Mwamulizo 20:3 - Luganuzi Luswanu Kuli Wanhu Wose 2002

³ Ninga Mulungu yakamubitila Abimeleki ne cilo mu ndoto, yakamutya, “Langa ta, agwe lu kofwa, ku soko yo kumusola yuyo mucekulu, hambi nha mugolece wa munhu yunji.”

Mwamulizo 20:3 ပူးပေါင်းရင်းမြစ်များ

Mwamulizo 12:17

Ninga u Muwaha Mulungu, yakamugumilila Falawo wugazwe wuwaha muno muno we matamwa, u mwene hamonga ne wanhu wa mu nyumba yakwe wose, ku soko ya Salayi u mugolece wa Abulamu.

Mwamulizo 12:18

Holeka Falawo yakamucema Abulamu yakamuwuza yakatya, “Alo nghanici yiyi waco yono wunhendeye? Alu nhawule si wamanyiza vyono yuyu Salayi yo mugolece wako?

Mwamulizo 20:7

Ale, hodu aluno, wumugomolaje u mucekulu yuyu ko mulume wakwe, mwene yuyo muwizi, nayo kokulombela ho wulece kufwa. Ninga hono wulece kumugomola, ale wumanyile lukulu vyono agwe kofwa, gwegwe go mweneco hamonga ne wanhu wako wose.”

Mwamulizo 28:12

Na lono yali yali mu nhongo, yakalota ndoto, na mu wulote wakwe, yakawona ngazi 'simye mono'nze, ne cisonje cayo cificile ko ku wulanga. Ne wamalayika wo Mulungu wakolaga mu ngazi yiyo, wakubita kucanyha no kutima hasi.

Mwamulizo 31:24

Ninga Mulungu yakamulonjela Labani Mwalami ne cilo mu ndoto, yakamutya, “Ale wilanjililaje, wulecele lukulu kumogofya Yakobo kwa nghani yo yose 'swanu hamba'mbi.”

Mwamulizo 37:5

Mwizuwa linji ne cilo, Yusufu yakalota ndoto, nayo yali yeza kuwalonjela wawahaze, oho! Wene nhondo ho wakacila kumusula muno muno.

Mwamulizo 37:9

Yusufu yakalota ndoto yinji kanyhi, nayo yakawalonjela wawahaze, yakatya, “Ta muhulicize, ane ndota ndoto yinji kanyhi, niliwona lizuwa no mwezi, hamonga ne zinyelezi yikumi na monga vikunyinamila.”

Mwamulizo 40:5

Ikawa mwi'zuwa linji mumo mu jela, wawo wafungwa wejete, mulanjilizi muwaha we ving'wegwa na yuyulya muteleci muwaha we mikate wo mutemi wa Misili, wakalota ndoto munhu na ndoto yakwe, ne zindoto zose zikawa na nhunizo zono zisimajiye.

Mwamulizo 40:8

Nawo wakamupitula wakatya, “Ase cilota ndoto, na hasina baha hamba munhu monga mono yakusuma kuciloloseza nhunizo ya zizo zindoto zetu.” Nayo Yusufu yakawatya, “Ninga mumanye vyono yo Mulungu du mono kaletaga wusume wo kulolosa zindoto. Ale ta nonjelenyi zindoto zenyu.”

Mwamulizo 46:2

Nayo Mulungu yakalongana na Isilayeli ne cilo mu wugubulilwe, yakamucema yakutya, “Yakobo gwe! Yakobo!” Nayo Yakobo yakedika yakatya, “Ane hano.”

1 Zinghomo 16:21

Ninga Mulungu si yawaleceleza wewonelwe na cinji, langa yawasugula watemi, ho yawacitile wene, yakawatya,

Jobu 33:15

Na mu cilo lono wanhu wagona nhongo, mwene kalongaga nawo mu nzila ye zindoto no wugubulilwe.

Jobu 33:17

Mulungu kalongaga nawo, ho yawawusize wanhu wuhile wawo wubi, no kuwawusa mu wusisi wawo.

Zabuli 105:14

Ninga hamba wawe wapilima-pilima nhavivyo, Mulungu si yawaleka watamiswe, na cikali co cose yaye, Mulungu yawapela suguzi watemi ku soko yawo, yakutya,

Yona 3:4

Yona yali yeza kwinjila mwi'kaya, muhinzo we zuwa limonga, yakanza kuwalonjela yakutya, “Kolo vikupuluta vilo makumi mane, Ninawi yokongomezwa!”

Wuwale 22:9

Nayo Mulungu yakawa kumuziza Balamu, yakamuwuza yakutya, “Alu Balamu, wawano wanhuci wono wali hono hako?”

Matayo 1:20

Ninga lono yali yakali yakuyihwesa inghani yiyo, malayika wo Muwaha yakamulawila mu ndoto, yakamulonjela, yakatya, “Gwe Yusufu go mwana wa Dawudi, wulece kogopa kumusola Malyamu yawe mugolece wako, hambi u muda wuwo wono yena nawo, nha kawutuga kwe vilungo vyo Muhe Mono Yelile.

Matayo 27:19

Nayo Pilato lono yali yekala mwigoda lyakwe lyo wuling'anizi u mugolece wakwe yakamutegulila nghani, yakutya, “Wayiko, wulecele lukulu kwiyinjiza mu zinghani zo munhu yuyu muswanu, ku soko no muyago, izuwali ngazika muno muno mu ndoto, ku soko yakwe.”