Mwamulizo 16:5 - Luganuzi Luswanu Kuli Wanhu Wose 2002

⁵ Ale, Salayi yakamutya Abulamu, “U wubi wono nghutendelwa na Hagali, ale, weze wako gwegwe. Hambi ane nha nakukombolela u mwitumami wangu Hagali, ninga alu, yali yeza kuwona vyono yatuga 'nda, hodu du, ane neza si nili cinji kanyhi ha meso gakwe! Ale du, u Muwaha Mulungu, yo koling'aniza hagati yetu na gwegwe!”

Mwamulizo 16:5 ပူးပေါင်းရင်းမြစ်များ

Mwamulizo 16:4

Nayo Abulamu yakawa kumusola Hagali, nayo Hagali yakawa kudinghula 'nda. Ninga lulo baho Hagali yali yeza kuwona vyono yakondya kudinghula 'nda, hodu yakawa kwanza kumubedegala Salayi.

Mwamulizo 31:53

U Mulungu wa Abulahamu no Mulungu wa Naholi, u Mulungu wo sogo yawo, yo yalamule mweneco muli'se.” Hodu, Yakobo yakawa kwilahiza kuli Mulungu mono u sogwe Isaka, kamogopaga.

2 Zinghomo 24:22

Ati hobaho du, mutemi Yowashi yakawa yakondya kuzisemwa zo wuswanu zose, zono Yehoyada u sogwe wa Zekaliya yamutendela, hobaho yakawa kumukombola Zekaliya yawulagwe. Ninga nayo Zekaliya lono yafwizaga, yalonga yakatya, “Ale du, u Muwaha Mulungu yaziwonaje zono mukuzituma, nanye yamulipicizenyi!”

Zabuli 35:23

Wuze go Muwaha Mulungu wunhetele, wuze go Mulungu wangu, wuzilanje, zinghani zangu.

Zabuli 43:1

Gwe go Mulungu, wime ku lubavu lwangu, wunhetele ling'ani yangu, wunyhitile kuli wanhu wono wakusulile, i wanhu walambi kanyhi wabi.

Zabuli 7:8

Gwegwe, 'gwe go Muwaha Mulungu, kugaling'anizaga makungugo, ale wuning'anizizaje nane mu nghango yo wiling'ano wangu, mu nghango yo wutelevu wangu, wono nina nawo.

Wutuluce 5:21

Wakawalonjela Musa na Haluni, wakawatya, “U Muwaha Mulungu kaziwona zose zono mwitumile, holeka nayo komulipicizenyi, vyono mumunozize mutemi hamonga ne walongola wakwe wacisule 'se. Hambi nha mwawapela soko yo kuciwulajila 'se.”

Yelemiya 51:35

Nawo i wanhu wa ku Yelusalemi wotya nhavi, “Leka ta, Babiloni nayo yiwone wusungu, ku soko yo wubi wono yacitendela! ‘Leka ta, Babiloni nayo yilipicizwe, ku soko ye magazo gono cagaya!’ ”

Walamuzi 11:27

Ninga wumanye nha vyono, ane singhutendeye nghani 'mbi yinji yo yose. Langa agwe, yo gwegwe mono wanozeza vibi, wukehoma nane. Ninga Muwaha Mulungu yo muling'anizi. Mwene yo kohagula zuwalili hagati ye Waisilayeli ne Waamoni.

1 Samwili 24:16

Dawudi yali yeza kuzilonga zizi, hobaho nayo Sawuli yakawa kutya, “Alu yo gwegwe mbeka mwanangu Dawudi?” Hodu Sawuli yakawa kwanza kulila mahozi.