Mwamulizo 16:2 - Luganuzi Luswanu Kuli Wanhu Wose 2002

² Ale, Salayi yakamulonjela mulume wakwe Abulamu yakatya, “Gwe mulume wangu, wumanyile vyono Mulungu yakali namhela wana. Holeka nghukunena, winjile kuli mwitumami wangu we cicekulu Hagali, na lunji yalandelela nane mwana.” Nayo Abulamu yakawuvumila u wulonje we mhuga yakwe Salayi.

Mwamulizo 16:2 ပူးပေါင်းရင်းမြစ်များ

Mwamulizo 11:30

Nayo Salayi yakawa yasina mwana, hambi nha yali si kalelaga.

Mwamulizo 17:16

Ninga hamonga na zizo, mwene Sala, kowa yo nyina we makungugo menji, hamonga ne watemi wolawa muli mwene.”

Mwamulizo 18:10

Yunji muyawo yakatya, “Ane nokuwuyila kanyhi ku mwaka, nha mu madaha gagano, no mugolece wako Sala, kowa yena mwana wa cilume.” Kumbe nayo Sala yakawa yemile ha mulango we lihema kwa kugati yayo yahulicize.

Mwamulizo 19:31

Nawo lono wali wali kuko, u mwanagwe u muhinza muwaha, yakamulonjela u mwanakwawe yakatya, “Alu u sogo yetu yeza kombipa, na hasina mulume mono'nze mono kocitola ho cilele wana.

Mwamulizo 20:18

Hambi Mulungu nha yali yakondya kuwanoza wacekulu wose wa mu nyumba ya Abimeleki wawe si wakulela, ku soko ya Sala u mugolece wa Abulahamu.

Mwamulizo 25:21

Nayo Labeka yali sikalelaga, holeka Isaka yakamulomba u Muwaha Mulungu. Nayo u Muwaha Mulungu yawubocela u wulombe wakwe, nayo Labeka yakadinghula 'nda.

Mwamulizo 3:12

Nayo mulume yuyo yakapitula yakatya, “U mucekulu mono wamhela ciwezane nayo, yuyo yo yamhelile likalo lilyo, nane niwa kulilya.”

Mwamulizo 3:17

Hanyuma yayo u Mulungu yakamulonjela u mulume yuyo, yakamutya, “Alu agwe nagwe, vyono mwilumbaniza no mugolece wako, nagwe kuwa kulya i mana go mubici wono nakulajiliza vyono Wulece kugalya, alu vyono wakondya kwituma zono zinha zizo, ale, yisi yilijitwa ku soko yiyo. Na ku wulawa lulu, yowa yikunojeye witume milimo kwe nhuguti, na kwe vilungo vyako vyose, ho witujile ndigwa yono yokukwila mu vilo vyako vyose vyo wikale wako.

Mwamulizo 30:22

Nayo Mulungu yakawa kumukumbucila Laheli, yakawuvumila wulombe wakwe, yakamupela wana.

Mwamulizo 30:6

Nayo Laheli yakawa kutya, “Mulungu kanhendela yono yili ling'ani, hambi nha kacihulika cililo cangu no kumhela mwana we cilume.” Holeka yakamucemela mwana yuyo litagwa lya Dani.

Zabuli 127:3

I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

Wutuluce 21:4

Ninga langa hono mono yamugula yawe yamutoza mucekulu, nayo yakamulelela wana we cilume na we cicekulu, yuyo mucekulu hamonga ne wana, wowa sawo yakwe yuyo mono yamugula, ninga mwene mwitumami kowuka yali wene du.

Lutu 4:11

Nawo wawaha, hamonga ne wanhu wose wakatya, “Heya, ase cili wahomelezi. Nayo Muwaha Mulungu yamunoze mucekulu wako yawe nha Laheli na Leya, wono walela wana wenji kuli Yakobo, nagwe wuwe mugoli mu lulelo lwa Efulata, no kuwa munhu muwaha mu Betelehemu.