Mwamulizo 16:4 - Luganuzi Luswanu Kuli Wanhu Wose 2002

⁴ Nayo Abulamu yakawa kumusola Hagali, nayo Hagali yakawa kudinghula 'nda. Ninga lulo baho Hagali yali yeza kuwona vyono yakondya kudinghula 'nda, hodu yakawa kwanza kumubedegala Salayi.

Mwamulizo 16:4 ပူးပေါင်းရင်းမြစ်များ

Mwamulizo 16:3

Hodu Salayi yakawa kumukombola Abulamu yenjile kuli u mwitumami wakwe Hagali mu Misili, yawe mugolece wakwe. Nazo zizino zejela lono Abulamu yali yekala mu yisi ye Wakanani myaka yikumi.

Mwamulizo 16:5

Ale, Salayi yakamutya Abulamu, “U wubi wono nghutendelwa na Hagali, ale, weze wako gwegwe. Hambi ane nha nakukombolela u mwitumami wangu Hagali, ninga alu, yali yeza kuwona vyono yatuga 'nda, hodu du, ane neza si nili cinji kanyhi ha meso gakwe! Ale du, u Muwaha Mulungu, yo koling'aniza hagati yetu na gwegwe!”

Mwamulizo 19:31

Nawo lono wali wali kuko, u mwanagwe u muhinza muwaha, yakamulonjela u mwanakwawe yakatya, “Alu u sogo yetu yeza kombipa, na hasina mulume mono'nze mono kocitola ho cilele wana.

Mwamulizo 21:9

Ale, mwizuwa linji, Sala yakamuwona Ishumayeli u mwana mono Abulahamu yamulela kuli Hagali Mumisili, yakwidawala na Isaka mwanagwe.

Mwamulizo 30:4

Hodu Laheli yakawa kumukombolela Yakobo u mwitumami wakwe. Biliha yawe mugolece wakwe. Nayo Yakobo yakawa kwinjila kuli Biliha.

2 Samwili 6:16

Nalyo Lisanduku, lono lyenjilaga mwi'kaya, Mikali mwana we cicekulu wa Sawuli, yali yemile he 'dilisha yalanjiliye, hanyuma yakawa kumuwona mutemi Dawudi vyono, yakuzumhazumha yakuvina hali Muwaha Mulungu. Hodu mwene mikali yakawa kumubedegala mu nhumbula yakwe.

Zimbazi 30:23

No mucekulu mono yasuligwe, hono yatolwe. No mwitumami we cicekulu, hono yamupeme mugolece munya kaya.

1 Wakolinto 4:6

Nye, wandugu zangu, zizo zose zono nizilonjile za kuli Apolo, na za kuli nene no mweneco, nha colecezo kuli nyenye. Na mu colecezo cetu ane na Apolo, anye ho musume kuyimanya nhunizo ye nghani ayi yono yikutya nhavi, “Muzikamisaje zono zandikwe.” Halece kuwa na munhu yunji wa muli nyenye, mono kosuma kwilumbila kuli u munhu yumonga, no kumubedegala umuyagwe.