Mwamulizo 1:9 - Luganuzi Luswanu Kuli Wanhu Wose 2002

⁹ U Mulungu yakatya, “I malenga gono gali hasi yo wulanga gehangulizize hamonga, hakavu ho hasume kwijela.” Nayo vyo yikawa nhavivyo.

Mwamulizo 1:9 ပူးပေါင်းရင်းမြစ်များ

Mwamulizo 1:8

Nayo Mulungu yakawucema wuwo mwanya, “Wulanga.” Likaswa, wukela, lizuwa lye kejete.

Nehemiya 9:6

Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Jobu 26:10

Katemanulaga wuzelu mu wutitu, mu nzila yo kuwika mipaka, mucanyha ye malenga.

Jobu 26:7

Mulungu yo yawutandaza mwanya wa kusumuka, yakayitumbika ne yinze mu mwanya.

Zabuli 104:3

wuzenjile wikalo wako, mucanyha ye malenga mu wulanga, wunozize mavunde gawa wo mutuka wako, kugulucilaga mucanyha ye zimbawa ze libeho.

Zabuli 33:7

Yagakongholela hamonga, malenga ge lilenga ne visolo vye lilenga, yakavidindila mu nyumba yo wuwiko we viya.

Zabuli 95:5

Lilenga lyakwe, yo mweneco, mono yalinoza. Ne yisi nghavu, yo mweneco mono yayiwumba.

Muganuzi 1:7

Ne makolongo gose nago gahulumililaga kwi'lenga, ninga 'lanje, lilenga si limemaga yaye hamba hadodo, nago makolongo, kuko kono gahulumililaga, kanyhi kuko ko galawililaga.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Yona 1:9

Nayo Yona yakawatya, “Ane nili Muhebelaniya. Ane nimuhembaga Muwaha Mulungu, u Mulungu wa ku wulanga, mono yanoza yisi nghavu ne lilenga.”

2 Petelo 3:5

Iwanhu wawo, wasemwaga na vyono Mulungu yalonga, u wulanga ne yinze vikawa kuwumbwa. Ne yinze yikawumbwa ku wulawa mu malenga, na kwe malenga,

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!