Mwamulizo 12:7 - Luganuzi Luswanu Kuli Wanhu Wose 2002

⁷ Ale, u Muwaha Mulungu yakamulawila Abulamu yakamutya, “Nolupela lulelo lwako yisi yiyino.” Co caleka Abulamu yakumuzenjela cikumbicilo u Muwaha Mulungu mono yamulawila.

Mwamulizo 12:7 ပူးပေါင်းရင်းမြစ်များ

Mwamulizo 12:8

Hanyuma Abulamu yakawa kutuluka, yakawa kubita mu matunda ga ku lubavu lwa kucilima ye Beteli. Nayo yakawa kulikoma lihema lyakwe kuko, haciligati. Likaya lye Beteli yakulilanga ku lubavu lwe mwezi, likaya lya Ayi nalyo, yakulilanga ku lubavu lwe cilima. Naho baho, Abulamu yakamuzenjela u Muwaha Mulungu cikumbicilo, yakamuhemba.

Mwamulizo 13:15

Yisi yiyino yose yono wukuyiwona, ane nokupela gwegwe hamonga no lulelo lwako, yiwe yisi yenyu ko ku cibitilila.

Mwamulizo 13:17

Holeka alu winuce wuyipilime pilime yisi yiyi yose, wuyilanje mu wima wayo no wugazi wayo, hambi nha nokupela gwegwe.”

Mwamulizo 13:18

Hodu Abulamu yakawa kulikula lihema lyakwe, yakawa kubita kwikala behi ne miyaloni, i mibici ye minghola ya Mamule, yono yili mu Hebuloni, nako kuko, yakamuzenjela Muwaha Mulungu cikumbicilo.

Mwamulizo 13:4

hanhu hono yazenga i cikumbicilo. Nayo yakamuhemba u Muwaha Mulungu.

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 17:3

Baho Abulamu yakafugama, yakenama sunga no wusu wakwe wukapamiza ho hasi. Mulungu yakamutya,

Mwamulizo 17:8

Nane nokupela gwegwe, hamonga no lulelo lwako, yisi yiyi yono wikaye nha wuli mujenzi, nha cinji yisi yose ya Kanani, yiwe yisi yenyu cibitilila, nane nowa Mulungu wawo.”

Mwamulizo 18:1

U Muwaha Mulungu, yakamulawila Abulahamu lono yali yali ha mibici ye minghola, ya Mamule. Mwene lulo Abulahamu yali yekaye ha mulango we lihema lyakwe mwi'pango lye livuce mu misi mugati.

Mwamulizo 22:9

Nawo waza kufika i hanhu hono Mulungu yamulajiliza. Abulahamu yakazenga cikumbicilo. Yakapanga zingwagu mucanyha ye cikumbicilo, yakawa kumuwopa mwanagwe Isaka, yakawa kumujeleka mu zingwagu, mucanyha ye cikumbicilo.

Mwamulizo 24:7

Hambi u Muwaha Mulungu wo wulanga, mono yambusa mu nyumba ya baba ku yisi yono nalelelwa, nha yanonjela no kunyihuwiza vyono, kowapela ululelo lwangu yisi yiyino. Ale, mwene komutuma malayika wakwe kuli'gwe, yakulongolele, ho wusume kumutujila mwanangu mugolece ku wulawa kuko.

Mwamulizo 26:25

Nayo Isaka yakawa kumuzenjela kuko cikumbicilo u Muwaha Mulungu, no kumuhemba. Yakawa kusimya ne nghambi yakwe kuko, ne wetumami wakwe wakahimba ne lisima kuko.

Mwamulizo 26:3

Nagwe wuwe mujenzi mu yisi yiyo, nane nokulugutiza, kanyhi nowa nili hamonga nagwe. Nowufisiliza u wihuwizo wangu wono namwihuwiza u sogo Abulahamu, hambi nha nokupela gwegwe hamonga no lulelo lwako zisi zizino zose.

Mwamulizo 28:13

No Muwaha Mulungu nayo, yali yemile mu ngazi yiyo. Nayo Muwaha Mulungu, yakamulonjela Yakobo yakatya, “Ane yo nene u Muwaha Mulungu, u Mulungu wo sogo Abulahamu, u Mulungu wa Isaka. Ne yisi yiyino yono wugonile, ane nokupela gwegwe hamonga no lulelo lwako.

Mwamulizo 28:4

Mulungu yakulugutize gwegwe, hamonga no lulelo lwako, nha vyono yamulugutiza kukuyo Abulahamu, nagwe ho wuyihale yisi yiyino, yono wikaye mumu nha wuli mujenzi, yisi yono Mulungu yamupela Abulahamu!”

Mwamulizo 32:30

Nayo Yakobo yakahacemela hanhu baho litagwa lya Penuweli, yakutuniliza yakutya, “Ane nimuwona Mulungu wusu kwa wusu, no wumi wangu wupona.”

Mwamulizo 33:20

Yakawa kuzenga cikumbicilo baho, yakacicema Mulungu yo Mulungu we Waisilayeli.

