Muganuzi 7:8 - Luganuzi Luswanu Kuli Wanhu Wose 2002

⁸ No mudumilizo we nghani, wuli ciba, si nha ku mwamulizo wayo, nayo munhu mukangalizi, yuyo yo muswanu, si nho munhu mwidunhumuzi.

Muganuzi 7:8 ပူးပေါင်းရင်းမြစ်များ

Wahebelaniya 10:36

Ninga mukusaka muwe no wukangalile, ho musume kwituma zono yakuzisaka Mulungu, ho mucibocele cono yehuwiza.

Zimbazi 14:29

Munhu we mahala, si yakuwa kukolwa ne likuwo musunho. Ninga hono wuwe kukolwaga ne likuwo mbela, alu agwe wukwilajila vyono wuli mulele.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwi'daha lono Yesu Kilisito yakwijela!

Yakobo 5:11

Holeka ciwacemaga wawo wo wamoti ku soko vyono wakangalila. Mwakondya kuhulika zo wukangalile wa Jobu, kanyhi mumanyile vyono u Muwaha yamutendela ha ndumilizo. Hambi Muwaha nha yamemile nheto no lusungu.

Yakobo 5:8

Na nyenye nhavivyo yimunojelenyi muwe na ngola, musikamye zinhumbula zenyu, hambi lizuwa lyo wuze wakwe Muwaha nha lyasejelela.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Luka 21:19

Mu wukangalizi wenyu, moponya wumi wenyu.

Zimbazi 16:32

Yili ciba hono wuwe si wuli mupelu kwi'kuwo, si nho munhu wa vilungo. Kanyhi, yili ciba wuwe no wiyimizi, si nho kutema mu makaya gose.

Zimbazi 15:18

Makuwo galetaga matemanuko. Ninga wukangalizi, wuletaga mulamu.

Luka 16:25

Ninga Abulahamu yakatya, ‘Mwanangu, wukumbucile vyono, lono agwe wali wukali mumi, wamotaga vyako viswanu, na Lazalo yakabocela i vibi, ninga lu baha mwene mutuzwe, nagwe wuli mu wusungu.

Zimbazi 28:25

No munhu mubugu, kasagahizaga mazozo. Ninga agwe, wiyohe kumwitumbila Muwaha Mulungu du.

Zimbazi 13:10

Wusisi, wuletaga wiwanganile. Holeka yili ciba kulondola wutazi, hambi nha go mahala.

Waefeso 4:2

Mweze muli wenenenyhezi nhondo zose, muli wapolo, mwina ngola, mwiyikangalilaje nyenye wose mu wendo.

Muganuzi 7:1

Lilumbo liswanu lili ciba, si nhe mafuta gono gena mhunjile swanu go wuguzi wukamu. Kanyhi lizuwa lyo kufwa lili ciba si nhe lizuwa lyo kulelelwa.