Mwamulizo 19:3 - Luganuzi Luswanu Kuli Wanhu Wose 2002

³ Nayo Loti yakawanena muno muno, nhondo nawo wakavumila, wakabitana nayo ko ku kaya yakwe. Nayo Loti yakawanozeza ndigwa nyinji, za sikukuu, yakawanozeza ne mikate yono yisina cisase, nawo wakayilya.

Mwamulizo 19:3 ပူးပေါင်းရင်းမြစ်များ

Mwamulizo 19:2

yakatya, “Nye nyo walumbwe, alenyi muhelele mu nyumba yangu ane no mwitumami wenyu. Mugone bahano hono hangu mu cilo cicino, ho musume kwizuguza i migulu yenyu. Nanye mokwilawa kwinuka hakali mitondo muno muno no kujendelela no muhinzo wenyu.” Nawo wakamutya, “Ng'o! Ase langa cogona kukuno du kono ciwanza sunga wele.”

Mwamulizo 21:8

Nayo Isaka yakajendelela kuwiluka. Na mwi'zuwa lyono wamulesesa, wakanoza sikukuu mbaha.

Mwamulizo 24:31

Nayo Labani yali yeza kumwagana, yakamutya, “Ale cibite ku kaya, agwe go mulugutwe no Muwaha Mulungu. Alo socici wuwe wimile kunze? Ane no muyago, nakondya kuviwikaniza vyose, u wugono wako, ne hanhu ha zingamiya nhavivyo!”

Mwamulizo 26:30

Hodu Isaka yakawa kuwanozeza sikukuu mbaha muno, nawo wakalya, wakang'wa.

2 Watemi 4:8

Hanyuma lizuwa linji, Elisha yakabita ku Shunemu, hono yekalaga mucekulu yunji mugoli. No mucekulu yuyo yakamucemela Elisha ku zindigwa. Na ku wulawa mwi'zuwa lilyo, lono Elisha yabitaga kuko ku Shunemu, yalizaga ndigwa ko mucekulu yuyo.

Wutuluce 12:15

Muwaha Mulungu yakatya “Mu vilo mupunghati, molecela lukulu kulya mikate yono yina cisase. Na mwizuwa lilongozi, wose muwuse cisase cose cono cili mu zikaya zenyu. Na hono yejele yunji muli nyenye mu vilo vivyo vyo mupunghati, yakulya mukate wono wina cisase, munhu yuyo si kosuma kanyhi kuwalilizwa hamonga ne wanhu wangu.

Wutuluce 12:39

Wakasola wusaje wuwulya wutiwe wono waza nawo ku wulawa ku Misili, wakateleka mikate yono yisina cisase. Hambi nha wawuka musunho musunho kuko ku Misili, hamba si watuga cilejeho co kuwikaniza ndigwa zawo, langa hono si wusaje wuwo du, wono wali wusina cisase wono wawuka nawo ku Misili. Wakawusola wuwo wakateleka mikate yono yisina cisase.

Luka 11:8

I mbeka, si kokwinuka yamupele vyono mwendece wakwe, langa ku soko yo wulombelombe wono si wukuduma wo munhu yuyo, kokwinuka yamupele vyono yakusaka.

Luka 14:23

U muwaha yuyo yakamutya mwitumami, “Wulawanize wubite mu mapalilo na mu mawimbi wukawadindimize wenjile, nyumba yangu ho yimeme.

Luka 5:29

Yuyo Lawi, yakamunozeza Yesu zindigwa mu nyumba yakwe. Hakawa yipuga yiwaha lye watoweza kodi, na wanji wono wali vikalane nawo ha zindigwa.

Yohana 12:2

Wakamwitumamila kuko ndigwa za cinyamihe, nayo Malita yakawa kuwetumamila. Ninga Lazalo yali muyagwe na awalya wono wali wekaye ha zindigwa hamonga na Yesu.

1 Wakolinto 5:8

Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

2 Wakolinto 5:14

Hambi ase nha citemigwe no wendo wa Kilisito, mono cikwizuka nha vyono u munhu monga du, yafwa ku soko ya wose, nayo yiyo yikulajila nha vyono, wose wakuhangana i lifwa lyakwe.

Wahebelaniya 13:2

Mulece kusemwa kuwacemela wajenzi; hambi mu wituma nhavivyo, wanji nha wawacemela i wamalayika wula kumanya.

Walamuzi 6:19

Hobaho Gideyoni yakenjila mu nyumba yakwe yakamutelecela nyana ya mhene swanu, yaketumamila kilo yikumi za wusaje. Yakanoza mukate wono wusina cisase. Yakayitajila nyama mu citoto no muhuzi mu cungu, yakavileta ha mwande ya Malayika wo Muwaha Mulungu he sina lyo mubici wo munghola, yakamutenjela.

1 Samwili 28:24

Hanyuma u mucekulu yuyulya, yakanoza musunho, yakasola ndama yakwe yono yali mumo mu kaya, yono yali yinjinile, yakayiwulaga. Yakasola wusaje, yakawutiwa, yakateleka mukate wono wusina cisase.