Mwamulizo 1:4 - Luganuzi Luswanu Kuli Wanhu Wose 2002

⁴ U Mulungu yakawuwona wuzelu vyono wuswanu muno muno. Holeka Mulungu yakawa kuwutemanula u wuzelu ne citi,

Mwamulizo 1:4 ပူးပေါင်းရင်းမြစ်များ

Mwamulizo 1:10

Nayo Mulungu yakahacema baho i hakavu, “Yisi” na agalya malenga gono gakehanguliziza hamonga, yakagacema, “Yilenga.” U Mulungu yakaziwona zizo zose vyono swanu muno muno.

Mwamulizo 1:12

Yinze yikawa kucindya mawala gose ge vihadikwa vyose, vihadikwa vyono vilelaga zimbeyu, ne vihadikwa vyono vina ne zimbeyu zayo mugati yayo. U Mulungu yakaviwona vivyo vyose vyono viswanu muno muno.

Mwamulizo 1:18

ho gasume kutema ku misi na ku cilo, kanyhi ho gasume kuvitemanula u wuzelu ne citi. Mulungu yakaviwona vivyo vyose vyono viswanu muno muno.

Mwamulizo 1:25

Hodu, Mulungu yakawa kuganoza i malimu ga mu mbago ge mawala gose, yakanoza kanyhi ne zimitugo ze mawala gose, hamonga ne viwumbwa vyose vye mawala gose vyono vitambalaga hasi. U Mulungu yakaziwona zizo zose vyono swanu muno muno.

Mwamulizo 1:31

Mulungu yakaviwona vinhu vyose vyono yaviwumbile vyono viswanu muno muno, likaswa, wukela, lizuwa lyo mutandatu.

Zabuli 145:10

Gwe go Muwaha Mulungu, viwumbwa vyako vyose vyokulumba, ne wanhu wako wehuwilwa nawo wokukumya.

Zabuli 145:9

Muwaha Mulungu, yo muswanu kuli wanhu wose, kanyhi yali lusungu kuli viwumbwa vyakwe vyose.

Muganuzi 11:7

Heya, wuzelu wuswanu muno, no ku wulanga lizuwa nako, kwendezaga meso.

Muganuzi 2:13

Baho nghamanya vyono, kumbe kuwa na mahala, kuswanu si nho wulele, nha vyono winha wuzelu wuswanu wucizize citi.

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.