Mwamulizo 17:8 - Luganuzi Luswanu Kuli Wanhu Wose 2002

⁸ Nane nokupela gwegwe, hamonga no lulelo lwako, yisi yiyi yono wikaye nha wuli mujenzi, nha cinji yisi yose ya Kanani, yiwe yisi yenyu cibitilila, nane nowa Mulungu wawo.”

Mwamulizo 17:8 ပူးပေါင်းရင်းမြစ်များ

Mwamulizo 12:7

Ale, u Muwaha Mulungu yakamulawila Abulamu yakamutya, “Nolupela lulelo lwako yisi yiyino.” Co caleka Abulamu yakumuzenjela cikumbicilo u Muwaha Mulungu mono yamulawila.

Mwamulizo 13:15

Yisi yiyino yose yono wukuyiwona, ane nokupela gwegwe hamonga no lulelo lwako, yiwe yisi yenyu ko ku cibitilila.

Mwamulizo 13:17

Holeka alu winuce wuyipilime pilime yisi yiyi yose, wuyilanje mu wima wayo no wugazi wayo, hambi nha nokupela gwegwe.”

Mwamulizo 23:4

“Nye wayangu, ane nikaye baha nha nili mujenzi muli nyenye. Holeka nghumunenenyi munguzize ciwanza, nihanoze hawe hanhu ha vitenjelo, ho sume kumuzika malehemu mugolece wangu.”

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 28:4

Mulungu yakulugutize gwegwe, hamonga no lulelo lwako, nha vyono yamulugutiza kukuyo Abulahamu, nagwe ho wuyihale yisi yiyino, yono wikaye mumu nha wuli mujenzi, yisi yono Mulungu yamupela Abulahamu!”

Mwamulizo 35:27

Yakobo yakabita kuli sogwe Isaka, ku yisi ya Mamule, likaya lya Alaba, nha cinji Hebuloni, hanhu hono Abulahamu na Isaka wekala kotya wajenzi.

Mwamulizo 36:7

Esawu yanoza nhavivyo, vyono sawo zawo zali nyinji muno, mu nghango yono wali si wasume kwikalana hamonga. Yisi yono wekalaga nha wajenzi, si yali yiwakwile ku soko yo winji we mitugo zawo.

Mwamulizo 37:1

Nayo Yakobo yakajendelela kwikala mu yisi ya Kanani, mumo mono yekala u sogwe nha mujenzi.

Mwamulizo 48:4

yakatya, ‘Lanje ta, ane nokunoza wuwe na ndelo nyinji, kanyhi wonjelezece, na muli gwegwe kanyhi, nonoza mhuga mbaha ze wanhu, nane nowapela yisi yiyi wanago, wayiteme cibitilila.’

2 Samwili 23:5

Nhavivyo vyo Mulungu kowalugutiza we zindelo zangu, hambi nha yanoza nane cilagane ce cibitilila. Hamonga no wilumbanize wono si wulabeneka yaye, no wihuwizo wono si wulapituka yaye. Hambi nha wo wilowe wangu, vyono kowa kusumila. No Mulungu nayo mbeka kofisiliziza zose.

1 Zinghomo 16:18

“Yakatya, nokupela yisi ya Kanani.” “Nayo yowa yako gwegwe.”

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 105:11

Mulungu yakatya, “Nomupelenyi yisi ya Kanani, nayo yowa yisi yenyu nyenye nyo weneco.”

Zabuli 105:9

Mwene kacikamisaga cilagane, cono yalagana na Abulahamu, sunga no wihuwizo wono yamwihuwiziza Isaka.

Wutuluce 13:11

Nayo Muwaha Mulungu kolo yakumwinjizenyi mu yisi ye Wakanani, yono yamwihuwizenyi nyenye hamonga ne walezi wenyu. Na kolo yakumupelenyi yisi yiyo,

Wutuluce 21:6

hodu, yuyo mono yamugula komuleta hali Mulungu. Na hanyuma kanyhi yamutegule ha cipimbila-mulango, yamutobole likutu no muhonelo. No mwitumami yuyo, komwitumamila mono yamugula mu mikalile yakwe yose.