Mwamulizo 35:12

Ne yisi yono nawapela wa Abulahamu na Isaka, ale, nokupela gwegwe yiwe yako hamonga no lulelo lwako.”

Mwamulizo 35:7

Yakazenga baho wukumbicilo, yakahacema Eli-beteli, vyono ho baho hono Mulungu yelajilila kuli Yakobo, mwi'daha lono Yakobo yamutizaga muwahawe Esawu.

Mwamulizo 50:24

Yusufu yakawalonjela wanduguze yakawatya, “Nye wandugu zangu, ane lu, neza nili behi no kufwa. Ninga Mulungu komuzizenyi no kumuwusenyi mu yisi yiyi ya Misili, yamutegulenyi ku yisi yono yawehuwiza Abulahamu na Isaka na Yakobo.”

Mwamulizo 8:20

Nayo Noha yakamuzenjela u Muwaha Mulungu cikumbicilo, yakawa kusola i vilimu vyose vyono vyelile vye mawala gose, ne zindeje, yakawa kuvilavya vilavywa vinyanywe mu wukumbicilo.

2 Samwili 24:25

Yakamuzenjela Muwaha Mulungu cikumbicilo, yakamulavizya cilavywa cinyanywe, hamonga ne cilavywa co mulamu. Nayo Muwaha Mulungu yakawupitula nhondo no wulombe wakwe, ne lihuhuji likawa kuwuka muli Isilayeli.

1 Watemi 18:32

Yakawa kuzenga ne mabwe gago, cikumbicilo co kumuhembela Muwaha Mulungu. Yakahimba musinji mu zimbavu zose ze cikumbicilo, wono zokwinjila lita yikumi na yine za malenga.

1 Zinghomo 16:16

I cilagane cono yacinoza na Abulahamu no wihuwizo wono yamwihuwiza Isaka.

1 Zinghomo 16:18

“Yakatya, nokupela yisi ya Kanani.” “Nayo yowa yako gwegwe.”

2 Zinghomo 20:11

Alu, wulanje vyono wene wakusaka wacitendele vibi, wakuza waciwinje mu yisi yiyi yono agwe wacipela yiwe yetu.

2 Zinghomo 20:7

Agwe yo gwegwe go Mulungu wetu. Kanyhi na lono i wanhu wako Waisilayeli wahamilila mono yisi yiyi, agwe wukawawinga wanhu wose wono wekalaga mumo, wukawapela i wana wa Abulahamu u mwendece wako yisi yiyi, ho yiwe yawo cibitilila.

Ezila 3:2

Yoshuwa u mwana wa Yozadaki ne wakohani wayagwe, na Zelubabeli u mwana wa Shelatiyeli, hamonga ne wanduguze wakazenga cikumbicilo co Muwaha Mulungu we Waisilayeli, so vilavywa vinyanywe. Nha vyono nyandikwe mu wulajilize wa Musa u munhu wo Mulungu.

Wutuluce 17:15

Nayo Musa yakazenga cikumbicilo, yakacicemela litagwa cikumbicilo cico yakatya, “Muwaha Mulungu yo bendela yangu.”

Wutuluce 24:4

Nayo Musa yakawa kuwandika wulajilize wose wo Muwaha Mulungu. Hanyuma ya zizo, Musa yakelawa kwinuka hakali mitondo muno muno. Yakazenga cikumbicilo ha mwejelele we litunda, yakawicila masumbili yikumi na mejete, nha vyono linha liwalo lye milango yose yikumi na myejete ye Waisilayeli.

Wutuluce 32:13

Gwe Muwaha Mulungu, wukumbucile za Abulahamu na Isaka na Yakobo i wetumami wako, wono gwegwe go mweneco wawelahiza wukutya, ‘Nokwinjifya zindelo zenyu nhe zinyelezi za ku wulanga cibitilila.’ ”

Wutuluce 33:1

Muwaha Mulungu yakamulonjela Musa yakatya, “Wuwuce baha, mujendelele ku mwande, gwegwe hamonga ne wanhu wono wawawusa mu yisi ya Misili. Sunga mufice ku yisi yono namwilahila Abulahamu, na Isaka na Yakobo, yono natya vyono, ‘Nolowapela zindelo zako yisi yiyi.’

Wutuluce 6:3

Mono nawalawila Abulahamu, na Isaka, na Yakobo nha Mulungu Mudaha Vyose, ninga hamba sinemanyiza kuli wene kwe litagwa lyangu lyono lyelile, lyo Muwaha Mulungu.

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Wuwale 26:53

“Alu, wuyigawaje yisi, wuwagawile we milango yiyino yose yiwe mulango na yisi yawo, mu nghango yo winji we liwalo lyawo vyono wenha, wanhu na mulango wawo.

Wuwale 32:11

‘Alu i wanhu wawa vyono si wamhelile cogopo, holeka nane nghwilahiza vyono, hasina hamba monga we cilume wa muli wene, mono yaficile myaka makumi mejete hamba kuciza, muli wono walawile ku Misili, mono kusuma kwinjila mu yisi yono namwihuziza Abulahamu na Isaka na Yakobo.’

