Mwamulizo 1:16 - Luganuzi Luswanu Kuli Wanhu Wose 2002

¹⁶ Hanyuma u Mulungu yakawa kuganoza mamuli mejete mawaha, ilimuli liwaha lisume kutema mu mapango ge misi, ne limuli lidodo, lisume kutema mu mapango ge cilo, nayo Mulungu kanyhi yakawa kunoza ne zinyelezi.

Mwamulizo 1:16 ပူးပေါင်းရင်းမြစ်များ

Mwamulizo 1:15

Ne mamuli gago ho gasume kumulika no kuyimulicila yinze.” Nayo vyo yikawa nhavivyo.

Jobu 31:26

Hamba nghali si ninawuhemba wuzelu we lizuwa hamba mwezi, mu wuswanu wayo wose.

Jobu 38:7

Hakali mitondo muno ya mwizuwa lilyo, zinyelezi zemba hamonga, ne viwumbwa vyose vya ku wulanga, vikemba na mazi mawaha ne nyemo.

Zabuli 148:3

Mumulumbe nanye nyo mwezi ne lizuwa, Mumulumbe nanye nyo zinyelezi, zose zono zikung'alala.

Zabuli 148:5

Litagwa lyo Muwaha Mulungu linojeye lilumbwe muno, hambi mwene nha yo yalajiliza na vyose vikawumbwa.

Zabuli 19:6

Nalyo lisosomocelaga lubavu lumonga, no kupilima sunga ku lubavu luyagwe, na hasina cono cosuma kwicita ne livuce lyayo.

Zabuli 74:16

Misi yo yako, sunga cilo naco co cako, waviwika mwezi ne lizuwa hanhu hayo.

Zabuli 8:3

Na lono nghuwulanga mwanya, u mulimo we vidole vyako go mweneco, sunga no mwezi ne zinyelezi vyono waviwumba,

Isaya 13:10

Nazo zinyelezi hamonga ne vibuto vye zinyelezi, si zolong'alala yaye. Nalyo lizuwa lyolotukuwala kolo lyeza kusosomoka, no mwezi nawo hamba si wolosana ng'o.

Isaya 24:23

Nawo mwezi wolotukuwala, ne lizuwa nalyo hamba si lyolowalika yaye. Hambi u Muwaha Mulungu we mihanga, nha kolowa yo mutemi. Nayo kolotema mu Yelusalemi, mwi'tunda lya Sayuni, ne walongola wose we wanhu, wololuwona lukumyo lwakwe.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.

Yelemiya 31:35

U Muwaha Mulungu, kawapelaga wanhu lizuwa ho liwamulicile wuzelu mu misi, nawo mwezi hamonga ne zinyelezi, zimulice mu mapango ge cilo. Yo mweneco mono kalitunhumyaga lilenga liwa kubuma, ne litagwa lyakwe kacemwaga u Muwaha Mulungu we mihanga.

Habakuki 3:11

Na mu wung'alale wo wugumile we zisonga zako, no wung'alale wo wuzelu we migoha yako, lizuwa no mwezi vyene vyo vimile du ha wikalo wavyo.

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ng'o, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

Matayo 27:45

Na mu wulawa mu saa sita mu misi, sunga mu saa tisa, yisi yose yikawa mu wutitu.

1 Wakolinto 15:41

Howuli u wuswanu we lizuwa, na wo mwezi, na we zinyelezi, sunga ne zinyelezi nazo ziwezaga zisimajiye mu wuswanu wazo.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.