Wutuluce 29:45

Nane nokwikala muli wana wa Isilayeli, nowa Mulungu wawo.

Wutuluce 32:13

Gwe Muwaha Mulungu, wukumbucile za Abulahamu na Isaka na Yakobo i wetumami wako, wono gwegwe go mweneco wawelahiza wukutya, ‘Nokwinjifya zindelo zenyu nhe zinyelezi za ku wulanga cibitilila.’ ”

Wutuluce 40:15

Hanyuma wuwetile mafuta go witile nha vyono wumunozize Haluni u sogo yawo, nawo nhavivyo ho wanyitumamile mu mulimo wo wukohani. Na mu witilwe we mafuta gago, wonozwa wenjile mu witumami we cibitilila wo wukohani mu zindelo zawo zose.”

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Wutuluce 6:7

Nane nomunozenyi muwe wanhu wangu, nane nowa Mulungu wenyu. Nanye ho momanya vyono yo nene Muwaha Mulungu, u Mulungu wenyu, kolo nakondya kumuwusenyi mu wuwanda mu yisi ya Misili.

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 31:1

U Muwaha Mulungu yakutya nhavi, “I vilo vyolokuza, vyono ane nolowa Mulungu we zimhuga zose za Isilayeli, nawo wolowa wanhu wangu.

Ezekiyeli 11:20

Nawo nhondo, ho wolowukamisa wulajilize wangu, no kugatyatya ko wihuwilwa malajilizo gangu. Nawo wolowa wanhu wangu, nane nolowa Mulungu wawo.

Ezekiyeli 33:24

“Gwe go munhu, i wanhu wono wekaye mu matongo ge makaya ga mu yisi ya Isilayeli, wakutya, ‘Abulahamu, yali yo munhu mono yali yali wene du mono yapegwa yisi yiyi yose. Alu ase nha cili wenji, holeka ne yisi yiyi yose yetu.’

Walawi 14:34

Aga go malajilizo gono ganojeye gakamiswe kuli zo mumvulya wa mu zikaya, wono wutandalaga. (Na aga gali go malajilizo gono wanhu wa Isilayeli wali wanojeye wagakamise, lono wali wakondya kwinjila mu yisi ya Kanani, yono Muwaha Mulungu yawapela wayihale yiwe yawo).

Walawi 16:34

No wulajilize wuwu wunojeye wukamiswe sunga mu vilo vyose vyono vikuza. No wuhembi wuwu wunojeye wuwe kunozwa kamonga mu mwaka, so kuwanozeza wilamule i wanhu Waisilayeli ku so wubi wawo wose. Nayo Musa yaketuma zose nha vyono Muwaha Mulungu yamulajiliza.

Walawi 26:12

Nowa nili hamonga nanye. Nane nowa Mulungu wenyu, nanye mowa wanhu wangu.

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.

Wuwale 10:29

Nayo Musa yakamulonjela mulamuwe Hobabu, u mwana wa Yetelo Mumidiyani, yakamutya, “Gwe mbuyane, alu ceza cili behi no wutuluce, wo kubita ku yisi yono Muwaha Mulungu yacilonjela vyono kocipela. Hambi nha yehuwiza vyono kowamotya muno Waisilayeli. Holeka wuze cibitane nagwe, nase cohanga nagwe wumoteswe wetu.”

Wuwale 25:13

Mwene, hamonga ne wanagwe wose, mu ndelo zakwe zose, ane nakondya kuwawika kuwa wakohani mu vilo vyose. Hambi mwene nha si yali kusuma kuvikangalila i vinhu vyose vyono vikujela kwisumaniza nane. Kanyhi kasuma kuwanozeza wanhu wa Isilayeli wilamule.”

