Mwamulizo 2:1 - Luganuzi Luswanu Kuli Wanhu Wose 2002

¹ Ale, u wulanga ne yinze, hamonga ne vinhu vyose vyono vili mumo, vikawa vyakondya.

Mwamulizo 2:1 ပူးပေါင်းရင်းမြစ်များ

Mwamulizo 1:1

Ku mwamulizo Mulungu yawumba u wulanga ne yinze.

Mwamulizo 1:10

Nayo Mulungu yakahacema baho i hakavu, “Yisi” na agalya malenga gono gakehanguliziza hamonga, yakagacema, “Yilenga.” U Mulungu yakaziwona zizo zose vyono swanu muno muno.

Mwamulizo 2:4

Na vyo yinha, u wulanga ne yinze vyo vyawumbwa. Na mwi'zuwa lono u Mulungu yawumbila u wulanga ne yinze,

2 Watemi 19:15

yakalomba yakutya, “Gwe go Muwaha Mulungu, go Mulungu we Waisilayeli, mono wikaye mu makelubi, nha yo gwegwe Mulungu mono wutemile mu watemi wose wa mono'nze. Yo gwegwe mono wawumba wulanga ne yinze.

2 Zinghomo 2:12

Holeka, yalumbwe Muwaha Mulungu, u Mulungu we wa Isilayeli, mono yawumba wulanga ne yinze! Hambi nha yamupela Dawudi mwana we mahala, mono yena wizuce wuwaha, kanyhi munghula, mono yakondya kudumula nghani yamuzenjele Muwaha Mulungu Nyumba yakwe.

Nehemiya 9:6

Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Jobu 12:9

Hambi vyose nha vimanyile, vyono Muwaha Mulungu yo yaviwumba.

Zabuli 104:2

Wipilimye wuzelu nhe bulanjeti, kanyhi wuwutandaze wulanga nhe hema,

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 33:6

U Muwaha Mulungu, yawuwumba wulanga ko wulajilize wakwe, ne vinhu vyose vya ku wulanga, vyawumbilwa mu wahulile wakwe.

Zabuli 33:9

Hambi mwene nha yalonga du, ne yinze yikawa kuwumbwa, mwene yalajiliza du, na vyose vikawa kwijela.

Wutuluce 20:11

Hambi Muwaha Mulungu, nha yawumba wulanga ne yinze, hamonga ne lilenga na vyose vyono vili mugati, kwa vilo mutandatu. Na mwi'zuwa lyo mupunghati yakawa kuceha. Holeka Muwaha Mulungu yakalilugutiza lizuwa lyo mupunghati yakalyeza.

Wutuluce 31:17

Ne nghani yiyi, cowa citanjilo ca nhondo zose muli wanhu wa Isilayeli na nene no mweneco. Hambi ane no Muwaha Mulungu, nha nawuwumba wulanga ne yinze mu vilo mutandatu, ninga lizuwa lyo mupunghati, si netuma mulimo wunji wo wose, langa nghaceha du.”

Isaya 34:4

Nalyo lizuwa no mwezi, hamonga ne zinyelezi, vyolotulanjika vyose viwe manghundi. Nawo wulanga woloweya no kupalinjika nha nyhingo mhalinje. Nazo zinyelezi, zololagala hasi nhe mahamha gono gakulagala mu mubici wo muzabibu, hamba mu mukuyu.

Isaya 42:5

Mulungu yawumba wulanga, yakawa kuwutandaza, yakawa kuyisikamya yinze na vyose vyono vili mumo. Nayo yo kawapelaga wehele wanhu wose. Ninga aluno Muwaha Mulungu yakumulonjela mwitumami wakwe yakutya,

Isaya 45:12

Hambi nha yo nene mono nayiwumba yinze, hamonga ne wanhu wose wono wekaye mumo. Na mu vilungo vyangu, nghawutandaza wulanga. Kanyhi yo nene mono nghulilajiliza lizuwa, no mwezi, hamonga ne zinyelezi.

Isaya 45:18

No Muwaha Mulungu yo Mulungu du yali wene mono yawuwumba wulanga! Kanyhi yo yayisimya no kuyiwumba yinze yakayinoza yisikame no kwikala cibitilila. Hamba si yayiwumba ho yiwe yitongo du lya caka, langa yayiwumba yiwe wikalo we wanhu. Kanyhi yo mweneco mono yakutya, “Ane yo nene Muwaha Mulungu du hamba hasina kanyhi mulungu yunji, langa nene du.

Isaya 48:13

Ne miwoko yangu yo yayiwika misinji ye yinze nghawutandaza no wulanga, nane kolo nghuzicema wulanga ne yinze, zikuwa kuza kamonga du ha mwande yangu.

Isaya 55:9

Nha vyono muwuwonaga wulanga wuli kutali muno kucanyha ye yisi, ale nhavivyo vyo genha ne mahweso gangu, nago gali kutali muno ne mahweso genyu.”

Isaya 65:17

Muwaha Mulungu yakutya nhavi, “Nghuwumba yinze mhya, no wulanga wupya. Ne zinghani zinongozi, si zokumbucilwa kanyhi hamba kwihweswa yaye.

Yelemiya 10:12

Hambi u Muwaha Mulungu, nha yayiwumba yinze kwe vilungo vyakwe mweneco, yakayiwumba yinze kwe mahala gakwe mweneco, yakawutandalika sunga no wulanga.

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Yelemiya 8:2

Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Zakaliya 12:1

Azi zo nghani zono yakuzilonga Muwaha Mulungu kuli wanhu wa Isilayeli. U Muwaha Mulungu mono yawutandaza wulanga, yakayiwumba ne yinze, yakamupela no munhu wumi, yakutya,

Luka 2:13

Lo lulo baho kukawa na Wamalayika wenji kulawa ku wulanga, wakelunza na yuyo Malayika, wakamukumya Mulungu wakutya,

Metumo ge Watumwa 4:24

Na wawo, waza hulika, wakenulila hamonga i mazi gawo kuli Mulungu, wakatya, “Gwe Muwaha, mono wanoza wulanga ne yinze ne lilenga, na vyose vyono vili mugati!

Metumo ge Watumwa 7:42

Ninga Mulungu yakawuka muli wene, yakawaleka wahembe zi nyelezi zo wulanga, nha vyono yandikwa mu citabu ce wawizi, ‘Anye mo wanhu wa Isilayeli! Yo si nene mono mwambulajila zimitugo no kunghumbika mu myaka makumi mane ku nyika!

Wukumbucize wo Wulajilize 17:3

kabena cilagane, yakuhemba milungu yinji no kuyitumamila, lunji lizuwa, hamba mwezi, hamba nyelezi, si nhe lilajilizo lyo Muwaha Mulungu.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Wahebelaniya 4:3

Ninga ase mono cihuwiye, cikwinjila mu wuceho wuwo wono u Mulungu yawihuwiza. Nha vyono yatya, “Nghakolwa ne likuwo, nghelahiza, nghatya, ‘Si wokwinjila mu wuceho wono nali niwawiciye.’ ” U Mulungu yazilonga zizo, hamba yiwe u mulimo wakwe wali wakondya kumalika ku wulawilila lono yayiwumbila yinze.