Mwamulizo 17:3 - Luganuzi Luswanu Kuli Wanhu Wose 2002

³ Baho Abulamu yakafugama, yakenama sunga no wusu wakwe wukapamiza ho hasi. Mulungu yakamutya,

Mwamulizo 17:3 ပူးပေါင်းရင်းမြစ်များ

Mwamulizo 17:17

Baho Abulahamu, yakafugama, yakenama, sunga no wusu wakwe wukapamiza ho hasi, yakaseka, yakawa kwihwesa mu nhumbula yakwe, “Alu mwene mbeka yosumika mwana yalelwe kuli munhu mukombi nha nene, mono yaficile myaka yigana limonga? Hamba wule, alu mbeka Sala mono yaficila myaka makumi 'cenda, hongo aluno kosuma kutuga mwana?”

Mwamulizo 18:2

Nayo yali yeza kwinula i meso gakwe, yakawawona wanhu wadatu wemile. Nayo yali yeza kuwawona, yakamangha mbela mbela, yakabita kuwabocela. Yakafugama ha mwande yawo, yakenama sunga no wusu wakwe wukapamiza ho hasi, yakatya,

1 Watemi 18:39

Nawo wanhu wali weza kuziwona zizi, wakebamiliza hasi, wakazoza wakutya, “Muwaha Mulungu yo Mulungu, u Muwaha Mulungu yo Mulungu yali wene du!”

Wutuluce 3:6

Ane nane yo nene mono nili Mulungu we walezi wako, nili Mulungu wa Abulahamu, no Mulungu wa Isaka no Mulungu wa Yakobo.” Musa yakawa kwigubiciza ku wusu wakwe, hambi nha yogopa kwidoma no Mulungu.

Ezekiyeli 1:28

wung'alale we mawala gose gono yali yina, wali wihwanile ne mawala ge licilalyambwa. Na wuwu wali wo wijele we nhojo wono walajilaga nha vyono Muwaha Mulungu yali baho. Nane nali neza kuziwona zizi, nghagwa wugubama. Hanyuma nghahulika lizi lyo Muwaha Mulungu likunonjela likutya,

Ezekiyeli 3:23

Ale, nane nghawa kubita kuko kwi'lolo. Na kuko nghaluwona lukumyo lo Muwaha Mulungu, nha vyono naluwona halulongozi ha nyenje ye likolongo lya Kebali. Nane nghawa kugwa hasi wugubama,

Ezekiyeli 9:8

Na lono mulimo wuwo wali wukali wujendeleye, ane no mweneco, nghawa sigaye baho nili wene du. Nane hobaho nghegwisa hasi wugubama, nghazoza nghatya, “Gwe go Muwaha Mulungu, alu hongo wayikolelwa muno likuwo Yelusalemi, sunga lu weza kusaka wuwawulaje wanhu wose wono wakali wasigaye mu Isilayeli?”

Danyeli 10:9

Nane nali neza kulihulika lizi lyo munhu yuyo, nghagwa hasi wugubama nzilice.

Wuwale 14:5

Hobaho Musa na Haluni wakenama ho hasi, ha mwande ye wanhu wose.

Wuwale 16:22

Ninga Musa na Haluni wakenama sunga no wusu wawo wukapamiza ho hasi, wakatya, “Gwe go Muwaha Mulungu, nha yo gwegwe du mono yo ndawililo yo wumi wose. Alu hono munhu monga yasutye, agwe hodu kowakolelwa likuwo mhuga yose?”

Wuwale 16:45

“Ale mutele, mwime cidaha ne wanhu wawa, nane niwongomeze lwa kamonga!” Nawo wose vyono wejete wakenama sunga no wusu wawo wukapamiza ho hasi,

Matayo 17:6

Nawo i wejizwa wali weza kuzihulika zizo, wakagwa gubama, akuno wakogopa muno muno.

Yoshuwa 5:14

Nayo munhu yuyulya yakamupitula yakatya, “Aa! Ng'o. Ane niza, ho niwe citung'ati wo kulilongoza lipuga lye wasilikale wo wulugu lyo Muwaha Mulungu.” Yoshuwa yakafugama, no wusu wakwe wukapamiza ho hasi, yakahemba. Hanyuma yakamutya, “Gwe muwaha, ane nili mwitumami wako, alu wukuhila nitumeci?”

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Walamuzi 13:20

Na lono malambilambi go moto gabitaga kucanyha gakulawa mu cikumbicilo. Manowa no mugolece wakwe, wakamuwona Malayika wo Muwaha Mulungu, yakubita kucanyha, hamonga ne malambilambi go moto. Baho nhondo Manowa ho yamanyila vyono, u munhu yu yulya, kumbe yali malayika wo Muwaha Mulungu. Hobaho mwene no mugolece wakwe, wakagwa wugubama hasi.