Mwamulizo 2:8 - Luganuzi Luswanu Kuli Wanhu Wose 2002

⁸ Hanyuma u Mulungu, yakahadika mugunda kuko ku Adeni, ku lubavu lwa kucilima, yakawa kumuwika mumo mu mugunda u munhu yuyo mono yamuwumba.

Mwamulizo 2:8 ပူးပေါင်းရင်းမြစ်များ

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Mwamulizo 3:23

Holeka u Muwaha Mulungu yakamuwinjila kunze yo mugunda wa Adeni yuyo Adamu, yabite yakawulime u muhangha mono yasolwa.

Mwamulizo 3:24

Nayo u Muwaha Mulungu yali yeza kukondya kumulavyaniza kunze ye mugunda, hodu, yakawa kuviwika viwumbwa vyono vikucemwa makelubi ku lubavu lwa kucilima yo mugunda wa Adeni, hamonga no mumaje wo moto, wono wupitukaga kose kose, so kuyikaliza inzila yono yibitile ku mubici wo wumi.

Mwamulizo 4:16

Hodu nayo Kayini yakawa kuwuka ha mwande yo Mulungu, yakawa kubita kwikala mu yisi yono yili ku lubavu lwa kucilima ye Adeni, yono yikucemwa Nodi.

2 Watemi 19:12

I walezi wangu wagongomeza makaya ga Gozani, Halani, hamonga na Lezefu. Wakawawulaga wanhu wa Betedeni wono wekalaga ku Telesa, na hali hasina hamba milungu yawo yono yasuma kuwaponya.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Ezekiyeli 27:23

Nawo we makaya ga Halani, na Kaneti, na Edeni, ne wasuluza wa ku Sheba ne makaya ga Ashuli, ne Cilimadi, wose wawo, wazaga kuli'gwe ku wukwawi.

Ezekiyeli 28:13

Hambi nha wekalaga mu Adeni, busitani yo Mulungu, wavwalaga vibwe vye mawala gose vyo wuguzi wukamu, ne yakuti, ne alimasi, ne belulo, na zumaladi, na shohamu, na yashibu, ne yakuti-samawi, na zumaladi ne bahalamani, ne zahabu. Na vyose vivyo, wakunozeza gwegwe mwi'zuwa lyono wawumbilwa.

Ezekiyeli 31:16

Nane kolo neza kuwutegula ku yisi ye wafu, i lizi lyo wongomele wayo, wogacicimya makungugo. Ne mibici yose ya Adeni, i mibici miswanu, ne mibici mimwajile viswanu ya Lebanoni, yono nayo yakondya kubita ku yisi ye wafu, nayo yokwendezwa du no wongomele wayo.

Ezekiyeli 31:18

“U mubici wuwo, yo Falawo u mutemi wa Misili, mono hamba ne mibici ya mu Adeni, si yatalimha yaye no kunojeza. Ninga aluno, nagwe kotagwa ku yisi ye wafu, hamonga ne mibici ya Adeni. Nagwe kokwilunza ne wanhu wono si wamumanyile Mulungu, hamonga na wono wawulagwa ku wulugu. Vyo yakutya u Muwaha Mulungu.”

Yoweli 2:3

Litewa lili lye zinzije zikulya vilimwa kotya moto wukutakamiza mahanze, ku mwande yazo, yisi yihwanile Busitani ya Adeni, ninga ku nyuma yazo, yihwanile kotya nyika yono yihodanjice. Hasina hamba cinji cono gasigaze.