Mwamulizo 21:2 - Luganuzi Luswanu Kuli Wanhu Wose 2002

² Nayo Sala yakadinghula 'nda, yakamulelela Abulahamu mwana wa cilume (lono Abulahamu yali yeza mukombi,) mwi'pango lililya du lyono Mulungu yalonjela.

Mwamulizo 21:2 ပူးပေါင်းရင်းမြစ်များ

Mwamulizo 17:19

Mulungu nayo yakamutya, “Aa, ng'o Abulahamu! Langa Sala u mugolece wako yo kokulelela mwana we cilume, nagwe komucemela litagwa lya Isaka. Nane, muli mwene Isaka, mo nocikangaziza i cilagane cangu hamonga no lulelo lwakwe, ho ciwe cilagane ca cibitilila.

Mwamulizo 17:21

Ninga i cilagane cangu aco langa nocikangaziza muli Isaka du, mono Sala kokulelela nha mu madaha gagano ku mwaka.”

Mwamulizo 18:10

Yunji muyawo yakatya, “Ane nokuwuyila kanyhi ku mwaka, nha mu madaha gagano, no mugolece wako Sala, kowa yena mwana wa cilume.” Kumbe nayo Sala yakawa yemile ha mulango we lihema kwa kugati yayo yahulicize.

Mwamulizo 18:14

Alu wule, wukwihwesa hoyili nghani yoyose yono siyisumice hali Muwaha Mulungu? Ale, ane nokuwuyila kanyhi ku mwaka kwinha vivi, no mugolece wako Sala kowa na mwana wa cilume.”

Luka 1:36

Na langa ta, nduguyo Elizabeti nayo mu wukombi wakwe, yena 'nda na mwezi awu wo wo mutandatu, munhu mono wanhu watezaga mugumba.

Metumo ge Watumwa 7:8

Hanyuma u Mulungu yakawunoza u walame, ciwe co citanjilo ce cilagane. Holeka Abulahamu yamutegula ku calamo mwanagwe Isaka lono yali yafika vilo munana vyo wulelwe wakwe. Nayo Isaka nhavivyo, yamutegula ku calamo Yakobo, nayo Yakobo vyo yawatendela nhavivyo wawalya iwakuku zetu wawaha yikumi na wejete.

Walumi 9:9

Hambi icilagane ceneco nha coci. “Nolokuziza kwinha nhavivi, nayo Sala kolosawa mwana wa cilume.”

Wagalatiya 4:22

Yandicigwe mu Mandiko Gono Gelile, vyono Abulahamu yali yena wana wejete, yumonga yali mwana wo mucekulu u muwanda, na we kejete yali wo mucekulu mono yali si muwanda.

Wahebelaniya 11:11

So wihuwilo, sunga Sala yehuwila vyono u Mulungu kawufisilizaga u wihuwizo wakwe, holeka yakapegwa vilungo vyo kutuga 'nda, hamba yawe yali yakondya kupuluta i vilo vyo kutujila i mida so wukombi.

Yoshuwa 24:3

Baho, nghamusola Abulahamu, u mulezi wenyu, ku wulawilila ku yisi ya ku nhumbi ya Efulata, nghamujendya mu yisi yose ya Kanani. Nghamupela wana wenji. Nghamupela Isaka,