Mwamulizo 2:22 - Luganuzi Luswanu Kuli Wanhu Wose 2002

²² Nayo u Muwaha Mulungu, yakalusola lubavu lulo, lono yalusopola ko mulume, yakamunoza mucekulu, hanyuma, yakawa kumuleta kuli mulume yuyo.

Mwamulizo 2:22 ပူးပေါင်းရင်းမြစ်များ

Mwamulizo 2:19

Holeka mu wulawa mwi'longo, u Muwaha Mulungu yaviwumba i vilimu vyose, hamonga ne zindeje zose zono zikwanga mucanyha, hanyuma yakawa kuvileta vyose kuli mulume yuyo, ho yawone kovicemela matagwaci, ne matagwa gono yavicemela viwumbwa vivyo, gago go gakawa i matagwa gavyo du.

Zabuli 127:1

Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

Zimbazi 18:22

Hono wumutuje mugolece muswanu, mbeka watuga cinhu ciswanu. Nayo yikulajila vyono, Muwaha Mulungu yakwendile.

Zimbazi 19:14

Heya, munhu kosuma kuhala kaya, hamonga ne zisawo ze walezi wakwe. Ninga Muwaha Mulungu yali wene, yo kosuma kumupela mugolece we mahala.

1 Timoteyo 2:13

Hambi Adamu nha yo yalongola kuwumbwa, na hanyuma yayo, ho Hawa.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowaling'aniza i wanhu we mikalile mibi ne wasenyha.