Mwamulizo 12:3 - Luganuzi Luswanu Kuli Wanhu Wose 2002

³ “Nayo mono kokulugutiza, nane nomulugutiza. Nayo mono yakukulijita, nane nomulijita. Ne zimhuga zose za kono'nze zolomotela muli gwegwe.”

Mwamulizo 12:3 ပူးပေါင်းရင်းမြစ်များ

Mwamulizo 18:18

Nomunoza mwene Abulahamu yawe yikungugo yiwaha lye vilungo, na muli mwene, i makungugo gose ga mononze golugutizwa.

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

Mwamulizo 22:18

Na muli lulelo lwako, imakungugo gose mo golugutizizwa vyono agwe kulihulika lilajilizo lyangu.”

Mwamulizo 24:35

Nayo u Muwaha Mulungu, yamumotizye muno muno yuyo muwaha wangu, kanyhi yamugolifye muno muno. Nayo kanyhi yo munhu mutambule muno. Nayo u Muwaha Mulungu yamupeye ngholo, ng'ombe, mapesa, zahabu, ngamiya, ndogowe, sunga ne wetumami we cilume na we cicekulu!

Mwamulizo 25:11

Kukawa lono Abulahamu yakondya kufwa, u Muwaha Mulungu yakamulugutiza Isaka muno muno. Nayo Isaka yekalaga ku Beli-lahayi-loyi.

Mwamulizo 26:29

nha vyono agwe sikosuma kucinozeza yinji yo yose 'mbi, nha vyono na'se sicakunozeza yinji yo yose yono 'mbi. Ase cakunozeza viswanu muno muno, cikakuleka wubite wupolile, hamba kukunozeza nghani 'mbi yo yose. Alu agwe go muyetu, wuli mulugutwe no Muwaha Mulungu.”

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 27:29

Ne makungugo gakwitumamile, ne wanhu wose wakufugamile. Wuweze mutemi muli wanduguzo, ne wana wo nyina yako nawo wakufugamile. Na muli wose mono kokulijita, nayo yalijitwe, na muli wose mono yakukulugutiza, nayo yalugutizwe!”

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Mwamulizo 30:27

Ninga Labani yakatya, “Ale, leka ta, nane nonje. Ane nakondya kugubulilwa, no kumanya, vyono Muwaha Mulungu kandugutiza ku soko yako gwegwe.

Mwamulizo 30:30

Na kanyhi wumanyile manyi manyi vyono, lono nali nghali si naza kono kwako, agwe wali wina sawo nyhefu du, ninga ku wulawilila ane nali neza kuza, lanje, sawo yako vyono yonjelezeka muno muno, no Muwaha Mulungu yali kukulugutiza ko kose kono nali kubita. Ninga hamba nhavivyo ane lu, ho noyilula nili nyumba yangu no mweneco?”

Mwamulizo 39:5

Na ku wulawa lono Potifa yamunoza Yusufu yo yawe mulanjilizi we nyumba yakwe yose, kanyhi yawe mulanjilizi we sawo yakwe yose, Muwaha Mulungu, yakayilugutiza muno kaya yiyo ya yuyo Mumisili, ku soko ya Yusufu. Muwaha Mulungu, yakavilugutiza vinhu vyose vyono yali yena navyo Potifa, mu kaya yakwe hamba ku mugunda.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Wutuluce 23:22

Ninga hono mumuhulice kwe mitima yenyu yose, no kwituma zose zono nghumulonjelenyi, nane baho langa ho nokwihoma ne walugu wenyu wose.

Wuwale 24:9

Ne likungugo lilino, lili vilungo muno muno lihwanile simba. Nalyo hono lyagona, hasina kanyhi mono kokwijelela yalisinhuse. No munhu wo wose mono komulugutiza Isilayeli, u munhu yuyo nayo kolugutizwa. No munhu wo wose mono kumulijitiza Isilayeli, u munhu yuyo nayo kolijitwa.”

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga wa muli wawa i wandugu zangu wadodo, ale, mwanhendela nene.’

Matayo 25:45

Nayo kowapitula yawe kutya, ‘Nghumulonjelenyi mbeka, vyono bahalya du lono mwalemela kumutendela nghani zizi yunji wo wose wa muli wawa i wadodo wangu, ale, mwalema kunhendela nene.’

Luka 24:27

Yesu yakawaloloseza zose za mu Mandiko Gono Gelile, zono zali zimunojeye mwene, ku wulawilila kuli Musa, sunga na mu wawizi wose.

Walumi 4:11

Abulahamu yalama hanyuma yayo, na mu walame wuwo, cali citanjilo cono cakangazaga vyono, u Mulungu yali yamuvumila vyono yali ling'ani, ku soko yo wihuwilo wakwe wono yali yena nawo, sunga na lono yali yakali si nalama. Holeka Abulahamu yaweza sogo wa wose wono, hamba wawe si walame, ninga wamwihuwiye u Mulungu no kunozwa ling'ani.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

Wagalatiya 3:16

Ale Abulahamu nayo yapegwa cilagane mweneco hamonga no lulelo lwakwe. Ne Mandiko si gakutya, “Ne zindelo zakwe.” Nha kotya wenji, langa gakutya “No lulelo lwakwe” nha kotya yumonga du nayo yo Kilisito.

Wagalatiya 3:28

Holeka hasina kanyhi wisimajile wa muli Muyahudi na mono si Muyahudi, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Wagalatiya 3:8

I Mandiko Gono Gelile gakulajila vyono, u Mulungu kowanoza i wanhu wono si Wayahudi ho wavumilwe hali mwene mu nzila yo wihuwilo. Holeka i Mandiko Gono Gelile galongola kumulonjela Abulahamu u Luganuzi Luswanu gakutya, “I wanhu wose wono si Wayahudi wolomotesezwa muli gwegwe.”

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Wakolosayi 3:11

Na mu wuwe wuwo, musina kanyhi wisimajile kuli mono si Muyahudi no Muyahudi, kuli mono yalame na mono si yalame, u musomi na mono si yasomile, u muwanda no munhu mwelecele. Langa vyose vili muli Kilisito du, nayo Kilisito yali muli vyose.

Wugubule 7:9

Hanyuma naza kulanga, nghawona yipuga yiwaha lye wanhu si wakuwala, wanhu we zimbeyu zose, ne zinghungugo zose, na we zinonga zose. Nawo wali wemile he'goda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.