Mwamulizo 1:1 - Luganuzi Luswanu Kuli Wanhu Wose 2002

¹ Ku mwamulizo Mulungu yawumba u wulanga ne yinze.

Mwamulizo 1:1 ပူးပေါင်းရင်းမြစ်များ

2 Watemi 19:15

yakalomba yakutya, “Gwe go Muwaha Mulungu, go Mulungu we Waisilayeli, mono wikaye mu makelubi, nha yo gwegwe Mulungu mono wutemile mu watemi wose wa mono'nze. Yo gwegwe mono wawumba wulanga ne yinze.

1 Zinghomo 16:26

Ne milungu ye zinghungugo zose, nha vihwani du, ninga u Muwaha Mulungu, yo yawumba wulanga.

2 Zinghomo 2:11

Ale, du! Nayo mutemi Hilamu, yakamwandicila baluwa Solomona, yakamupitula yakatya, “Gwe Solomona, Muwaha Mulungu vyono yawendile wanhu wakwe, holeka yakunoza agwe wuwe mutemi wawo.

Nehemiya 9:6

Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Jobu 26:13

Na ko muhe wakwe du, wulanga wukela, na ko muwoko wakwe, yaliwulaga lizoka lya mu malenga lyono lyeponyaga.

Jobu 38:4

“Wule, wali wuli baho, lono nayiwumbila yinze? Ale ta wulonje hono wuzimanyile.

Jobu 9:8

Hasina munhu wo wose mono yamutaziliza Mulungu kuwutandaza wulanga no kulikanyanjila i mawimbi ge lilenga.

Zabuli 102:25

wayiwumba yinze katali na katali, wulanga wo mulimo we miwoko yako.

Zabuli 104:24

Gwe go Muwaha Mulungu, milimo yako, nha minji muno kanyhi yo wizine muno muno! Wavinozeza vinhu vyose mu mahala mawaha! Ne yinze yimemile viwumbwa vyako du!

Zabuli 104:30

Ninga hono wuviputile muhe wako, hodu vikuwumipa kanyhi. Agwe yo gwegwe mono kuyisipulaga yinze, yiwa kutuga futa mhya.

Zabuli 115:15

Ale, Muwaha Mulungu yamulugutizenyi, mono yawumba wulanga ne yinze.

Zabuli 121:2

Wutazi wangu wolawa kuli Muwaha Mulungu, mono yawumba wulanga ne yinze.

Zabuli 124:8

Wutazi wetu wulawaga kuli Muwaha Mulungu, mono yawumba wulanga ne yinze.

Zabuli 134:3

Nayo Muwaha Mulungu, mono yawumba wulanga ne yinze, yamulugutizenyi ku wulawa ku Sayuni,

Zabuli 136:5

Yawuwumba wulanga ko wizuce wakwe mweneco, hambi lusungu lwakwe, nha lwikalaga cibitilila.

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 33:6

U Muwaha Mulungu, yawuwumba wulanga ko wulajilize wakwe, ne vinhu vyose vya ku wulanga, vyawumbilwa mu wahulile wakwe.

Zabuli 33:9

Hambi mwene nha yalonga du, ne yinze yikawa kuwumbwa, mwene yalajiliza du, na vyose vikawa kwijela.

Zabuli 8:3

Na lono nghuwulanga mwanya, u mulimo we vidole vyako go mweneco, sunga no mwezi ne zinyelezi vyono waviwumba,

Zabuli 8:4

hambi munhu co cici 'gwe go Mulungu, sunga agwe wumwihwese? Hambi munhu co cici, sunga agwe wumucelelele?

Zabuli 90:2

Agwe yo gwegwe go Mulungu, we cibitilila ne cibitilila, mono wali wuli baho du, sunga na lono matunda gali gakali si nawa, hamba yinze kuwumbwa.

Zabuli 96:5

Milungu ye makungugo ganji si cinji yaye, ninga Muwaha Mulungu yo yawumba wulanga.

Wutuluce 20:11

Hambi Muwaha Mulungu, nha yawumba wulanga ne yinze, hamonga ne lilenga na vyose vyono vili mugati, kwa vilo mutandatu. Na mwi'zuwa lyo mupunghati yakawa kuceha. Holeka Muwaha Mulungu yakalilugutiza lizuwa lyo mupunghati yakalyeza.

Wutuluce 31:18

Nayo Muwaha Mulungu yali yeza kukondya kulongana na Musa mwi'tunda lya Sinayi, Muwaha Mulungu yakamupela Musa vibawo vyejete vye mabwe, vyono mweneco Muwaha Mulungu yavyandika malajilizo mucanyha yavyo kwe cidole cakwe mweneco.

Zimbazi 16:4

U Muwaha Mulungu, yaviwumba vinhu vyose ko wuhile wakwe mweneco. Ninga wuhile we wabi, wobedyanjizwa.

Zimbazi 3:19

Muwaha Mulungu yayiwumba yinze, kwe mahala gakwe. Na ko wizuce wakwe, yakawusimya wulanga.

Muganuzi 12:1

Wumukumbucilaje Muwumbi wako mu vilo vyo wuzelelo wako, lono i vilo vibi vikali si vinaza yaye, hamba lono yikali si yinaza yono kolotya nhavi, “Aa, vinhu avi vyose hamba si vikunyendeza kanyhi yaye.”

Isaya 37:16

“Gwe go Muwaha Mulungu we mihanga, go Mulungu wa Isilayeli, mono wikaye kucanyha ha ciligati ye Makelubi. Yo gwegwe du Mulungu wuli wene, mono wutemile mu matemi gose ge yinze.

