Mwamulizo 20:2 - Luganuzi Luswanu Kuli Wanhu Wose 2002

² Nayo Abulahamu lono yali yali kuko, yakenoza u mugolece wakwe Sala kotya nha lumbulye. Holeka u mutemi Abimeleki wa ku Gelali yakamusola Sala.

Mwamulizo 20:2 ပူးပေါင်းရင်းမြစ်များ

Mwamulizo 12:15

Nawo wawaha wa mu wutemi wa Falawo, wali weza kumuwona Salayi, hobaho wakawa kubita kumukumizya u mutemi Falawo zo wuswanu muno wa Salayi. Hodu, Salayi yakawa kutegulwa ku kaya ya Falawo.

Mwamulizo 20:12

Ninga hamba nhavivyo, hono nonje mbeka, ayu mwene Sala, heya, lumbu lyangu, cihanjile sogo yetu monga, langa i wanyina zetu wo citemanuce, munhu na nyina wakwe, ninga ane hodu nghawa kumutola.

Mwamulizo 21:22

Mu vilo vivyo, Abimeleki hamonga na Fikoli, u mwana we wasilikale wakwe wo wulugu, wakamubitila Abulahamu wakamutya, “U Mulungu yali hamonga nagwe muli zose zono wukwituma.

Mwamulizo 26:1

Kukawa na nzala yinji kanyhi mu yisi, lono yali yakondya kupuluta nzala yono yali mu vilo vya Abulahamu lono yali yakali mumi. Nayo Isaka yakabita kuli Abimeleki umutemi we Wafilisiti ku Gelali.

Mwamulizo 26:16

Holeka Abimeleki yakamulonjela Isaka yakamutya, “Hodu le wuwuce na baha hono hetu, hambi nha wakondya kucisumiza vilungo.”

Mwamulizo 26:7

Nawo i wanhu wanya kuko ku Gelali, wali weza kumuwuza zo mugolece wakwe, u mwene yakawalonjela yakatya, vyono, yuyo Labeka lumbulye. Nayo yalonga nhavivyo, vyono yawogopa, hono yawalonjele vyono yuyu Labeka mugolece wakwe, hodu wanhu wa kuko womuwulaga mwene, wamusole Labeka. Hambi Labeka nha yali muswanu muno muno mono yendezaga muno, ku wulangwe.

2 Zinghomo 19:2

Nayo muwizi Yehu u mwana wa Hanani, yakawa kubita kumuhinjiliza mutemi, yakamulonjela yakatya, “Alu wukwihwesa, vyono viswanu kuwataza i wabi, no kuwenda wono wamusulile Muwaha Mulungu? Holeka zizo zono witumile zo zilecile Muwaha Mulungu kakukolelwa likuwo.

2 Zinghomo 20:37

Ninga Eleyezali u mwana wa Dodavahu, munya cikaya ce Malesha, yakamusugula Yehoshafati, yakamutya, “Alu vyono mwelunza na Ahaziya, ale nayo Muwaha Mulungu kozibenanjiza zingalawa zako zono wuzinozize.” Na mbeka zingalawa zikabenanjika, hamba kwituma cinji yaye.

2 Zinghomo 32:31

Ninga lono watemi wa Babiloni, watumila wanhu waze kuli Hezekiya, wamuwuze ze vitanjilo vyo wizine, vyono vyejela mu'si, baho langa Mulungu yakamuleka Hezekiya yetume nha vyono kowona mweneco, ho yamumanye zono zili mu nhumbula yakwe.

Zimbazi 24:16

Kanyhi si nghani yaye, u munhu we ling'ani, hamba yagwe kali kenji, ninga kenukaga du kanyhi, vilo vyose. Ninga i wabi wongomezwaga no wutamiswe.

Zimbazi 29:25

Nawo woga wo kuwogopa wanhu, wuletaga mutego. Ninga hono wumwitumbile Muwaha Mulungu, kowa wupolile.

Zimbazi 6:29

Na mbeka ku wugona no mucekulu wo munhu yunji mo yili mbali mbaha muno. Na wo wose mono kokwituma zizo, kotuga wuhoswe.

Muganuzi 7:20

Na mbeka, hasina munhu wo wose mono'nze mono yali ling'ani, mono ketumaga ziswanu du nhondo zose, hamba kwituma wubi yaye.

Waefeso 4:25

Holeka muwulekaje u wulambi, yinojeye mweze kulongana ze mbeka munhu na muyagwe, vyono ase wose cili vilunzwa vyo muwili wa Kilisito.

Wakolosayi 3:9

Mulece kwiyilambila nyenye wose, vyono anye mwakondya kuwuvula u wunhu wuhuma hamonga ne metumo gayo gose,