Mwamulizo 2:9 - Luganuzi Luswanu Kuli Wanhu Wose 2002

⁹ Mulungu yakacindya mu yisi yose, i mawala gose ge mibici miswanu, yono yikulela mikalo yono yikwiliye so ndigwa ye wanhu. Ninga haciligati yo mugunda wuwo, hali howuli u mubici wo wumi, kanyhi no mubici wo kumanyila i ziswanu ne zimbi.

Mwamulizo 2:9 ပူးပေါင်းရင်းမြစ်များ

Mwamulizo 2:17

langa i mana go mubici wo kuzimanyila i ziswanu ne zimbi, wulece kulya hamba hadodo, wumanye vyono, ilizuwa lyono wulalila i mana gayo, hodu kolofwa.”

Mwamulizo 3:22

Hanyuma u Muwaha Mulungu yakatya, “Alu Adamu, yaweza nha muyagwe na sese, hambi nha yakondya kuzimanya iziswanu ne zimbi, holeka yilece kuwa na lunji, yasole i mana go mubici wo wumi yalye no kwikala mumi cibitilila!”

Mwamulizo 3:24

Nayo u Muwaha Mulungu yali yeza kukondya kumulavyaniza kunze ye mugunda, hodu, yakawa kuviwika viwumbwa vyono vikucemwa makelubi ku lubavu lwa kucilima yo mugunda wa Adeni, hamonga no mumaje wo moto, wono wupitukaga kose kose, so kuyikaliza inzila yono yibitile ku mubici wo wumi.

Mwamulizo 3:3

langa hono si mana go mubici wono wuli haciligati ye busitani du, gago langa go Mulungu yacilajiliza vyono, cilece kulya, hamba kugapamiza kose, na hono cijelele du, cofwa.”

Mwamulizo 3:5

U Mulungu yazilonga zizo, ku soko yali yamanyile vyono, hono mulye i mana go mubici wuwo, mokwenzelulwa meso genyu, nanye mowa mwehwana no mweneco Mulungu, mukuzimanya iziswanu ne zimbi.”

Zimbazi 11:30

Wiling'ano wuletaga wumi. Ninga wugazi, wuwuwusaga.

Zimbazi 3:18

Na wose wono wena mahala, wena nyemo. Ne mahala gowapela wumi.

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Isaya 47:10

“Hambi nha wawitumbila wubalya wako vyono wehwesaga nha hasina yunji mono yakukuwona. Ninga kumbe mahala gako hamonga no wizuce wako, vikakutonga vibi, nagwe baho, wukawa kwidunhumula no kwiyitya, ‘Ane yo nene du, na hasina yunji kanyhi mono yehwanile nene.’

Ezekiyeli 31:16

Nane kolo neza kuwutegula ku yisi ye wafu, i lizi lyo wongomele wayo, wogacicimya makungugo. Ne mibici yose ya Adeni, i mibici miswanu, ne mibici mimwajile viswanu ya Lebanoni, yono nayo yakondya kubita ku yisi ye wafu, nayo yokwendezwa du no wongomele wayo.

Ezekiyeli 31:18

“U mubici wuwo, yo Falawo u mutemi wa Misili, mono hamba ne mibici ya mu Adeni, si yatalimha yaye no kunojeza. Ninga aluno, nagwe kotagwa ku yisi ye wafu, hamonga ne mibici ya Adeni. Nagwe kokwilunza ne wanhu wono si wamumanyile Mulungu, hamonga na wono wawulagwa ku wulugu. Vyo yakutya u Muwaha Mulungu.”

Ezekiyeli 47:12

Na mu zinyenje zose ze likolongo ako na ako, molocindika mibici minji ye mawala gose, yono yolowa ndigwa. Ne mahamha gayo, hamba si golowa kunyala yaye, kanyhi yojendelela du kulela mikalo, hamba kuduma yaye. I mibici yiyo, yolowa kulela mikalo mipya mwezi na mwezi, hambi nha yikwitilwa malenga gono gakuhuluma mu cikolongo, cono cilawiliye mu Nyumba yo Mulungu. Ne mikalo ye mibici yiyo, yolowa yo ndigwa, ne mahamha gayo, golowa so miti yo kuponezya wanhu.”

Yohana 6:48

Ane yo nene indigwa yo wumi.

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

Wukumbucize wo Wulajilize 6:25

Na hono cizibate ko wihuwilwa zose zono Muwaha Mulungu yacilajilize, nayo kokwendezwa nase.’ ”

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 22:2

Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi, wono wukulela mikalo kali yikumi na nyejete kwa mwaka, wo wutya wukulela mwezi kwa mwezi, ne mahamha go mubici wuwo, yo miti yo kuponezya i wanhu we makungugo.