Isaya 40:21

Hongo lu agwe wukali namanya yaye? Hamba baho katali si walonjelwa ng'o? Hamba wukali si nahulika na vyono yinze yamula yamula ng'o?

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 40:28

Alu mwene anye si mumanyile? Hamba mukali nahulika? Hambi Muwaha Mulungu, nha yo Mulungu we cibitilila, kanyhi yo yayiwumba yinze yose. Mwene si kakatalaga, hamba kudobanya yaye. Hasina munhu mono kosuma kugamanya mahala gakwe.

Isaya 42:5

Mulungu yawumba wulanga, yakawa kuwutandaza, yakawa kuyisikamya yinze na vyose vyono vili mumo. Nayo yo kawapelaga wehele wanhu wose. Ninga aluno Muwaha Mulungu yakumulonjela mwitumami wakwe yakutya,

Isaya 44:24

“Ane yo nene Muwaha Mulungu wenyu, u muponyi wenyu. Ane yo nene mono namuwumbenyi. Ane yo nene Muwaha Mulungu, u muwumbi we vinhu vyose yo nene mono nawutandaza wulanga na lono nayiwumbile yinze, hasina hamba monga mono yanhaziliza.

Isaya 45:18

No Muwaha Mulungu yo Mulungu du yali wene mono yawuwumba wulanga! Kanyhi yo yayisimya no kuyiwumba yinze yakayinoza yisikame no kwikala cibitilila. Hamba si yayiwumba ho yiwe yitongo du lya caka, langa yayiwumba yiwe wikalo we wanhu. Kanyhi yo mweneco mono yakutya, “Ane yo nene Muwaha Mulungu du hamba hasina kanyhi mulungu yunji, langa nene du.

Isaya 51:13

Alu mwamusemwa Muwaha Mulungu mono yamuwumbenyi, mono yawutandaza wulanga, no kusimya misinji ye yinze? Alu nhawule mukuhila mwikale mu woga, ku soko yo wukali wa wawo wono wakumwiwonelenyi, no wukali wawo wono wewikanize wamongomezenyi? Ninga mumanye vyono wukali wawo si womupamizenyi anye yaye.

Isaya 51:16

Yo nene mono nawutandaza wulanga, nghasimya ne misinji ye yinze, nghayilonjela Yelusalemi nghatya, ‘Anye muli wanhu wangu! Nakondya kumwijizenyi mejizo gangu, kanyhi nghumucitilenyi no muwoko wangu.’ ”

Isaya 65:17

Muwaha Mulungu yakutya nhavi, “Nghuwumba yinze mhya, no wulanga wupya. Ne zinghani zinongozi, si zokumbucilwa kanyhi hamba kwihweswa yaye.

Yelemiya 10:12

Hambi u Muwaha Mulungu, nha yayiwumba yinze kwe vilungo vyakwe mweneco, yakayiwumba yinze kwe mahala gakwe mweneco, yakawutandalika sunga no wulanga.

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Yelemiya 51:15

U Muwaha Mulungu yayiwumba yinze kwe vilungo vyakwe, yayinoza yisi kwe mahala gakwe, yakawutandika no wulanga.

Zakaliya 12:1

Azi zo nghani zono yakuzilonga Muwaha Mulungu kuli wanhu wa Isilayeli. U Muwaha Mulungu mono yawutandaza wulanga, yakayiwumba ne yinze, yakamupela no munhu wumi, yakutya,

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Maluko 13:19

Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Metumo ge Watumwa 17:24

U Mulungu mono yawumba yinze, na vyose vyono vili mumo, yo Muwaha wo wulanga ne yinze, si kekalaga mu nyumba zo Mulungu zono zinozwaga ne miwoko ye wanhu.

Metumo ge Watumwa 4:24

Na wawo, waza hulika, wakenulila hamonga i mazi gawo kuli Mulungu, wakatya, “Gwe Muwaha, mono wanoza wulanga ne yinze ne lilenga, na vyose vyono vili mugati!

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

1 Wakolinto 8:6

hamba nhavivyo, kuli'se koyuli Mulungu yumonga du, Baba, u Muwumbi we vinhu vyose, mono sunga na sese nase, cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

Waefeso 3:9

kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Wahebelaniya 1:10

Kanyhi yakutya, “Muwaha, agwe yo gwegwe mono wayiwumba yinze baho ha mwamulizo, no wulanga wo mulimo wo muwoko wako,

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

Wahebelaniya 11:3

Na so wihuwilo, ase cimanyile nha vyono yinze yawumbilwa mu Nghani yo Mulungu; i vinhu vyono vijelaga ku wulawa mu vinhu vyono si vijelaga.

Wahebelaniya 3:4

Hambi i zikaya zose, nha zina u muzenji wayo, ninga u Mulungu yo muzenji we vinhu vyose.

2 Petelo 3:5

Iwanhu wawo, wasemwaga na vyono Mulungu yalonga, u wulanga ne yinze vikawa kuwumbwa. Ne yinze yikawumbwa ku wulawa mu malenga, na kwe malenga,

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Wugubule 22:13

Ane yo nene wo Mwamulizo na wo Mudumo, u Mulongozi na wo Mudumo.”

Wugubule 3:14

“Kuli malayika we likanisa lya Lawodikeya wandice nhavi, ‘Ayi yo nghani yono yikulawa kuli mono yakucemwa, yo “Heya”, Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”