo si kosuma kumulecenyi ho mujelwe kuciza vyono mosuma, ninga hamonga ne majelo gago, u mwene komupelenyi ne vilungo vyo kugakangalilila, sunga ne nzila yono yomukozenyi mu majelo gago mupolile.

Wukumbucize wo Wulajilize 13:3

Anye mulecele lukulu kuzihulicila zinghani zakwe munhu yuyo. Hambi Muwaha Mulungu wenyu, nha yakumujelenyi, ho yamanye hono mbeka mumwendile mwene kwe zi nhumbula zenyu zose, na kwe mitima yenyu yose.

Wukumbucize wo Wulajilize 8:16

Na mumo mu nyika, yakamupelenyi ndigwa yono yikucemwa Mana, ho mulye, i ndigwa yono ku wulawa katali, walezi wenyu si wali wayimanyile hamba kuyilya. Yakamukozenyi mu makamu menji, ho yamujelenyi, hanyuma ho yamulugutizenyi kwe vinhu viswanu.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Wahebelaniya 11:17

So wihuwilo, Abulahamu yamulavya u mwanagwe Isaka ho yawe likumbiko, lono u Mulungu yamujelaga. Na yuyo Abulahamu yali yabocela u wihuwizo wo Mulungu, ninga, hamba nhavivyo, yavumila kumulavya yikumbiko u mwanagwe we ciwene,

Yakobo 2:21

Ma, usetu Abulahamu yanoza wule sunga yakavumilwa no Mulungu? Yavumililwa mu metumo gakwe, lono yamulavizya mwanagwe Isaka mu cikumbicilo.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zeneco, zono zihodanjikaga, zijelwaga no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

Walamuzi 2:22

Nozitumamila zinghungugo zizo, ho mbone hono Waisilayeli mbeka wozityatya zinzila zangu, nha vyono i walezi wawo watendaga hamba ng'o.”

1 Samwili 3:4

Muwaha Mulungu yakamucema Samwili, nayo Samwili yakedika yakatya, “Ane nili baha.”