Mwamulizo 16:6 - Luganuzi Luswanu Kuli Wanhu Wose 2002

⁶ Ninga nayo Abulamu yakamutya Salayi, “Gwe mugolece wangu, ayu mwitumami wako, kanyhi yali mu miwoko yako. Holeka wudahile kumunozeza nha vyono wukusaka gwegwe du go mweneco.” Hodu Salayi yakawa kwanza kumukobyanza Hagali, sunga nhondo Hagali yakawa kutoloka.

Mwamulizo 16:6 ပူးပေါင်းရင်းမြစ်များ

Mwamulizo 16:9

Nayo Malayika wo Muwaha Mulungu yakamutya Hagali, “Ale wumuwuyilaje yuyo nyina yako Salayi, ninga kolo wawuya, wumwitumamilaje ko winenenyhezi.”

Mwamulizo 24:10

Hanyuma ya zizo, yuyo u mwitumami wa Abulahamu, yakasola ngamiya yikumi, yakawa kutuluka, akuno yadinghulize ne vipegwa viswanu vye hayo hayo, vyono vyalawa kuli Abulahamu. Yakawa kutuluka muhinzo wakwe, yakabita sunga ko kwi 'kaya lyono yekalaga Naholi, mu yisi ya Mesopotamiya.

Jobu 2:6

Nayo Muwaha Mulungu yakamutya Setani, “Ale viswanu, Jobu yali mu miwoko yako, ninga langa du, wulece kumuwulaga.”

Wutuluce 2:15

Nayo Falawo yali yeza kuzihulika zizo zono Musa yetuma, hodu yakawa kwanza kumulondola Musa yamuwulaje. Ninga Musa yakatiza yakabita kwikala ku yisi ya Midiyani.

Zimbazi 14:29

Munhu we mahala, si yakuwa kukolwa ne likuwo musunho. Ninga hono wuwe kukolwaga ne likuwo mbela, alu agwe wukwilajila vyono wuli mulele.

Zimbazi 15:1

Wupitule we mhola mhola, wutuzaga likuwo Ninga nghani yono yikutamisa, yisagahazaga likuwo.

Zimbazi 27:8

No munhu mono sikekalaga ha kaya yakwe yatule, yehwanile ndeje yono yikuyumba-yumba ako na ako, kutali ne linhuli lyayo.

Zimbazi 29:19

Si kosuma kumufunda mwitumami na nghani du, ku soko hamba yawe yakukwizuka zono wukumulonjela, ninga si kohulika.

Muganuzi 10:4

Holeka hono mulongola yakukolelwe likuwo, wulece kwizila, weze manya vyono, masutya mawaha gapatilwaga mu wutuvu.

Yelemiya 38:5

Nayo mutemi Zedekiya yakawapitula yakawatya, “Ale, viswanu, mumutendelaje nha vyono mwendile nyenye nyo weneco. Ane si nosuma kumwimilenyi yaye.”

Yoshuwa 9:25

Aluno cili mu miwoko yenyu, holeka mudahile kucinozeza nha vyono nyenye mukuwona viswanu.”

1 Petelo 3:7

Nhavivyo nanye nyo walume, mu wikalana ne wacekulu zenyu, munojeye mumanye vyono, wene wasocele, holeka munojeye muwatendele kwe cogopo, no kuwanemya, hambi nawo nha wolohalana hamonga nanye i lihewa lyo wumi, wono yakumupelenyi Mulungu. U wulombe wenyu, ho wulece kwimilwa.