Mwamulizo 1:11 - Luganuzi Luswanu Kuli Wanhu Wose 2002

¹¹ Mulungu yakatya, “Yisi yicindye mibici ye mawala gose, mibici yono yikulela, ne mibici yono yikulela mikalo yono yina ne zimbeyu mugati yayo.” Nayo vyo yikawa nhavivyo.

Mwamulizo 1:11 ပူးပေါင်းရင်းမြစ်များ

Wahebelaniya 6:7

U Mulungu kawulugutizaga u muhangha wono wuyibocelaga i mvula yono yikuwutonyela kenji na kenji, no kucindya i zimbeyu zono zina cambuzi kuli wono walimilwa.

Zabuli 147:8

Mwene kawugubicizaga wulanga ne mavunde, kawa kuyinozelezeza yinze mvula, hamonga no kucindya mahanze mu matunda.

Mwamulizo 1:29

Nane nghumupelenyi i mawala gose ge vilimwa, vyono vilelaga zimbeyu vyono vili mono'nze yiwe ndigwa yenyu, ne vilimwa vyose vye mawala gose vyono vilelaga mikalo yono yina ne zimbeyu zayo mugati yavyo.

Mwamulizo 2:9

Mulungu yakacindya mu yisi yose, i mawala gose ge mibici miswanu, yono yikulela mikalo yono yikwiliye so ndigwa ye wanhu. Ninga haciligati yo mugunda wuwo, hali howuli u mubici wo wumi, kanyhi no mubici wo kumanyila i ziswanu ne zimbi.

Maluko 4:28

U muhangha weneco wo wunozaga zimbeyu ziwiluce no kulela mikalo; zamulaga kutula mahamha mapya hanyuma yayo yiso, na mu ndumilizo yayo, zimhece zimemile mwi'so.

Matayo 6:30

Alu u Mulungu hono yawe yakugavwika imahanze ga mu migunda nha vivyo gono gali baha izuwali, ninga imitondo gakutagwa mu moto, wulenyi, si kosuma kumuvwicenyi viswanu anye kuciza? Anye mo wanhu mono mwina u wihuwilo wucefu!

Jobu 28:5

Na mu'si mumo, mo mulawaga ndigwa. Na hasi ye'si, gademuce makalanzi, genha nha gapiye no moto.

Zabuli 1:3

U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Mwamulizo 2:5

i yinze yali yisina vilimwa vyo vyose, hamba mibici yali yikali sinacindika, hambi Mulungu, u Muwaha Mulungu, nha yali yakali sinatonyeza mvula mu yinze, hamba munhu wo kuyilima, hali hakali hasina.

Yakobo 3:12

Wandugu zangu, libici lyo mukuyu ma, lisumaga kulela zeyituni? Hamba muzabibu wusumaga kulela nghuyu? Hamba ne cisima co muvwilo we malenga ge cimwino mwino, sicisumaga kuvwiza malenga mapolo.

Matayo 3:10

Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, wodumulwa no kutagwa mu moto.

Yelemiya 17:8

Hambi u munhu yuyo, nha kowa yehwanile no mubici wono wukuwilucila behi ne cikolongo, wono wuhimbize milela yayo mu malenga. No mubici wuwo, si wogopaga lizuwa hamba likalipe muno. Hambi i mahamha gayo, nha gekalaga gadedewaye du. Hamba mvula yilece kuwutonyela, wene wikalaga wusina mahwele yaye, langa wene wujendelelaga kulela mikalo du.

Mwamulizo 2:16

Mulungu, u Muwaha Mulungu, yakamulajiliza u munhu yuyo mulume, yakatya, “I mana ge mibici yose yono yili mu mugunda, kosuma kulya,

1 Wakolinto 15:38

Ninga Mulungu kayipelaga yiyo yi mbeyu, u muwili wono yakwenda mweneco, ne mbeyu yo yose, yitugaga u muwili wayo yili wene wono wisimajiye ne mbeyu yinji.

Mwamulizo 1:12

Yinze yikawa kucindya mawala gose ge vihadikwa vyose, vihadikwa vyono vilelaga zimbeyu, ne vihadikwa vyono vina ne zimbeyu zayo mugati yayo. U Mulungu yakaviwona vivyo vyose vyono viswanu muno muno.

Isaya 61:11

Nha vyono zimbeyu zicindikaga ziwa kuwiluka, ale nhavivyo no Muwaha Mulungu nayo vyo kowaponya wanhu wakwe. Ne makungugo gose gomukumya mwene.