Mwamulizo 13:2 - Luganuzi Luswanu Kuli Wanhu Wose 2002

² Na mu vilo vivyo, Abulamu yali yagolipa muno. Yali yena mitugo, ne mapesa hamonga ne zizahabu.

Mwamulizo 13:2 ပူးပေါင်းရင်းမြစ်များ

Mwamulizo 12:16

Ale, ku soko ya Salayi, i zinghani zikawa kumuwela swanu Abulamu. Nayo Abulamu yali yena hamonga ne zimitugo zakwe, zingholo, zing'ombe, hamonga ne zindogowe zakwe ne zingamiya zakwe, hamonga ne wetumami wakwe i walume na we cicekulu.

Mwamulizo 13:6

Ne liwalo lye zimitugo zawo, lyali yiwaha muno muno, sunga ne yisi yikawa si yikuwakwila ku wikala hamonga wose Abulamu na Loti.

Mwamulizo 24:1

Nayo Abulahamu, nhondo yali yawa mukombi wa myaka minji, no Muwaha Mulungu yakawa yamulugutiza muno muli zinghani zose.

Mwamulizo 24:35

Nayo u Muwaha Mulungu, yamumotizye muno muno yuyo muwaha wangu, kanyhi yamugolifye muno muno. Nayo kanyhi yo munhu mutambule muno. Nayo u Muwaha Mulungu yamupeye ngholo, ng'ombe, mapesa, zahabu, ngamiya, ndogowe, sunga ne wetumami we cilume na we cicekulu!

Mwamulizo 26:14

Yali yena ng'ombe hamonga ne zingholo, matewa mawaha, yakawa yena ne wetumami wenji muno, sunga ne Wafilisiti wakamuwonela wivu.

Mwamulizo 30:43

Ale Yakobo yakagolipa muno muno, yakawa yena matewa mawaha muno ge zimitugo, hamonga ne wetumami we cicekulu na we cilume, hamonga ne zingamiya ne zindogowe.

Jobu 1:10

Hambi agwe nha kumudimaga nhondo zose, hamonga ne mhuga yakwe, hamonga na vyose vyono yena navyo. Kuyilugutizaga sunga ne milimo yakwe, kanyhi wumupelile na ng'ombe nyinji zimemile yisi yose.

Jobu 1:3

Kanyhi yali yasawile ngholo zificile elufu mupunghati, na ngamiya elufu yidatu, ne litewa lye zing'ombe zificile elufu monga, hamonga na ndogowe magana mahano. Kanyhi Jobu, yali yena wetumami wenji muno, kanyhi yali yo mugoli muno yali wene ku lubavu lwa kucilima.

Zimbazi 10:22

U wumoti wo Muwaha Mulungu, wo wugolifyaga. Ninga wituma milimo kwe vilungo, si wokugolifya yaye.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Wukumbucize wo Wulajilize 8:18

Langa mweze kukumbucila vyono, Muwaha Mulungu, u Mulungu wenyu, yo yakumupelenyi wusume wo kugolipa. Nayo yakwituma zizi vyono mwene kekalaga mwihuwilwa sunga izuwali, ku cilagane cono yacinoza ne walezi wenyu.

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.

1 Samwili 2:7

Kawanozaga wanhu wanji wawa waciwa, na wanji wawa wagoli wanji kawanyetyaga, na wanji kawakumyaga.