Muganuzi 7:9 - Luganuzi Luswanu Kuli Wanhu Wose 2002

⁹ Holeka wulece kuwa mupelu ku wukolwa likuwo, hambi likuwo nha wo wuwe we wanhu walele.

Muganuzi 7:9 ပူးပေါင်းရင်းမြစ်များ

Mwamulizo 4:8

Hanyuma yayo, Kayini yakamulonjela u mwanakwawe Habeli yakatya, “Gwe mwanakwetu, ale cibite cikatembele mu mawimbi.” Nawo lono wali wali kuko mu mawimbi, hodu Kayini yakawa kumuhungucila u mwanakwawe Habeli, yakawa kumuwulaga.

2 Samwili 13:22

Nayo Abusalomu yakamusula Amunoni muno muno, vyono yagona no lumbulye Tamali kwa vilungo. Holeka hamba si vyelonzaga nayo.

2 Samwili 13:28

Yakawalajiliza wetumami wakwe yakawatya, “Mweze mumulanjiliye Amunoni, kolo yang'wa yagala muno muno, ane nomulonjelenyi, mumuwulaje. Mulece kogopa yaye. Hambi calo cico nha cowa cangu nene no mweneco. Holeka muweze ne vilungo, kanyhi mulece kuwa na mahwele!”

2 Samwili 13:32

Ninga Yonadabu u mwana wa Shimeya u mwanakwawe wa Dawudi, yakatya, “Gwe mutemi i wanago wose si wawulagwe yaye, langa Amunoni du yo yafwiye. Nagwe kosuma kuwona vyono Abusalomu yaziwika zinghani zizi lya mu nhumbula yakwe ku wulawa mwi'zuwa lililya lyono Amunoni yamwibatila lumbulye Tamali no kugona nayo kwa vilungo.

2 Samwili 19:43

Waisilayeli nawo wakawapitula i wanhu wa Yuda wakatya, “Ase cina magawo yikumi kuli mutemi Dawudi, kanyhi cina ling'ani yetu muli Dawudi vyono mwinha nha nyenye, hamba yawe yo we mhuga yenyu. Alu nhawule 'nye mukucibedegala se? Ninga mulece kusemwa nha vyono sese yo cali cili walongozi kulonga zo kumugomola mutemi!” Ne zinghani ze wanhu wa Yuda zikawa za wukali si nhe zinghani ze Waisilayeli.

Zimbazi 14:17

Ne wanhu wono wena likuwo lyono lyakaga musunho, wetumaga nghani za wulele. Ninga we mahala wekalaga wapolile.

Zimbazi 14:29

Munhu we mahala, si yakuwa kukolwa ne likuwo musunho. Ninga hono wuwe kukolwaga ne likuwo mbela, alu agwe wukwilajila vyono wuli mulele.

Zimbazi 16:32

Yili ciba hono wuwe si wuli mupelu kwi'kuwo, si nho munhu wa vilungo. Kanyhi, yili ciba wuwe no wiyimizi, si nho kutema mu makaya gose.

Zimbazi 25:8

Na hono wuwone nghani, wulece kubita mbela mbela mu mahakama so nghani yiyo. Ku soko hono yaze muhomelezi yunji yahomelele vyono zizo si za mbeka, alu 'gwe ho konozaci?

Muganuzi 7:10

Kanyhi, wulece kuwuza wuwe kutya, “Alo nhawule i vilo vye katali vyali viswanu, si nhe vilo vya lulu?” Wumanye vyono liwuzo lyono linha lilino, si lilawaga mu mahala yaye.

Yona 4:3

Holeka 'gwe Muwaha Mulungu, wundekaje ane nifwe. Hambi nha viswanu nifwe si nha kwikala mumi.

Yona 4:8

Yikawa lizuwa lyali lyeza kuwalika, Mulungu yakawa kutegula mbeho ya kucilima yono yina livuce liwaha muno, na Yona yakawa kuzilika so wukali we lizuwa, lyono lyali lyamutowa muno mu mutwe wakwe. Holeka yakawona ciba hono yafwe. Yakawa kutya, “Ciba hono nifwe si nha kwikala mumi.”

Yona 4:9

Ninga Muwaha Mulungu yakamutya, “Alo nhawule wukucikalalila cilimwa?” Yona yakapitula yakatya, “Heya, ane nina soko yono yikuleka nghukolwa likuwo, sunga nifwe!”

Maluko 6:19

Holeka Helodiyasi yakamusula muno muno Yohana, yakasaka sunga yamuwulaje, ninga hamba nhavivyo, siyasuma yaye.

Maluko 6:24

Baho u muhinza yuyo yakalawila kunze, yakabita kumuwuza unyina yakutya, “Alu yaya, nombeci!” Nayo nyina yakamutya, wulombe “Umutwe wa Yohana u Mubaputizi.”

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika, ninga yalece kuwa mupelu kulonga, hamba yalece kuwa mupelu kusimba.