Mwamulizo 10:5 - Luganuzi Luswanu Kuli Wanhu Wose 2002

⁵ Awo wawo, wo mwamulizo we wanhu wono wakatandala ku zimbavu ze zi mhwani na mu vizingwa. Wawo zo ndelo za Yafeti wono wetemanuka temanuka, wakawa wanhu na yisi yawo, ne nonga yawo, mu nghango ye zimhuga zawo, mu zinghungugo zawo.

Mwamulizo 10:5 ပူးပေါင်းရင်းမြစ်များ

Mwamulizo 10:20

Nawo wawo wo we ndelo ya Hamu, mu nghango ye zimhuga zawo, ne zinonga zawo, ne zi'si zawo, ne zinghungugo zawo.

Mwamulizo 10:25

Nayo Ebeli yakawa na wana wejete, u mwana mulongozi, yakamucemela litagwa lya Pelegu, ku soko vyono i wanhu mu vilo vivyo, wakawa wagawanuka mono'nze. Nayo we kejete yakamucemela litagwa lya Yokitani,

Mwamulizo 10:32

Na wawa wose, wo we mhuga ya Noha, mu nghango ye zindelo zawo mu zinghungugo zawo. No wulawilila muli wawo, i zinghungugo zose zikawa kwiyagala ako na ako mono'nze yose lono lihwazi lye malenga lyali lyapuluta.

Mwamulizo 10:4

Ne wana wa Yavani wali, Elisha, Talishishi, Kitimu na Dodanimu.

Mwamulizo 10:6

Nawo i wana wa Hamu wali, Kushi, Misili, Puti na Kanani.

Mwamulizo 9:19

Na wawo wo wana wa Noha, wono ku wulawilila muli wene, i wanhu wakatandala mu yinze yose.

Esita 10:1

Mutemi Ahasuwelo, yakawatoweza kodi i wanhu wono wekalaga mu zisi zose zo wutemi wakwe, hamonga na wose wono wekalaga mu vizingwa vya mwi'lenga.

Zabuli 72:10

Ne watemi we Talishishi, hamonga ne vizingwa, wose womulipa kodi, watemi we Sheba na Seba, nawo womuletela vipegwa.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Isaya 40:15

Makungugo gose, yo nghani ya bwete du hali Muwaha Mulungu, hambi nha genha mabanhi du ge malenga, ne vizingwa vyo kutali, kaviwonaga vipelumhile muno nhe manghundi.

Isaya 41:5

“Ne wanhu wose we zi'si zo kutali, nha wakondya kuziwona zono netuma. Alu nawo wenjilwa no woga, wakucicima so woga. Holeka nawo luno, wekonghola no kuza.

Isaya 42:10

Mwimbilenyi Muwaha Mulungu lwimbo lupya, mwimbe zo lukumyo lwakwe nye nyo yinze yose! Nanye mono mukujendela mwi'lenga, mukumyenyi Muwaha Mulungu! Nanye nyo zi'si zo kutali mwimbilenyi Muwaha Mulungu.

Isaya 42:4

Nayo hamba si kotukuwika mutima hamba kukatala yaye, langa mwene koleta ling'ani kono'nze. Ne zi'si zose zolindila mejizo gakwe.”

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Isaya 51:5

Nane nowaziza musunho niwaponye hambi cipango cangu co wusume nha casejelela. Nane notema nili wene mu makungugo. Sunga ne ma'si go kutali, gose ganindiye nene sunga nilaza kuza. Hambi nha ganindiye ko witumbilo wuwaha nize niwaponye.

Isaya 59:18

Kolowalipiciza i walugu wakwe mu nghango ya vyono wetuma, hamonga na wose wono wekaye mu zi'si zo kutali.

Isaya 60:9

Zo ngalawa zono zikulawilila mu ma'si go kutali zikuwagomola i wanhu wo Mulungu kono kwawo. Wakuza wena hamonga ne fweza na zahabu ho walipele lilumbo litagwa lyo Muwaha Mulungu. U Mulungu mono yelile wa Isilayeli, mono yaganoza makungugo gose, gawapele cogopo i wanhu wakwe.

Yelemiya 2:10

Aluno, wubite ku lubavu lwa kumwezi ku vizingwa vya Kupulo, wumutume yunji yabite ku cilima ku yisi ya Kedali. Nagwe kowona nha vyono, kusina nghani yinji yono yihwanile yiyi, yono yejela kuko.

Yelemiya 25:22

Hamonga ne watemi wose we zi'si za Tulo na Sidoni, ne watemi wose we zi'si zono zipilime lilenga lya Meditelaneya.

Ezekiyeli 26:15

U Muwaha Mulungu, yakali yena zinji kanyhi zono yakulilonjela likaya lya Tulo, yakutya, “Nagwe kolo wasumwa, i wanhu wako wono wekalaga mu mwalambalo we lilenga, wolokogofywa muno ne cililo ce wayawo wono wakuwulagwa.

Ezekiyeli 26:18

Nalu mwi'zuwa lyo wugwe wako, vizingwa vikucicima sunga ne wanhu wose wono wekalaga mumo, wakutinuswa muno so wuhodanjice wako.”

Danyeli 11:18

Ninga hanyuma ya zizo, mutemi wa Siliya, kologahoma makungugo menji mu nzila ye lilenga. Nayo kolowasuma wenji wa muli wawo. Ninga hamonga na zizo, citung'ati yumonga mujenzi, yo kolomusuma, yawudumye no widunhumuzi wakwe wose, yamunyetye no widunhumuzi wakwe mutemi wa Siliya.

Zefaniya 2:11

U Muwaha Mulungu, kolowogofya muno. Hambi nha koloyimala milungu yose ya mono yinze, ne makungugo gose golomuhemba mweneco du, wanhu na yisi yawo weneco.

Wukumbucize wo Wulajilize 32:8

Muwaha Mulungu mono yalawiliciye muli vyose, yuyo yo yawagawila zi'si makungugo gose. Yakawagawila wanhu no wikalo wawo. Mwene yawawicila mipaka, mu nghango ye liwalo lye wanhu wo Mulungu.