Mwamulizo 14:2 - Luganuzi Luswanu Kuli Wanhu Wose 2002

² watemi wawo wose wakawa kwigaluka, wakawa kwihoma na Bela u mutemi wa Sodoma, Bilisha u mutemi wa Gomola, Shinabu u mutemi wa Adima, Shemebeli u mutemi wa Zeboyimu, no mutemi wa Bela (Yo Sowali.)

Mwamulizo 14:2 ပူးပေါင်းရင်းမြစ်များ

Mwamulizo 10:19

no mupaka we yisi yawo, wali wulawiliye Sidoni, sunga kutakama ku Gelali behi na Gaza, na ku wubita kucilima, sunga ku Sodoma na Gomola, na Adima na Seboyimu behi na Lasa.

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Mwamulizo 13:12

Ninga mwene Abulamu yakasigala mu yisi ya Kanani. Mwene Loti yakekala haciligati ye makaya gono gali gali mwi'lolo, nayo yakahamizya lihema lyakwe ku Sodoma.

Nehemiya 11:34

Hadidi, Zebayimu, na Nebalati,

Isaya 15:5

Nane nhumbula yangu yikuyikalalila muno Mowabu! Hambi wanhu wayo nha wakondya kutiziza ku cikaya ca Zowali, na ku Egilati-shelishiya. Wanji watiziza ku Luhiti, akuno wakujenda wakulila. Wanji watiziza ku Holonayimu wakulila wazozize.

Yelemiya 48:34

“Nawo i wanhu wa ku Heshiboni, na wa ku Eleyale wolowa wakulila, ne cililo cawo, colohulikwa sunga ko ku Yahazi. Sunga ne wanhu wa ku Zowali, nawo wolohulika, sunga ko ku Holonayimu, na ku Egilati-shelishiya. Sunga ne cikolongo ca ku Nimulimu cakondya kunyala.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

Wukumbucize wo Wulajilize 34:3

Sunga ku lubavu lwa kutakama lwe yisi ya Yuda, sunga ko ku yisi yo wuhihi ya ku wulawa Zowali sunga ko ku Yeliko, kwi 'kaya lyono lina mibici minji ye mitende.

1 Samwili 13:18

Cipuga ce kejete, wakabita ku lubavu lwa Bete-holoni. Ne cipuga ce kadatu, wakabita ku mupaka wono wulanjile kwi'lolo lya Zeboyimu ne nyika.