Mwamulizo 15:4 - Luganuzi Luswanu Kuli Wanhu Wose 2002

⁴ Nayo u Muwaha Mulungu yakamupitula Abulamu yakatya, “Ayu Eliyeza yo si kowa muhazi wako ng'o! Langa u mwana wa mu'nda yako gwegwe go mweneco, yuyo yo kowa muhazi wako.”

Mwamulizo 15:4 ပူးပေါင်းရင်းမြစ်များ

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

Mwamulizo 17:16

Ninga hamonga na zizo, mwene Sala, kowa yo nyina we makungugo menji, hamonga ne watemi wolawa muli mwene.”

Mwamulizo 21:12

Ninga Mulungu yakamutya Abulahamu, “Wulece kukalala ku soko yo mwana yuyu, hamba muwanda wako. Yoyose du yono kokulonjela Sala, agwe wuyitumaje, vyono ululelo lwako lolawilila muli Isaka.

2 Samwili 16:11

Hanyuma Dawudi yakamulonjela Abishayi hamonga ne wetumami wakwe wose yakatya, “Mulanje ta! U mwanangu wangu wangu du Abusalomu, yo yakusaka kumbulaga, alu socici mukumwizina u mubenyamini yuyu? Muwaha Mulungu yo yamutumile yaze yandijite, holeka 'nye mumulekaje du yandijite.

2 Samwili 7:12

Nagwe kolo wakondya kufwa no kuzikwa hamonga ne walezi wako, ane nomunoza yumonga wa muli wanago, yawe mutemi, kanyhi nowusimya kwe vilungo wutemi wakwe.

2 Zinghomo 32:21

Nayo Muwaha Mulungu yakawuhulika wulombe wawo, yakawa kumutuma malayika wakwe, yakabita yakawa kuwawulaga wasilikale wose we Ciashuli, hamonga ne walongola wawaha wose we lipuga lye wasilikale. Hodu, u mutemi wa Ashuli, yakawa kuwuya ku Ashuli ne cevu ciwaha. Na mwi'zuwa linji, lono yali yali mugati mu wuhembelo we milungu yakwe, i wanagwe we cilume wakenjila, wakawa kumuwulaga ne mimaje yawo.

Wagalatiya 4:28

Holeka alu wandugu zangu, anye muli wana wo Mulungu, so cilagane cakwe, nha vyono yali Isaka.

Filemoni 1:12

Alu nghumugomola u kwako, nayo yenha i nhumbula yangu nene no mweneco.