Mwamulizo 20:4 - Luganuzi Luswanu Kuli Wanhu Wose 2002

⁴ Ninga hamba nhavivyo Abimeleki yali yakali si nagona na Sala ng'o. Holeka nayo Abimeleki yakatya, “Alu Muwaha, ho kowawulaga sunga ne wanhu wono wasina masutya!

Mwamulizo 20:4 ပူးပေါင်းရင်းမြစ်များ

Mwamulizo 19:24

Baho u Mulungu nayo yakawa kutonyeza cibiliti no moto mu Sodoma na Gomola ku wulawa ku wulanga.

Mwamulizo 20:5

Alu si yo mweneco Abulahamu mono yenoza yeze Sala nha lumbulye? Kanyhi hamba nhavivyo, Sala nayo yenoza Abulahamu nha lumbulye! Ane nane nayinoza nghani yiyi ko mutima muzelu muno muno, holeka sina yisutya.”

Mwamulizo 20:6

Nayo Mulungu yakamulonjela Abimeleki mu ndoto yakatya, “Ale, heya viswanu! Nane manyile nha vyono wayituma nghani yiyi ko mutima muzelu, ane nane nha yo nene mono nghwimiye ho wulece kwituma wubi kuli'ne, holeka singhukomboye ho wugone no mucekulu yuyu.

2 Samwili 4:11

Hambi nha yowa vibi muno kuli wanhu wabi, wono wakumuwulaga munhu we ling'ani, lono yali mu nhongo, mu nyumba yakwe! Holeka nane aluno nomulipicizenyi, vyono nanye mumuwulaje. Na kanyhi nomongomezezenyi lukulu mu wusu we yisi!”

1 Zinghomo 21:17

Dawudi yakalomba yakutya, “Gwe go Mulungu, ane yo nene mono sutizye. Ane yo nene mono ndajilize wanhu wawalwe. Alu wanhu wawa nawo ho wasutya nghanici? Gwe go Muwaha Mulungu, go Mulungu wangu, nghukunena wundipicizaje nene du, hamonga na we mhuga yangu, wuwalece wanhu wako.”