Mwamulizo 11:3 - Luganuzi Luswanu Kuli Wanhu Wose 2002

³ Ninga hanyuma yayo, wakanza kwilonjela wakutya, “Nye, alenyi cinoze matofali, ciganyanye viswanu mu moto.” Holeka wakawa watuga matofali ne lami yo kugalunziza i matofali hamonga.

Mwamulizo 11:3 ပူးပေါင်းရင်းမြစ်များ

Mwamulizo 11:4

Nawo wakeyitya, “Alenyi le ciyinzenjele co weneco likaya lyono lyowa lina no munala wono wofika ku wulanga, ho cisume kwitujila litagwa, kanyhi ho cilece kwiyagala mono'nze yose.”

Mwamulizo 11:7

Holeka alenyi le citime ciwabitile cikawewajize nonga yawo, ho walece kwihulika weneco wose.”

Mwamulizo 14:10

Nalyo lilolo lilyo lya Sidimu, lyali lina makombokombo ga lami, ne watemi wawo wa Sodoma na Gomola lono wamanghaga wakutiza wulugu, wakawa kuzubujila mugati ye makombo gago. Ninga awalya iwadatu wanji, awo watoloka no kubita mu matunda.

2 Samwili 12:31

Ne wanhu wose wono wali wali mumo mwi'kaya, yakawetumya mu milimo ye misumeno, na ye zimhandilo ze macuma, na ye zinhemo ze macuma, na yo wufyatula matofali no kuganyanya. Nayo yakawanozeza nhavivyo i wanhu wose wa mu makaya gose ge Waamoni. Hanyuma mwene hamonga ne wanhu wakwe, wakawuya ku Yelusalemi.

Zabuli 64:5

Wakwilumbaniza no kuhangana mumo, mu wuhile wawo wubi, wakwilumvya ne hanhu, hono woyihundika mitego yawo. Wakwihwesa vyono, “Hasina mono kosuma kuyiwona yaye.”

Wutuluce 1:14

Wakawapela mikalile yo wusungu muno muno so wituma milimo mikamu kanyhi mizito, yo wunyanya cokaa no wufyatula matofali, hamonga na yo wuzenga makaya gawo, no kulima migunda yawo, hamba kuwawonela lusungu yaye.

Wutuluce 2:3

Ninga yali yeza kuwona vyono si kosuma kujendelela kumuhundika kanyhi, yakasola litenga lyono lyali yihonwe ne madetelulenga, yakalihiliwa na lami hamonga ne ngholeko, yakamuwika yuyo mwana mugati, yakalisosomeka mu madete lulenga ha mwejelele we likolongo lya Nile.

Zimbazi 1:11

Hono watye, “Ale cibitane cikamulondole munhu cimuwulaje! Cibitane cikawahome wanhu wono wasina masutya, wuwe nha wo mwidawalo wetu!

Muganuzi 2:1

Holeka nghehwesa mu nhumbula yangu nghatya, “Leka ta niyinjize muli ze cinyemo-nyemo, ho sume kwisangalaza.” Ninga hamba nhavivyo, nghamanya vyono yiyo nayo, yo nghani ya bwete du.

Isaya 5:5

Alu, lecenyi ta nimulonjelenyi, nane vyono nowunoza, “Nowupambula mululu wayo, nigamwagule ne majinji gono gakuwa kuwucitila, nigalecele malimu ga mu mbago, gaze gawulye no kuwusambanjilanga.

Isaya 65:3

Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 9:10

“I matofali gose ge mazengo, gakondya kugwa hasi, ninga nase cogazenga kanyhi majinji ge mabwe! I micici ye mibici ye mikuyu nha yatemangwa, ninga nase cozenga ne mibici ye mihagata.”

Nahumu 3:14

Holeka muwikanize malenga menji, mwiwikanize so wulugu wono wukuza. Kanyhi musikamye ne magomawakali genyu! Mutiwe lilongo, muwumbe matofali, ho muwe ne matofali gono mawumbile lukulu.

Wahebelaniya 10:24

Kanyhi cihindaje mu wikombaniza sese wose munhu na muyagwe, akuno cikwiyoha kwiyikwejenhela ku wendo no wituma ziswanu.

Wahebelaniya 3:13

Ninga mweze kwiyilanjiza nhondo zose, lono hakali kutegwa, “I zuwali,” muyenyu yunji yalece kukamufywa no wukoci wo wubi no kuwa ne cibede.

Yakobo 4:13

Ale, hulicizenyi ta, anye mono mutezaga, “Izuwali hamba mitondo, cobita kwikaya lyo wutunga, no kwikala kuko mwaka wose cikusuluza no kutuga cambuzi.”

Yakobo 5:1

Nalu ta hulicizenyi anye nyo wagoli! Mulile no le kwikunguza so wugaye wenyu wono womuzizenyi.