Mwamulizo 13:8 - Luganuzi Luswanu Kuli Wanhu Wose 2002

⁸ Holeka Abulamu yakamulonjela Loti yakatya, “Gwe mwanangu, si viswanu hawe na mazozo no wugombane hagati yetu, hamba hagati ye wadimi wako ne wadimi wangu, hambi ase nha cili ndugu.

Mwamulizo 13:8 ပူးပေါင်းရင်းမြစ်များ

Mwamulizo 13:9

Alu wulanje ta, yisi yiyi yose yili ha mwande yako. Holeka yowa yili ciba, hono citemanuce. Hono agwe wusace kubita ku lubavu lo kucekulu, ane nane nobita ku lubavu lo kulume, na hono wuhagule kubita ku lubavu lo kulume, ane nobita ku lubavu lo kucekulu.”

Mwamulizo 14:14

Nayo Abulamu yali yeza kulonjelwa vyono mwanagwe Loti yasolwa mateka, hodu ho baho baho yakawa kuwasola wanhu vitung'ati magana madatu na yikumi na munana, wono waleleywe mu nyumba yakwe, yakawa kuwatyatya wawalya walugu sunga ko ku Dani.

Mwamulizo 45:24

Ale, du, Yusufu yakawa kuwelaga wawahaze. Ninga lono watulukaga, yakawalonjela yakawatya, “Ninga mulanjilile, mulece kugombana mu nzila ye!”

Mwamulizo 46:34

Nanye mumutezaje nhavi, ‘Gwe go mulumbwe, ase co wetumami wako, cili wadimi wa mitugo, ku wulawa wudodo wetu sunga nalu, hambi nha vyo wali ne wa kuku zetu.’ Ale, mumulonjelaje nhavivyo, nayo ho yamukombolenyi mwikale mu yisi ya Gosheni.” Nayo Yusufu yazilonga zizo, ku soko vyono, munhu wo wose mudima mitugo, lyali yiwifyo yiwaha kuli Wamisili.

Zabuli 133:1

Lanje ta vyono yo nghani swanu muno, kanyhi yono yikwendeza, hono we zindugu wawe wekalane hamonga ko wumonga.

Wutuluce 2:13

Ale, na mwi'zuwa lye kejete Musa yakabita kanyhi kuli wanduguze, na kuko yakawawona Wahebelaniya wejete wakwitowa. Nayo yakamulonjela yumonga wawo mono yali yo musutyi, yakamutya, “Alu nye wazelelo, nhawulenyi mukwitowa, nanye kumbe ho muli Wahebelaniya wose?”

Zimbazi 15:1

Wupitule we mhola mhola, wutuzaga likuwo Ninga nghani yono yikutamisa, yisagahazaga likuwo.

Zimbazi 15:18

Makuwo galetaga matemanuko. Ninga wukangalizi, wuletaga mulamu.

Zimbazi 20:3

No wu wula mahala wose, wusagahizaga wiwanganile. Ninga hono wileje muli zizo, alo lo lukumyo luswanu.

Matayo 5:9

Wamoti wono wakwituma so wulondola mulamu, hambi nha wocemwa wana wo Mulungu.

Metumo ge Watumwa 7:26

Imitondo yaco yakawagana Waisilayeli wejete wakwitowa, yakasaka yawalamule, yakutya, ‘Nye walume anye, nha muli ndugu, alo so cici mukwinozeza vibi nyenye wose?’

Walumi 12:10

Mweze mwiyendile nha Wakilisito, wana wa munhu yumonga, namo mu lukumyo, mweze kwamula kuwehweseza iwayenyu.

Wafilipi 2:14

Mwitumaje zose akuno musina wung'ung'ulice hamba wiwanganile,

1 Watesalonike 4:9

Hasina soko yo kumwandicilenyi vyono munojeye kuwenda i wandugu zenyu wono wehuwiye. Hambi nha mwijizwe no Mulungu vyono munojeye kwiyenda nyenye wose.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono, hasina u munhu mono kosuma kumuwona u Muwaha Mulungu, hono yawe yayisina mikalile yono yinha yiyo.

Wahebelaniya 13:1

Mujendelele mu wendo we cindugu.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 2:17

Mweze na cogopo kuli wanhu wose, mu wendaje i wandugu zenyu wono wehuwiye, mumogopaje Mulungu, mumupelaje lilumbo mutemi.

1 Petelo 3:8

Ale, ze ndumilizo nghutya nhavi: yiwanojeye muwe na nhumbula monga, ne 'hweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 4:8

Ne nghani mbaha muno muno, mwiyendaje yendi-yendi kwe nhumbula yose, hambi uwendo nha wuhiliwizaga wubi winji.

2 Petelo 1:7

Mu wogopo Mulungu namo, monjeleze wenda ndugu, na mu wenda ndugu namo, monjeleze wendo.

1 Yohana 4:7

Mo wendece wangu, ciyendaje, hambi u wendo nha wulawaga kuli Mulungu. Muli wose mono yena wendo, yuyo yo mwana wo Mulungu, kanyhi yamumanyile u Mulungu.

Walamuzi 9:26

Baho Gaali u mwana wa Ebedi yakaza ne wanduguze sunga ku Shekemu, nawo wanhu wa ha Shekemu wakamwitumbila muno Gaali.