Mwamulizo 13:5 - Luganuzi Luswanu Kuli Wanhu Wose 2002

⁵ Na Loti mono vyetyatya hamonga na Abulamu, nayo nhavivyo, yali yena zingholo ne zimitugo hamonga ne mahema.

Mwamulizo 13:5 ပူးပေါင်းရင်းမြစ်များ

Mwamulizo 12:4

Hodu du, Abulamu yakawa kutuluka nha vyono Mulungu yamulajiliza, vikawa kubitana hamonga na Loti. Nayo Abulamu yali yaficile myaka makumi mupunghati na mihano lono yawucila ku Halani.

Mwamulizo 12:5

Yakamusoleleza no mugolece wakwe Salayi, hamonga na Loti u mwana wo mwanakwawe Halani, hamonga ne sawo yawo yose yono wali wayisawa, wakawa wasoleleza hamonga ne wanhu wose wono wawatuga kuko ku Halani. Nawo wakatuluka wakubita ku Kanani. Nawo wali weza kufika mu yisi ya Kanani.

Mwamulizo 13:6

Ne liwalo lye zimitugo zawo, lyali yiwaha muno muno, sunga ne yisi yikawa si yikuwakwila ku wikala hamonga wose Abulamu na Loti.

Mwamulizo 25:27

I wana wawo i wejete, wakajendelela kuwiluka. Na Esawu nayo yakawa munghula mu wupelembi, yakawa mwenda kwikala mu nyika. Ninga mwene Yakobo, yakawa munhu mutuvu, kanyhi mwenda kwikala ha kaya.

Mwamulizo 4:20

Ada yo yamulela Yabali, mono yali yo sogo ye wadima zimitugo, wono wekalaga mu mahema.

Yelemiya 49:29

Mugasole mahema gawo ne matewa gawo ge mitugo, ne mabupa ge myenda ge mahema gawo, hamonga ne vinhu vyawo vyose vyono vili mu mahema gawo. Musole ne zingamiya zawo. Muwalonjele wanhu muwatye, ‘Woga wuli mbavu zose.’