Mwamulizo 20:9 - Luganuzi Luswanu Kuli Wanhu Wose 2002

⁹ Nayo Abimeleki yakamucema Abulahamu, yakamuwuza yakatya, “Alu Abulahamu, ho kucitendela vye wule? Alu ane nghusutizya cici, sunga kuwa kundetela zimbali zizino hamonga no wutemi wangu? Mbeka kunhendela nghani zono si zikwiliye hamba hadodo.”

Mwamulizo 20:9 ပူးပေါင်းရင်းမြစ်များ

Mwamulizo 12:18

Holeka Falawo yakamucema Abulamu yakamuwuza yakatya, “Alo nghanici yiyi waco yono wunhendeye? Alu nhawule si wamanyiza vyono yuyu Salayi yo mugolece wako?

Mwamulizo 20:10

Abimeleki yakacila kumuwuza kanyhi, yakatya, “Mwene agwe Abulahamu, alu mwene wali kwihwesa nhawule, sunga kuwa kwituma zono zinha zizi?”

Mwamulizo 20:8

Hodu, Abimeleki yakapinjila kwinuka hakali mitondo muno muno, yakawacema i watazi wakwe wose, yakawaloloseza zose zono yaziwene mu ndoto, nawo wakenjilwa na woga muno muno.

Mwamulizo 26:10

Abimeleki yakamutya, “Alu nghanici yiyi yono wucitendeye? Ku soko yali yisumice yunji yumonga we wanhu wangu, yali yasume kugona no mugolece wako hamba kwihwelela, alu baho, agwe wali wuwe wacambuza cenjila mu masutya.”

Mwamulizo 29:25

Wali weza kwela hakali mitondo, Yakobo nhondo, ho yakawa kumanya nha vyono ayu kumbe Leya hamba si Laheli yaye! Ale, yakawa kumuwuza Labani yakatya, “Alu bulayi, ho kunhendela nghanici yiyi? Alu ane si kotya nali kukwitumamila ku soko ya Laheli? Alu nhawule kunghonga nhavivi?”

Mwamulizo 34:7

Na mwi'daha lilyo baho, nawo wana wa Yakobo wakawa wakuwuya ku kaya, wakulawa ku wudimizi. Nawo wali weza kuzihulika zinghani zizo, wazelelo wawo wakatuga wusungu muno muno wakakolwa ne likuwo, ku soko yo wubi wuwo wono Shekemu yali yawatendela i wanhu wa Isilayeli, wo kumwibata kwa nguvu Dina mwana we cicekulu wa Yakobo no kumutendela zono sizinojeye, hambi nghani yiyo nha yali yili mwiko muno muno.

Mwamulizo 38:24

Yaza kupuluta myezi midatu, Yuda yakalonjelwa vyono Tamali mugolece wo mwanago, alu yeweza musenyha, sunga nalu yadinghula'nda. Hodu, Yuda yakatya, “Mumulavyanize kunze yatakamizwe mu moto!”

Mwamulizo 39:9

Na mono kaya yi yino hasina kanyhi yunji muwaha mono yanyhizize ane. Kanyhi mulume wako yakali hamba nanemeza cinhu co cose, langa yanemeze gwegwe du, vyono agwe yo gwegwe mugolece wakwe. Holeka alu, ho nosuma wule kuwituma wubi wuwaha wono winha wuwo, nimusutizye Mulungu?”

2 Samwili 12:5

Dawudi yali yeza kuzihulika zizo, hodu yakakolwa ne likuwo muno muno, yakawa kutya, “Ane nghwilahiza hali Muwaha Mulungu mumi, vyono u munhu yuyo mono yetuma zono zinha zizi, yanojeye yafwe!

2 Samwili 13:12

Tamali yakatya, “Aa, ng'o, si yisumice, kanyhi wulece kundindimiza, ho nitume nghani ya cevu yono yinha yiyi! Hambi nghani yiyi, nha nghani ya wulele!

Wutuluce 32:21

Musa yakamuwuza Haluni yakamutya, “Alu gwe Haluni, wanhu wawa wakunoza nhawule, sunga nagwe kuwa kuwaletela wubi wono winha wuwu?”

Wutuluce 32:35

Muwaha Mulungu yakawagumilila matamwa mabi muno muno, ku soko vyono wamudindimiza Haluni, yawanozeze yiyilya ndama ya zahabu.

Zimbazi 28:10

Hono wumukwejeleze munhu we ling'ani, no kumugwisiza mu wubi, nagwe kogwila mu mutego wako go mweneco. Ne wanhu wono wasina wusutye, wohumbilizwa cihumbilizwa ciswanu muno.

Walawi 20:10

“Na hono munhu yebatwe yakusenyha no mugolece wo Mwiisilayeli muyagwe, awo wose mulume no mucekulu wanojeye wawulagwe.

Walumi 2:11

Hambi u Mulungu nha yasina wusiwanule kuli munhu wo wose.

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowaling'aniza i wanhu we mikalile mibi ne wasenyha.

Yoshuwa 7:25

Baho Yoshuwa yakamutya Akani, “Ku sokoci waciletela wugaye wono winha wuwu? Alu u Muwaha Mulungu nayo, kokuletela nagwe wugazice!” Baho i wanhu wose, wakamutowanga Akani ne mabwe, sunga yakawa kufwa. Kanyhi wakawatowanga ne wanagwe wose wakawaticimiza mu moto, hamonga ne sawo yakwe yose.