Mwamulizo 13:9 - Luganuzi Luswanu Kuli Wanhu Wose 2002

⁹ Alu wulanje ta, yisi yiyi yose yili ha mwande yako. Holeka yowa yili ciba, hono citemanuce. Hono agwe wusace kubita ku lubavu lo kucekulu, ane nane nobita ku lubavu lo kulume, na hono wuhagule kubita ku lubavu lo kulume, ane nobita ku lubavu lo kucekulu.”

Mwamulizo 13:9 ပူးပေါင်းရင်းမြစ်များ

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Mwamulizo 13:8

Holeka Abulamu yakamulonjela Loti yakatya, “Gwe mwanangu, si viswanu hawe na mazozo no wugombane hagati yetu, hamba hagati ye wadimi wako ne wadimi wangu, hambi ase nha cili ndugu.

Mwamulizo 20:15

Hamonga na zizo, Abimeleki yakamutya Abulahamu, “Ale wuyilangaje yisi yiyino, yose yangu, holeka wihagulilaje ho hose hono wukusaka gwegwe go mweneco, wubite wukekale.”

Mwamulizo 34:10

Na mu nzila yiyo, ho mosuma kwikalana nase, kanyhi mowa welecele mu yisi yiyi. Mwikale, munoze wusuluza, mwitujile sawo.”

Zabuli 120:7

Ane nili wo mulamu, lono nghulonga zo mulamu, wene wakusaka wulugu.

Yelemiya 40:4

Ninga ane luno, nghukuwopolela zuwali i manyolo gono wuwopigwe mu ciwino cako, nghulece wuli mwelecele. Nagwe wuhagule go mweneco, hono wuwe kusaka cibitane nane ku Babiloni, ale cibite, nane nokukamisa viswanu. Na hono wuwe si wendile cibitane nane, ale hodu, hambi yisi yose yiyi, nha yili mu mawoko gako, nagwe kosuma kuhagula no kubita wukekale hanhu ho hose hono kokwenda gwegwe go mweneco.”

Walumi 12:18

Mu nghango vyono yisumice ku lubavu lwenyu, mwikalaje mwilamuye ne wanhu wose.

1 Wakolinto 6:7

I mbeka du, wuwo u wisitace wenyu wono mukwisitaka nyenye wose, wukulajila vyono anye mwasumilwa lukulu! Alu wulenyi, si yali yiwe yili ciba kuli'nye hono mutendelwe yono si yili ling'ani? Kanyhi si yali yiwe viswanu muno kuli'nye, hono wamubocenyi i zisawo zenyu.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono, hasina u munhu mono kosuma kumuwona u Muwaha Mulungu, hono yawe yayisina mikalile yono yinha yiyo.