Mwamulizo 19:9 - Luganuzi Luswanu Kuli Wanhu Wose 2002

⁹ Ninga wene wakatya, “Wuka ko gwe! Agwe waza bahano nha wuli mujenzi, aluno weza kwinoza hongo nha wuli hakimu! Alu ase cokunoza vibi muno muno si nhe wajenzi wako wawo.” Hodu baho baho du, wakawa kumukundujiziza Loti ku nyuma, hanga wawubene no mulango wakwe.

Mwamulizo 19:9 ပူးပေါင်းရင်းမြစ်များ

Mwamulizo 11:6

U Muwaha Mulungu yakatya, “Alu, lanje ta, wanhu awa, wose wali nghungugo monga, kanyhi wose wakulonga milonjele mimonga, na awuno wo mwamulizo du wa zose zono wosaka kwituma. Na vyono yikwijela, ku wulawa lulu, wosuma kwituma yoyose yono wosaka kwituma.

Mwamulizo 13:12

Ninga mwene Abulamu yakasigala mu yisi ya Kanani. Mwene Loti yakekala haciligati ye makaya gono gali gali mwi'lolo, nayo yakahamizya lihema lyakwe ku Sodoma.

Wutuluce 2:14

Munhu yuyo nayo yakamupitula yakatya, “Alu mwene 'gwe, mono yakuwicile nani wuciteme, na kanyhi wuwe mulamuzi muli sese? Hamba weza kusaka wumbulaje nane, nha vyono wukamuwulaga ayulya Mumisili lo?” Baho, Musa yakenjilwa na woga muno, yakatya, “Nye! Kumbe wanhu wakondya kuzimanya zono netuma.”

Zimbazi 14:16

I wanhu we mahala, welanjililaga walece kwinjila mu wubi. Ninga i walele, wajendaga wedunhumuye wasina mahwele.

Zimbazi 17:12

Kanyhi ciba, hono mwitang'anile ne dubu, lyono walihizize mana galyo, si nho kwitang'anila no munhu mulele, mono yakwipiganza ne zinghani zo wulele.

Zimbazi 27:3

Libwe yizito, nawo musawawa muzito. Ninga u munhu mulele mono yendile kusagahaza nghani, muzito muno yacizize vivyo vyose.

Muganuzi 10:13

Hambi u mulele, nha kelonganjicilaga nghani zo wulele, no wulonje wakwe, kawumalililaga mu ciwula mahala wakwe.

Muganuzi 9:3

Nayo ayi yo nghani yono 'mbi muno muli zose zono zili mononze, vyono, wose wena mudumo monga du. Kanyhi na vyono wanhu mu mikalile yawo yose, wekalaga wamemile wavu no wulele mu zinhumbula zawo, na hanyuma yayo wawa kufwa.

Isaya 65:5

Hanyuma, wawa kuwalonjela wanhu wanji wakutya, ‘Mulece kucisejelela behi, hambi 'se nha si cinojeye cipamizwe na nyenye, hambi 'se nha celile!’ Holeka nane, si nosuma kwikalana ne wanhu we liwala lilyo. Ne likuwo lyangu kuli wene, nha lyacile kotya moto wono si wuzimaga.

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Ezekiyeli 16:49

Ninga hamba nhavivyo, nayo Sodoma, hamonga ne wanagwe we cicekulu, wakedunhumula muno ku soko ye zindigwa nyinji zono wali wena, hamonga no wikale wawo wo mulamu no wucehe. Ninga si wawalanjilila i waciwa na wono wali wena wanjile.

Matayo 7:6

“Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu ha mwande ye zingubi, ho zilece kuzikanyanjila.”

1 Samwili 17:44

akuno yakumutya Dawudi, “Ale, ta, wuze kuno, nane nozilavizya zindeje zono zikwanga, ne zinimu za mu mbago nyama yako ziyilye.”

1 Samwili 2:16

Na hono munhu yuyo yapitule yatye, “Ng'o vyo si yinojeye, langa wulece cityatye wityatye vyono winha, camule ciyinyanye yiyi mhama, hanyuma nagwe ho wusole mu nghango nha vyono wendile gwegwe.” Ninga mwitumami wo mukohani nayo yatye, “Ng'o ye, langa wumhelaje lulu baha! Na hono wuleme kumhela, hodu, ane noyisola kwe vilungo!”

1 Samwili 25:17

Holeka nghukunena wuzihwesaje zizi, sunga wuwone na vyono konoza. Hambi i nghani yiyi, nha yoleta wongomele kuli muwaha wetu Nabali, hamonga na wa mu kaya yakwe wose. Hambi nayo nha munhu mukamu, kanyhi yali cakacaka, hamba si kahulikaga za yunji!”