Mwamulizo 12:2 - Luganuzi Luswanu Kuli Wanhu Wose 2002

² “Nane nokunoza wuwe yikungugo yiwaha muno muno, kanyhi nokulugutiza, nane nolinoza litagwa lyako limanyice muno, nagwe wuwe wumoti.”

Mwamulizo 12:2 ပူးပေါင်းရင်းမြစ်များ

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Mwamulizo 15:5

Baho u Muwaha Mulungu yakawa kumulavyaniza Abulamu hanze ye lihema, yakawa kumutya, “Abulamu, wugalamile ta, wulanje ku wulanga! Ale ta, wuziwalaje zinyelezi hono kosuma kuziwala! Ale no lulelo lwako vyo lowa lwinji nhavivyo!”

Mwamulizo 17:20

“Na kuli za Ishumayeli, nakondya kuwuhulika u wulombe wako. Holeka nayo nomulugutiza, nane nomupela wana wenji, no kuwenjifya muno muno. Nayo Ishumayeli kowa sogo we watemi yikumi na wejete, nane nomunoza yawe yikungugo yiwaha.

Mwamulizo 18:18

Nomunoza mwene Abulahamu yawe yikungugo yiwaha lye vilungo, na muli mwene, i makungugo gose ga mononze golugutizwa.

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

Mwamulizo 19:29

U Muwaha Mulungu lono yagongomezeza i makaya ga Sodoma na Gomola, gono gali gali mwi'lolo kono yekalaga Loti, Mulungu yamukumbucila Abulahamu ko kumulavyaniza Loti ku wulawa mu makaya gago, Loti ho yalece kongomezwa hamonga ne makaya gago.

Mwamulizo 24:1

Nayo Abulahamu, nhondo yali yawa mukombi wa myaka minji, no Muwaha Mulungu yakawa yamulugutiza muno muli zinghani zose.

Mwamulizo 24:35

Nayo u Muwaha Mulungu, yamumotizye muno muno yuyo muwaha wangu, kanyhi yamugolifye muno muno. Nayo kanyhi yo munhu mutambule muno. Nayo u Muwaha Mulungu yamupeye ngholo, ng'ombe, mapesa, zahabu, ngamiya, ndogowe, sunga ne wetumami we cilume na we cicekulu!

Mwamulizo 25:11

Kukawa lono Abulahamu yakondya kufwa, u Muwaha Mulungu yakamulugutiza Isaka muno muno. Nayo Isaka yekalaga ku Beli-lahayi-loyi.

Mwamulizo 26:3

Nagwe wuwe mujenzi mu yisi yiyo, nane nokulugutiza, kanyhi nowa nili hamonga nagwe. Nowufisiliza u wihuwizo wangu wono namwihuwiza u sogo Abulahamu, hambi nha nokupela gwegwe hamonga no lulelo lwako zisi zizino zose.

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 27:29

Ne makungugo gakwitumamile, ne wanhu wose wakufugamile. Wuweze mutemi muli wanduguzo, ne wana wo nyina yako nawo wakufugamile. Na muli wose mono kokulijita, nayo yalijitwe, na muli wose mono yakukulugutiza, nayo yalugutizwe!”

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Mwamulizo 35:11

Mulungu yakamulonjela Yakobo kanyhi, yakatya, “Ane yo nene Mulungu u Mudaha Vyose, holeka wulele wonjelezece. Na muli gwegwe, mono nozeza likungugo, sunga ne makungugo, sunga ne watemi wose wolawilila muli gwegwe.

Mwamulizo 46:3

Mulungu yakamulonjela yakatya, “Ane yo nene Mulungu, u Mulungu wo sogo. Holeka wulece kogopa ku wubita ku Misili. Na lono wuli kuko, ane nokunoza wuwe yikungugo yiwaha.

2 Samwili 7:9

Nghawa nili hamonga nagwe hanhu hohose hono wabitaga, sunga nghakusumila na muli walugu wako wose mu nghango nha vyono wacilaga kujendelela kumwande. Nane nokunoza wuwe ne lilumbo yiwaha muno mu wulongola wako, nha vyono wali i walongola we lilumbo wono wali wali mononze.

