Mwamulizo 11:4 - Luganuzi Luswanu Kuli Wanhu Wose 2002

⁴ Nawo wakeyitya, “Alenyi le ciyinzenjele co weneco likaya lyono lyowa lina no munala wono wofika ku wulanga, ho cisume kwitujila litagwa, kanyhi ho cilece kwiyagala mono'nze yose.”

Mwamulizo 11:4 ပူးပေါင်းရင်းမြစ်များ

Mwamulizo 6:4

Mu vilo vivilya, sunga na hanyuma yayo, kwali kogali manhu mono'nze, gono galelwa ne viwumbwa vya kucanyha ku wana we cicekulu we wanhu. Wawo wo wali wanhu we vilungo muno, kanyhi wakawa ne lilumbo yiwaha muno mu vilo vivyo. Ne wanhu wawo wacemwaga “Wanefili.”

2 Samwili 8:13

Mutemi Dawudi, yaketujila yilumbo yiwaha muno muno, lono yawuyaga ku wulawa kuwahoma no kuwawulaga Waedomu, waficile elufu yikumi na munana mwi'lolo lyo mwino.

Zabuli 107:26

Wakagumilwa mu mwanya mucanyha, hanyuma sunga ko ku visolo kusi, na ku so nghani yiyo, wanhu wakazilika mu nhumbula zawo.

Zabuli 92:9

Wawo i walugu wako go Muwaha Mulungu, heya i walugu wako wose mbeka wokongomezwa, na wose wono wetumaga zo wubi, wokwiyagala!

Zimbazi 10:7

Ne wanhu waswanu wowa kukumbucilwa nha wumoteswe. Ninga i wanhu wabi, matagwa gawo gowa kuwola kamonga du.

Yelemiya 51:53

Nayo Babiloni, hamba yali yinyasuce ko ku wulanga, yikazenje magomawakali ge vilungo kuko. Hamba nhavivyo, vyo nali niwatume wanhu kuko, wabite wakayongomeze du. Vyo nghutya, ane no Muwaha Mulungu.”

Danyeli 4:11

Wukawahapa muno muno, wukapamiza sunga ko ku wulanga. Nawo wejelaga kuli wanhu wose wa mono yinze.

Danyeli 4:22

“Gwe mutemi, agwe yo gwegwe wo mubici wuwo mutali muno, kanyhi wuli vilungo. No wuwaha wako wuwiluce sunga ko ku wulanga, ne vilungo vyako vitandaye sunga mu yinze yose.

Danyeli 4:27

Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Danyeli 4:30

Hambi nha yakatya, “Langa ta! Likaya lye citemitemi lya Babiloni vyono yiwaha! Yonene mono nalizenga ho wuwe wikalo wangu wo wutemi. Nane ho nhandaze u wuwaha wangu hamonga no wusume, ne vilungo vyo wutemi wangu.”

Luka 1:51

Kawugolola u muwoko wakwe we vilungo Kaweyagaza wasisi mu mahweso ge zinhumbula zawo.

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Wukumbucize wo Wulajilize 1:28

Alu cosuma wule kanyhi kubita kuko? Aa! Ase langa cikogopa. Hambi i wanhu wono cali ciwatumile kuko, nha wacilonjela vyono, i wanhu wono wali kuko, wali vilungo muno, kanyhi watali muno kuciza ase, hamonga na zizo, wekaye mu makaya mawaha, gono gapilimwe ne majinji matali, gono gaficile ko ku wulanga. Kanyhi wawawona ne Waanaki wali kuko!’

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.

Wukumbucize wo Wulajilize 9:1

“Muhulicize! Anye nyo wanhu Waisilayeli! Alu izuwali mwasejelela ku wulowoka likolongo lya Yoludani, mwinjile mu yisi yono yikaye makungugo mawaha, kanyhi gali vilungo kumucizenyi. Ne makaya gawo mawaha, gazenjeywe majinji matali muno gono gaficile ko ku mavunde.