Mwamulizo 17:5 - Luganuzi Luswanu Kuli Wanhu Wose 2002

⁵ Na ku wulawa lulu, ilitagwa lyako si kocemwa kanyhi Abulamu, langa kocemwa Abulahamu. Hambi ane nha nakondya kukunoza ho wuwe sogo we makungugo menji.

Mwamulizo 17:5 ပူးပေါင်းရင်းမြစ်များ

Mwamulizo 17:15

U Mulungu yakamulonjela Abulahamu yakatya, “Kuli za Salayi u mugolece wako, ku wulawa lulu, nayo sikocemwa litagwa lyakwe kanyhi Salayi, aa ng'o, langa mwene kocemwa Sala, nane nomulugutiza.

Mwamulizo 32:28

Nayo munhu yuyo yakamutya, “Alu ku wulawilila lulu, sikocemwa kanyhi Yakobo, langa kocemwa Isilayeli. Hambi nha kwicinda no Mulungu ne wanhu, nagwe kusuma.”

Mwamulizo 32:29

Nayo Yakobo yakamutya, “Nane nghukunena dedede wunonjele nagwe litagwa lyako.” Ninga munhu yuyo yakamutya Yakobo, “Ku sokoci wukusaka wumanye litagwa lyangu?” Baho munhu yuyo yakawa kumulugutiza Yakobo.

Mwamulizo 35:10

Mulungu yakamulonjela Yakobo yakamutya, “Litagwa lyako Yakobo, ninga alu sikocemwa kanyhi Yakobo, langa ku wulawa lulu, litagwa lyako kocemwa Isilayeli.” Holeka Yakobo yakacemwa mweneco Isilayeli.

2 Samwili 12:25

yakamulajiliza muwizi Natani yabite yakamupele Solomona litagwa lya Yedidiya, (Nhunizo yayo, Mono yendigwe no Muwaha Mulungu.) Vyono Muwaha Mulungu yali yamwendile.

1 Zinghomo 1:27

na Abulamu, (mono yamanyice kwe 'tagwa lya Abulahamu.)

Nehemiya 9:7

Yo gwegwe go Muwaha Mulungu u Mulungu mono wamuhagula Abulamu. Wukamutonga ku wulawa ku Uli wa ku Babiloni, wukamupela ne litagwa lya Abulahamu.

Isaya 65:15

I wanhu wangu wahagulwa, wololitumamila litagwa lyenyu nhe lijito. Nane no Muwaha Mulungu, nomuwulajenyi wose. Ninga nolowacemela litagwa lipya wawo wono wohulika'ne.

Yelemiya 20:3

Ne mitondo yaco, lono Pashuli yali yakali nambopolela mu manyolo, ane nghamulonjela nghatya, “U Muwaha Mulungu si yakucemela litagwa lilyo lya Pashuli, langa lya ‘Nghakamo Hanhu Hose.’

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Wuwale 13:16

Wawo wo wanhu wono Musa yawatuma, wabite wakayilanje yisi ya Kanani vyono yinha. Yakawa kumukawaniza litagwa Hosheya u mwana wa Nuni, yawe Yoshuwa.

Yohana 1:42

Hanyuma yakamutegula Simoni kuli Yesu. Nayo Yesu yakamulanga Simoni, yakatya, “Yo gwegwe Simoni u mwana wa Yona, alu kocemwa Kefa.” (Cigiliki wo wutya Petelo, hamba, “Yibwe”.)

Walumi 4:17

Nha vyono Mandiko Gono Gelile gakulonga, “Nghuwika ho wuwe sogwe we zinghungugo nyinji.” No wihuwizo wuwo wo we mbeka hali Mulungu mono Abulahamu yamwihuwila. U Mulungu mono yakuwawumifya i wafu, na kanyhi kavitambulaga i vinhu vyono vili hasina, navyo vikuwa.

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”