1 Watemi 1:47

Hamonga na zizo, i wetumami wose, wakondya kumubitila Solomona, no kulajila cogopo cawo kuli u Mulumbwe, mutemi Dawudi, akuno wakutya, ‘Ale, u Mulungu wako yamunoze Solomona yawe ne lilumbo yiwaha muno yakucize na gwe gwe, no wutemi wakwe wumoteswe muno kuciza no wutemi wako.’ Nayo mutemi Dawudi, kawa kwinama yakuhemba yali mu citanda cakwe,

Jobu 35:8

Langa u munhu muyago yo katamiswaga no wubi wako, ne ziswanu zono kuzitumaga, zimupelaga wutazi.

Zabuli 107:38

Nayo yakawalugutiza wanhu wakwe, nawo wakonjezeka muno, sunga ne liwalo lye mitugo yawo, nalyo Mulungu yakalyonjeleza muno muno.

Wutuluce 1:7

Ne wana wa Isilayeli wali welelile muno, wakacila konjelezeka, wakawa ne vilungo, kanyhi wakawa wenji muno muno, sunga ne yisi yiyilya ye Misili, yikamema weneco wose.

Wutuluce 32:10

Holeka Musa, wulece kunyimila. Ndekaje niwongomeze kwe likuwo lyangu liwaha. Ninga hanyuma nokunoza gwegwe hamonga ne wanago, wuwe yikungugo yiwaha.’ ”

Isaya 51:2

Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Ezekiyeli 34:26

“Nane nolozimotya, nizilece zikale zilipilime litunda lyangu lyono lyelile. Kanyhi nolozimotya ne mvula, mwi'daha lyono zikuyihila.

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Zakaliya 8:13

Nye, nyo wanhu wa Yuda na Isilayeli! Ha mwamulizo, wajenzi welijitaga weneco wose wakatya, ‘Wongomezwe wono wawutuga wanhu wa Yuda na Isilayeli, ale, wukutuje na gwegwe.’ Ninga ane nomuponyenyi, sunga ne wajenzi wapitule ne mahweso gawo kanyhi, walongane munhu na muyagwe wawe kutya, ‘Ale, wubocele wulugutizwe, nha vyono wawubocela wanhu wa Yuda na Isilayeli. Holeka mwime mukamile kanyhi mulece kogopa.’ ”

Wuwale 14:12

Hodu, nane nowaletela lihuhuji liwongomeze. Ninga agwe Musa, nokunoza wuwe we nghungugo mbaha muno, yono yowa yili vilungo muno muno si nha wene!”

Wuwale 22:12

Nayo Mulungu yakamulonjela Balamu yakatya, “Gwe Balamu, wulecele lukulu kubitana ne wanhu wawa ye, hamba wulece kuwalijita i Waisilayeli, hambi 'ne nha nakondya kuwalugutiza.”

Wuwale 23:20

Ane nonjelwa vyono, nize niwalugutize. Na lono Mulungu yakondya kulugutiza, ane si nosuma kugomoleza.

Walumi 4:11

Abulahamu yalama hanyuma yayo, na mu walame wuwo, cali citanjilo cono cakangazaga vyono, u Mulungu yali yamuvumila vyono yali ling'ani, ku soko yo wihuwilo wakwe wono yali yena nawo, sunga na lono yali yakali si nalama. Holeka Abulahamu yaweza sogo wa wose wono, hamba wawe si walame, ninga wamwihuwiye u Mulungu no kunozwa ling'ani.

Wagalatiya 3:14

Nghani yiyi yanozwa ho wulugutwe awulya wono yapegwa Abulahamu, wusume kuwaziza i wanhu wono si Wayahudi mu nzila ya Yesu Kilisito, na mu nzila yo wihuwilo, cisume kuwubocela u Muhe yulya mono u Mulungu yacihuwiziza.

Wagalatiya 3:7

Holeka mumanye vyono i wanhu wono wakumwihuwila, wawo wo wana wa Abulahamu.

Wukumbucize wo Wulajilize 26:5

Nagwe wuwe kulonga hali Muwaha Mulungu, u Mulungu wako, wuwe kutya nhavi; ‘U mulezi wangu yali Mwalamu, mono yawasola we mhuga yakwe wose, wakahamila ku Misili. Nawo wali wacefu muno lono wabitaga kuko, ninga hanyuma yayo, wakonjelezeka muno, kanyhi wakawa yikungugo yiwaha, kanyhi wali vilungo muno.