Wuwale 27:12

Muwaha Mulungu yakamulonjela Musa yakatya, “Alu wubite kucanyha ye matunda ga Abalimu, na ku wulawa kuko, wuyilanje yisi yose yono nghuwapela Waisilayeli.

Metumo ge Watumwa 7:5

Hamba u Mulungu si yamupela hanhu hanji ho hose mu yisi yiyi, hawe sawo yakwe ng'o. Ninga hamba nhavivyo, yamwihuwiza vyono komupela yisi yiyi yiwe yakwe, na yo lulelo lwakwe hanyuma yo mwene, hamba yiwe mu cipango cico, yali yakali yasina mwana.

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Wukumbucize wo Wulajilize 26:18

Nayo Muwaha Mulungu, izuwali kakondya kumubocelenyi, mweza muli wanhu wakwe, nha vyono yamwihuwizenyi. Holeka nayo aluno yakumukong'onhezenyi muno, mugebate malajilizo gakwe gose.

Wukumbucize wo Wulajilize 29:13

Nayo Muwaha Mulungu ho yamuwicenyi zuwali muwe muli wanhu wakwe, nayo yawe Mulungu wenyu, nha vyono yamwihuwizizenyi nyenye, na vyono yelahiza kuli walezi wenyu, Abulahamu na Isaka na Yakobo.

Wukumbucize wo Wulajilize 32:49

“Ale, wubite mu matunda ga Abalimu, mu yisi ya Mowabu yono vidomile ne likaya lya Yeliko. Wubite mucanyha ye litunda lya Nebo, wuyilanje yisi yose ya Kanani, yono nghuwapela i Waisilayeli, wuyiwone vyono yinha.

Wukumbucize wo Wulajilize 32:8

Muwaha Mulungu mono yalawiliciye muli vyose, yuyo yo yawagawila zi'si makungugo gose. Yakawagawila wanhu no wikalo wawo. Mwene yawawicila mipaka, mu nghango ye liwalo lye wanhu wo Mulungu.

Wukumbucize wo Wulajilize 34:4

Hanyuma Muwaha Mulungu yakawa kumulonjela Musa yakatya, “Ayi yo yisi yono namwihuwiza Abulahamu, na Isaka, na Yakobo, vyono yo nowapela i wana wawo. Alu nghulajila, ho wuyilanjile meso du, ninga agwe si nokukombola winjile mu yisi yiyo.”

Wukumbucize wo Wulajilize 4:37

Nayo vyono yali yawendile i walezi wenyu, holeka yakamuhagulenyi nanye, na kwe vilungo vyakwe viwaha, yakamuwusenyi mu wulawa mu yisi ya Misili.

Wukumbucize wo Wulajilize 9:5

Kanyhi si vyono anye muli we ling'ani, mukwituma ze ling'ani, holeka yiwe Muwaha Mulungu yakumupelenyi yisi yawo. Langa mwene kowawinga ku soko yo wubi wawo. Yakuhila yajendelele kukamisa cilagane cakwe cono yacinoza kuli walezi wenyu, Abulahamu, Isaka na Yakobo.

Wahebelaniya 9:15

Holeka Kilisito yo munoza i cilagane cipya mono wa walya wono wacemwa no Mulungu, ho wawubocele wihuwizo wono wehuwizwa wo wuhazi we cibitilila. Vyono i lifwa lyakwe likuwakomboza wanhu mu wulawa mu masutya ga galya gono wasutya mwidaha li lilya lye cilagane cilongozi.

Yoshuwa 1:2

Yakamutya, “U mwitumami wangu Musa nha yafwiza. Alu wiwikanizaje gwegwe hamonga ne wanhu Waisilayeli, ho mulowoce likolongo lya Yoludani, mwinjile mu yisi yono nghuwapela i Waisilayeli.

Wugubule 21:7

Nayo munhu wo wose mono kosuma, yuyo kopegwa cino nane nowa Mulungu wakwe, nayo kowa mwanangu.