Metumo ge Watumwa 7:5

Hamba u Mulungu si yamupela hanhu hanji ho hose mu yisi yiyi, hawe sawo yakwe ng'o. Ninga hamba nhavivyo, yamwihuwiza vyono komupela yisi yiyi yiwe yakwe, na yo lulelo lwakwe hanyuma yo mwene, hamba yiwe mu cipango cico, yali yakali yasina mwana.

Walumi 9:8

Wo wutya, si wana wo muwili wo wana wo Mulungu aa, langa wawalya du, wono waleleywe mu cilagane co Mulungu, wo wocemwa wanagwe.

Wagalatiya 3:16

Ale Abulahamu nayo yapegwa cilagane mweneco hamonga no lulelo lwakwe. Ne Mandiko si gakutya, “Ne zindelo zakwe.” Nha kotya wenji, langa gakutya “No lulelo lwakwe” nha kotya yumonga du nayo yo Kilisito.

Wagalatiya 4:28

Holeka alu wandugu zangu, anye muli wana wo Mulungu, so cilagane cakwe, nha vyono yali Isaka.

Wukumbucize wo Wulajilize 1:8

Na mumo mose, yo yisi yono nehuwiza ane no Muwaha Mulungu, vyono nowapela walezi wenyu, Abulahamu na Isaka, na Yakobo, sunga ne zindelo zawo. Holeka mubite mukayihale yiwe yenyu.’ ”

Wukumbucize wo Wulajilize 30:20

Mumwende Muwaha Mulungu, u Mulungu wenyu, mumuhulice, kanyhi muwe muli wehuwilwa kuli mwene, holeka nyenye hamonga ne wana wenyu, mosuma kwikala vilo vinji, mu yisi yono yehuwiza vyono kowapela i walezi wenyu Abulahamu, na Isaka, na Yakobo.”

Wukumbucize wo Wulajilize 34:4

Hanyuma Muwaha Mulungu yakawa kumulonjela Musa yakatya, “Ayi yo yisi yono namwihuwiza Abulahamu, na Isaka, na Yakobo, vyono yo nowapela i wana wawo. Alu nghulajila, ho wuyilanjile meso du, ninga agwe si nokukombola winjile mu yisi yiyo.”

Wukumbucize wo Wulajilize 6:10

“Muwaha Mulungu, u Mulungu wenyu, komupelenyi yisi yono yina makaya mawaha, kanyhi maswanu muno, gono si mwagazenga nyenye nyo weneco, nha vyono yawehuwiza walezi wenyu, Abulahamu, na Isaka, na Yakobo.

Wukumbucize wo Wulajilize 9:5

Kanyhi si vyono anye muli we ling'ani, mukwituma ze ling'ani, holeka yiwe Muwaha Mulungu yakumupelenyi yisi yawo. Langa mwene kowawinga ku soko yo wubi wawo. Yakuhila yajendelele kukamisa cilagane cakwe cono yacinoza kuli walezi wenyu, Abulahamu, Isaka na Yakobo.

Wahebelaniya 11:13

Ne wanhu wawa wose wafwa wena no wihuwilo. Nawo wafwa lono wakali si nabocela u wihuwilo wono u Mulungu yali yehuwize, ninga waziwonela kutali, wakasecelela, no kuvumila calinze vyono wene wali wajenzi kanyhi wajendi kono'nze.

Wahebelaniya 11:8

So wihuwilo, Abulahamu yamuhuliko Mulungu lono yacemelwa yabite ku yisi yono u Mulungu yali yamupele yiwe yakwe. Hamba yiwe si yali yamanyile kono yabitaga, ninga yakahama.

Yoshuwa 1:6

Holeka weze ne vilungo ne nhumbula yo wutung'ati, hambi nha yo gwegwe mono kowalongoza wanhu wawa, sunga wakayiteme yisi yiyo yono nelahiza vyono nowapela i walezi wawo.

Yoshuwa 22:10

Lono we milango ya Lubeni, na Gadi na wa Manase wo lubavu lwa kucilima, wali weza kufika ha Geliloti, lono wali wakali kulubavu lwa kumwezi ya Yoludani, wakazenga cikumbicilo ciwaha muno ca kwilolela, baho behi ne likolongo.

Yoshuwa 8:30

Hanyuma Yoshuwa yakazenga cikumbicilo co Muwaha Mulungu, u Mulungu Waisilayeli, mucanyha ye litunda lya Ebali,

Walamuzi 6:24

Hobaho Gideyoni yakamuzenjela cikumbicilo Muwaha Mulungu baho, yakacicemela yitagwa, “Muwaha Mulungu wo Mulamu.” Ne cikumbicilo cico cili kuko ku Ofila ye Waabiyezeli.

1 Samwili 7:17

Na hanyuma kawa kuwuya kanyhi ku wikalo wakwe ku Lama, hono naho yawalamulaga Waisilayeli nhavivyo. Yakamuzenjela ne cikumbicilo Muwaha Mulungu baho ha Lama.